कुर्ल्यातील इमारत अपघातातील मृतांच्या नातेवाईकांना सरकारकडून पाच लाखांची मदत – सुभाष देसाई

कुर्ला (Kurla Building Collapsed) परिसरातील नाईकनगर सोसायटीची चार मजली इमारत कोसळून ११ जणांचा मृत्यू तर १२ जण जखमी झाले आहेत. या घटनेची माहिती मिळताच राज्याचे नगरविकासमंत्री सुभाष देसाई (Subhash Desai) यांनी घटनास्थळाला भेट देऊन जखमींची विचारपूस केली.

मुंबई : कुर्ला (Kurla Building Collapsed) परिसरातील नाईकनगर सोसायटीची इमारत कोसळून त्यात मृत्यूमुखी पडलेल्या मृतांच्या नातेवाईकांना राज्य शासनातर्फे पाच लाखांची मदत (5 Lakh Government Help) करण्यात येईल, अशी माहिती नगरविकासमंत्री सुभाष देसाई (Subhash Desai) यांनी आज दिली.

[read_also content=”महाराष्ट्रात जून महिन्यात सरासरीच्या ५० टक्के पावसाची नोंद, शेतकरी चिंतेत https://www.navarashtra.com/maharashtra/very-less-rain-fall-in-june-at-maharashtra-nrsr-298232.html”]

नाईकनगर सोसायटीची चार मजली इमारत कोसळून ११ जणांचा मृत्यू तर १२ जण जखमी झाले आहेत. या घटनेची माहिती मिळताच राज्याचे नगरविकासमंत्री सुभाष देसाई यांनी घटनास्थळाला भेट देऊन जखमींची विचारपूस केली.

घटनास्थळाची पाहणी करत असताना दोघा जखमींना ढिगाऱ्याखालून सुखरूप वाचविण्यात आले. त्यांना लगेच शेजारील राजावाडी रुग्णालयात हलविण्यात आले. देसाई यांनी राजावाडी रुग्णालयाला भेट देऊन जखमींची विचारपूस केली. यावेळी जिल्हाधिकारी तसेच महापालिका आयुक्त यांच्याशी चर्चा करून जखमींना सर्वोतोपरी सहकार्य करण्याबाबत सूचना केल्या. अपघातातील सर्व जखमींचा खर्च राज्य शासन तसेच महापालिकेच्यावतीने करण्यात येईल, असे देसाई यांनी सांगितले.