नागपूर : दिशा सालियन मृत्यू प्रकरणाचे (Disha Salian Death Case) पडसाद आज विधानसभेत उमटले. शिंदे गटाचे खासदार राहुल शेवाळे (Rahul Shewale) यांनी आदित्य ठाकरे (Aditya Thackeray) यांच्यावर गंभीर आरोप केले होते. अभिनेता सुशांत सिंग राजपूतची मैत्रीण रिया चक्रवर्तीला (Rhea Chakraborty) AU नावाने ४४ फोन आले होते, हा AU म्हणजे आदित्य-उद्धव (Aditya Uddhav Thackeray) असल्याची बिहार पोलिसांनी (Bihar Police) माहिती दिल्याचा गौप्यस्फोट राहुल शेवाळे यांनी केला होता.
खासदार राहुल शेवाळे यांनी केलेल्या आरोपानंतर आज विधानसभेत पडसाद उमटले. दिशा सालियान मृत्यू प्रकरणाची चौकशी करावी अशी मागणी शिंदे गटाचे आमदार भरत गोगावले (Bharat Gogawale) आणि भाजप आमदार नितेश राणे यांनी (Nitesh Rane) केली. दिशाच्या मृत्यूपूर्वीच्या पार्टीत कोण कोण होते? पार्टीत मंत्री कोण होता? आणि हा तपास कुणाच्या राजकीय दबावामुळे थांबला? याची चौकशी करण्याची मागणी केली आहे.
आदित्य ठाकरेंच्या नार्को टेस्टची मागणी
दिशा सालियान प्रकरणात आदित्य ठाकरेंची नार्को टेस्ट करा अशी मागणी नितेश राणेंनी केली आहे. सुशांत सिंग, दिशा सालियान प्रकरण समोर येते तेव्हा आदित्य ठाकरेंचेच नाव का घेतले जाते? असा सवाल उपस्थित करत दाल मे कुछ काला है असे राणे म्हणाले. तर ए फॉर आदित्य म्हणत शेवाळेंच्या आरोपांना राणेंनी दुजोरा दिला. तसेच मुंबई पोलिसांनी दिशा सालियन केस रिओपन करावी, अशी मागणी त्यांनी केली. नितेश राणेंपाठोपाठ बडनेराचे आमदार रवी राणाही आदित्य ठाकरेंच्या नार्को टेस्टची मागणी केली. उद्या विधिमंडळात आवाज उठवणार असल्याचे रवी राणांनी सांगितले.
एसआयटीमार्फत चौकशी करणार
दिशा सालियन मृत्यू प्रकरणाची एसआयटी मार्फत केली जाणार असल्याची घोषणा उपमुख्यमंत्री देवेंद्र फडणवीस यांनी केली आहे. याप्रकरणात पोलीस तपास सुरु आहे, ज्यांच्याकडे पुरावे आहेत, त्यांनी पुरावे द्यावेत असे फडणवीस यांनी सांगितले.
.png "Videos"){kind=small}
