जीबी सिंड्रोमचा महाराष्ट्रात धोका वाढला
कोल्हापूर : छत्रपती प्रमिला राजे रुग्णालयात गेली महिनाभरापासून चंदगड तालुक्यातील गुइलेन-बॅरे सिंड्रोम बाधित एका महिला रुग्णावर उपचार सुरू असताना मृत्यू झाला आहे. दरम्यान, आरोग्य मंत्री प्रकाश आबिटकर यांच्या जिल्ह्यात जीबीएसचा हा पहिलाच मृत्यू असल्याचे सांगितलं जात आहे. तर या महिलेवर गेल्या काही दिवसांपासून चंदगडच्या शासकीय दवाखान्यात उपचार सुरू होते. ६० वर्षीय महिलेचा मृत्यू जीबीएस आजाराने झाल्याने आरोग्य यंत्रणा सतर्क झाली आहे.
राज्यात एकीकडे गुलेन बॅरी सिंड्रोमचे रूग्ण दिवसेंदिवस वाढत असताना दररोज रुग्णांच्या संख्येत वाढ होत आहे. चार दिवसांपूर्वी चंदगड तालुक्यातील ही ६० वर्षीय महिला सीबी सेंट्रल बाधित आजारामुळे कोल्हापूरच्या छत्रपती प्रमिलाराजे रुग्णांलयात अतिदक्षता विभागात उपचारासाठी दाखल झाली होती. रुग्णांलयाच्या डॉक्टरांनी या वृद्धेवर उपचार केले. मात्र, आज सकाळी महिलेचा मृत्यू झाला.
हेही वाचा: Mumbai GBS News: मुंबईकरांनो सावधान! जीबीएसचा पहिला मृत्यू, राज्यात GBS मुळे 8 रुग्णांचा मृत्यू
पुण्यात जीबीएस रुग्णांचे प्रमाण वाढत असताना या पार्श्वभूमीवर आरोग्य मंत्री प्रकाश अबिटकर यांनी कोल्हापूर जिल्हा प्रशासन आणि सीपीआर रुग्णालयाला सतर्कतेच्या सूचना दिल्या होत्या. त्यानुसार रुग्णालयातील अतिदक्षता विभागात ६० बेडची व्यवस्था करण्यात आली आहे. नागरिकांनी गोंधळून न जाता सतर्क राहण्याचं आवाहन छत्रपती प्रमिला राजे रुग्णालयाचे वैद्यकीय अधीक्षक डॉ. शिशीर मिरगुंडे यांनी केलं आहे.
गेल्या वर्षभरात जीबीएस आजारांमुळे रुग्णालयात दाखल होणाऱ्यांची संख्या दरवर्षीप्रमाणे आहे. मात्र, यंदा पुण्यात या आजाराचा मोठ्या प्रमाणात फैलाव झाल्याने या आजाराचा धोका वाढला आहे. सध्या, कोल्हापुरातील छत्रपती प्रमिलाराजे रुग्णांलयाच्या अतिदक्षता विभागात आठ जणांवर राजर्षी छत्रपती शाहू महाराज वैद्यकीय महाविद्यालयाचे अधिष्ठाता डॉ .एस .एस.मोरे यांच्या मार्गदर्शनाखाली वैद्यकीय उपचार सुरू आहेत. यामध्ये पाच रुग्ण प्रौढ तर तीन बालक आहेत. नागरिकांनी घाबरून न जाता रोजच्या आहारात शिळे अन्न टाळावे आणि पाणी उकळून प्यावे. शरीरातील रोगप्रतिकारक शक्ती वाढेल, अशाच अन्नाचं सेवन करण्याचं आवाहन जिल्हा आरोग्य प्रशासनाच्या वतीनं करण्यात आलं आहे.
.png "Videos"){kind=small}
