Sugar Price Drop : सणासुदीच्या दिवसांत जळगावकरांना दिलासा! प्रतिकिलो मागे ‘इतक्या’ रुपयाने साखर स्वस्त

Sugar Price Drop: सणासुदीच्या काळात साखरेच्या वाढत्या दरामुळे चिंतेत असलेल्या ग्राहकांना जळगावातून काहीसा दिलासा मिळाला आहे. किरकोळ बाजारातील साखरेचा दर 75 वरून सुमारे 70 प्रति किलोवर आला आहे. तर घाऊक बाजारात दर सुमारे 66 प्रति किलो असल्याचे सांगितले जात आहे.

• जळगावात साखरेचा किरकोळ दर 75 वरून 70 वर
• घाऊक बाजारात साखरेचा भाव सुमारे 66 किलो
• निर्यात शुल्क शून्य करण्याच्या निर्णयाचा बाजारावर परिणाम

Jalgaon Market Sugar Price Drop: सणासुदीच्या काळात सामान्य नागरिकांच्या खिशाला कात्री बसणार होती. गोडावा निर्माण करणारी साखर अचानक 50 रुपयांवरुन 75 रुपयांकडे गेले होती. आता मात्र बाजारातून थोडी दिलासादायक बातमी समोर आली आहे. केंद्र सरकारने साखरेवरील निर्यात शुल्क शून्य करण्याचा निर्णय घेतल्यानंतर जळगावच्या बाजारपेठेत दर खाली आले आहेत. किरकोळ बाजारात ७५ रुपये किलो असलेली साखर आता सुमारे ७० रुपयांना मिळत आहे. म्हणजेच प्रतिकिलो मागे तब्बल ५ रुपयांचा दिलासा मिळाला आहे. तर घाऊक बाजारात साखरेचा भाव ६६ रुपये किलोच्या आसपास पोहोचला आहे.

निर्यात शुल्काबाबतचा निर्णय महत्त्वाचा

दर कमी होण्यामागे सरकारचा निर्यात शुल्काबाबतचा निर्णय महत्त्वाचा मानला जात आहे. शुल्क कमी झाल्यानंतर बाजारातील साखरेच्या उपलब्धतेवर परिणाम झाला असून, व्यापाऱ्यांकडील मालही बाजारात येऊ लागल्याचे चित्र आहे. दर वाढतील या अपेक्षेने काही व्यापाऱ्यांनी मोठ्या प्रमाणात साखर साठवून ठेवल्याची चर्चा होती. मात्र, आता परिस्थिती बदलल्याने असा साठा बाजारात आणण्याची वेळ आली आहे. त्यामुळे कृत्रिम टंचाई निर्माण करून दर वाढवण्याच्या प्रयत्नांनाही काही प्रमाणात आळा बसण्याची शक्यता आहे.

ग्राहकांना तूर्तास थोडा दिलासा

साखरेचे दर कमी झाल्याने सर्वसामान्य ग्राहकांना काहीसा दिलासा मिळाला असला, तरी पुढील काळात भाव किती स्थिर राहतात याकडे लक्ष राहणार आहे. सणासुदीच्या काळात साखरेची मागणी वाढत असल्याने बाजारातील दरांमध्ये पुन्हा चढ-उतार होतात का, हे पाहणे महत्त्वाचे ठरेल. सध्या जळगावच्या बाजारात किरकोळ दर ७० रुपये, तर घाऊक दर ६६ रुपये किलोच्या आसपास आहेत. त्यामुळे काही दिवसांपूर्वी वाढलेल्या भावामुळे चिंतेत असलेल्या ग्राहकांना तूर्तास थोडा दिलासा मिळाला आहे.

Jalgaon News: जवानांच्या मनगटावर बांधला जाणार अभिमानाचा धागा …

सणासुदीच्या काळात साखरेच्या वाढत्या दरामुळे चिंतेत असलेल्या ग्राहकांना जळगावातून काहीसा दिलासा मिळाला आहे. किरकोळ बाजारातील साखरेचा दर 75 वरून सुमारे ₹70 प्रति किलोवर आला आहे. तर घाऊक बाजारात दर सुमारे 66 प्रति किलो असल्याचे सांगितले जात आहे. केंद्र सरकारच्या साखरेवरील निर्यात शुल्क शून्य करण्याच्या निर्णयानंतर बाजारातील उपलब्धता वाढल्याने दर कमी झाल्याचे व्यापाऱ्यांकडून सांगितले जात आहे.

Jalgaon News: गोमांस आढळताच मनपाची धडक कारवाई! अनधिकृत …