Satara Water Crisis: साताऱ्याच्या दुष्काळी भागात पाण्यासाठी वणवण!; माण, खटाव अन् फलटणमध्ये ३५ टँकर सुरू

Satara Water Crisis: माण तालुक्याला ३१ गावे आणि २०० वाड्यांमधील ४५,७०२ लोकसंख्या बाधित झाली आहे. माण तालुक्यात ३८,९७२ पशुधन देखील बाधित असून तेथे १ शासकीय व २९ खाजगी अशा एकूण ३० टँकरद्वारे पाणी पुरवले जात आहे

Satara Water Crisis: जिल्ह्यातील माण, खटाव आणि फलटण या तीन तालुक्यांमधील ३९ गावे आणि २३६ वाड्यांमधील ५४, २५७ नागरिक आणि ४१,१०७ पशुधनाची तहान भागवण्यासाठी जिल्हा प्रशासनाकडून एकूण ३५ टँकरद्वारे पाणीपुरवठा केला जात आहे. यामध्ये १ शासकीय आणि ३४ खाजगी टँकरचा समावेश तसेच पाण्याचा तुटवडा दूर करण्यासाठी प्रशासनाने १६ विहिरी आणि ९ बोअरवेलचे अधिग्रहित केले आहे.

माण तालुक्याला ३१ गावे आणि २०० वाड्यांमधील ४५,७०२ लोकसंख्या बाधित झाली आहे. माण तालुक्यात ३८,९७२ पशुधन देखील बाधित असून तेथे १ शासकीय व २९ खाजगी अशा एकूण ३० टँकरद्वारे पाणी पुरवले जात आहे, तसेच १० विहिरी आणि ६ बोअरवेलचे अधिग्रहण करण्यात आले आहे. या तालुक्यात दहिवडी, शिंगणापूर, म्हसवड, मार्डी, वरकुटे मलवडी, मलवडी, आंधळी आणि कुकुडवाड वर्तुळातील गावांना टँकरने पाणी दिले जात आहे.

Rajghat Protest Day 3 Delhi News: मुख्य निवडणूक आयुक्तांविरोधात विरोधकांचे रान पेटले! राहुल गांधीसह विरोधी पक्षने

४ खाजगी टँकरद्वारे पाणीपुरवठा सुरू

खटाव तालुक्यातील ७ गावे आणि ३६ वाड्यांमधील ७,८३३ नागरिकांना ४ खाजगी टँकरद्वारे पाणीपुरवठा सुरू आहे. खटावमध्ये ६ विहिरी आणि ३ बोअरवेल अधिग्रहित करण्यात आल्या असून मायणी, का. खटाव, बुध आणि कलेढोण परिसरातील गावांमध्ये पाण्याचे वाटप केले जात आहे. फलटण तालुक्यातील दुधेबावी मंडळातील एका गावातील ७२२ नागरिकांसाठी १ खाजगी टँकर सुरू करण्यात आला आहे. सध्या प्रशासन टंचाईग्रस्त भागांत टँकरच्या फेऱ्या आणि विहिरींच्या अधिग्रहणाद्वारे नागरिकांना दिलासा देण्याचा प्रयत्न करत आहे.

सातारा जिल्ह्यातील काही तालुक्यांत दुष्काळ जाहीर झाला असला, तरी कराड तालुक्यातील मसूर पूर्व भागातील अनेक गावांमध्ये दुष्काळसदृश परिस्थिती निर्माण झाली आहे. पावसाअभावी खरीप पिकांचे मोठे नुकसान झाले असून, शेतीच्या पाण्याबरोबरच पिण्याच्या पाण्याचाही प्रश्न दिवसेंदिवस गंभीर होत आहे.

Lifestyle News: सिगारेट ओढता? मग रक्तवाहिन्यांवरही होऊ शकतो ‘हा’ मोठा परिणाम; तज्ज्ञांचा इशारा

मसूर परिसरातील रिसवड, अंतवडी, गायकवाडवाडी, घोलपवाडी, हनबरवाडी, निगडी, खोडजाईवाडी, चिखली, किवळ, बानुगडेवाडी, गोसावेवाडी तसेच हेळगावचा पूर्व भाग नेहमीच पाणीटंचाईचा सामना करत असतो. पुणे-बंगळूर महामार्गालगतचा आणि नदीकाठचा परिसर हिरवागार दिसत असल्याने संपूर्ण भागातील परिस्थिती सारखीच असल्याचे गृहीत धरले जाते. परिणामी, डोंगराळ आणि कोरडवाहू भागातील गावांना दुष्काळी उपाययोजनांचा पुरेसा लाभ मिळत नसल्याची स्थिती आहे.

पिण्याच्या पाण्याचा प्रश्न गंभीर

या भागातील काही गावांमध्ये उन्हाळ्यात पिण्याच्या पाण्याची गरज भागवण्यासाठी टँकरची व्यवस्था करावी लागते. यंदा पावसाची स्थिती प्रतिकूल राहिल्याने पाणीटंचाईचे संकट अधिक गडद झाले आहे. शेतीसाठी पुरेसे पाणी उपलब्ध नसल्याने शेतकऱ्यांसमोर मोठे आव्हान उभे राहिले आहे.