(फोटो सौजन्य- सोशल मीडिया)
रुग्णाला हृदयविकाराचा तीव्र झटका आल्याचे लक्षात येताच ओपीडीतील डॉक्टर आणि वैद्यकीय कर्मचाऱ्यांनी क्षणाचाही विलंब न करता आपत्कालीन उपचार सुरू केले. परिस्थितीचे गांभीर्य ओळखून काही सेकंदांतच रुग्णाला सीपीआर देण्यास सुरुवात करण्यात आली.
हृदयम मल्टीस्पेशालिटी हॉस्पिटलचे डॉक्टर शैलेश पाटील यांनी स्वतः पुढाकार घेत रुग्णाला सीपीआर दिला. त्यानंतर आवश्यकतेनुसार डिफिब्रिलेशनद्वारे विद्युत धक्का देण्यात आला. पुढील आवश्यक आपत्कालीन उपचारही तातडीने सुरू करण्यात आले. डॉक्टर आणि वैद्यकीय कर्मचाऱ्यांच्या प्रसंगावधानामुळे रुग्णाला वेळेत उपचार मिळाले आणि त्यांचे प्राण वाचविण्यात यश आले.
तीव्र हृदयविकाराच्या झटक्याच्या परिस्थितीत सुरुवातीचा काळ अत्यंत महत्त्वाचा असतो. अशा वेळी तातडीने सीपीआर सुरू करणे आणि गरजेनुसार डिफिब्रिलेशनसह पुढील आपत्कालीन उपचार करणे निर्णायक ठरू शकते. या घटनेतही उपचार सुरू करण्यात झालेला विलंब टाळल्याने रुग्णाला वेळेत वैद्यकीय मदत मिळाली.
Buldhana News: हॉर्न वाजविल्याचा राग तिघांवर जीवघेणा हल्ला; ६ जणांविरुद्ध गुन्हा; हातणी गावातील घटना
हृदयविकाराचा झटका कोणत्याही वेळी आणि कोणत्याही ठिकाणी येऊ शकतो. अशा परिस्थितीत रुग्णाला तातडीने योग्य प्रथमोपचार आणि वैद्यकीय उपचार मिळणे अत्यंत महत्त्वाचे असते. आपत्कालीन परिस्थितीत सीपीआरचे प्रशिक्षण आणि योग्य वेळी केलेली कृती रुग्णाचा जीव वाचविण्यासाठी निर्णायक ठरू शकते, हे या घटनेतून अधोरेखित झाले.
रुग्णावर तातडीने उपचार करणारे डॉक्टर शैलेश पाटील आणि ओपीडीतील वैद्यकीय कर्मचाऱ्यांनी दाखविलेल्या प्रसंगावधानाचे आणि तत्परतेचे कौतुक होत आहे.
Nagpur : मनपाचा ‘तो’ निर्णय कागदावरच , सी आणि डी कचरा व्यवस्थापनाचा दावा फोल; प्रशासनाचे दुर्लक्ष !
.png "Videos"){kind=small}
