Jalgaon News: वाहतूक पोलिसाने रोखताच व्यक्तीचा पारा चढला; थेट कॉलर पकडून घातली हुज्जत

Jalgaon News: धुळे शहरातील संतोषी माता चौकात दुचाकी चालवताना मोबाईलवर बोलणाऱ्या मोहन घाडगे याला वाहतूक पोलिसांनी अडवल्यानंतर वाद झाल्याची घटना समोर आली आहे. मिळालेल्या माहितीनुसार, सोमवारी सकाळी सुमारे 10:45 वाजता सहायक पोलीस उपनिरीक्षक रवींद्र ठाकरे आणि पोलीस कॉन्स्टेबल राहुल चौधरी वाहतूक नियंत्रणासाठी तैनात होते.

• धुळे शहरातील संतोषी माता चौक.
• सोमवारी सकाळी सुमारे 10:45 वाजता.
• दुचाकी चालवताना मोबाईलवर बोलत असल्याने वाहतूक पोलिसांनी मोहन घाडगे याला अडवले.

मोबाईलवर बोलत दुचाकी चालवणाऱ्या तरुणाला वाहतूक पोलिसांनी अडविल्याने संतप्त झालेल्या तरुणाने पोलिसाच्या वर्दीची कॉलर पकडून धक्काबुक्की केल्याची घटना सोमवारी सकाळी संतोषी माता चौकात घडली. मोहन संजय घाडगे (२१, रा. वाखारकर नगर, कॉटन मार्केटमागे, धुळे) असे संशयिताचे नाव असून, त्याच्याविरुद्ध शहर पोलीस ठाण्यात शासकीय कामात अडथळा आणल्याचा गुन्हा दाखल करण्यात आला आहे. Jalgaon News:

पोलीस कॉन्स्टेबल राहुल चौधरी वाहतुक नियंत्रणासाठी तैनात

मिळालेल्या माहितीनुसार, सोमवारी सकाळी संतोषी माता चौकात वाहतूक शाखेचे सहायक पोलीस उपनिरीक्षक रवींद्र ठाकरे आणि पोलीस कॉन्स्टेबल राहुल चौधरी वाहतुक नियंत्रणासाठी तैनात होते. सकाळी सुमारे १०.४५ वाजता मोहन घाडगे हा एमएच १८ बीवाय ३४४५ क्रमांकाच्या दुचाकीवरून मोबाईलवर बोलत जात होता.

Jalgaon Dal Price Hike: सणासुदीत खिशाला मोठी कात्री! डाळी महागल्या, मठानेही गाठले १८० रुपये

वाहतूक नियमांचे उल्लंघन केल्याने ठाकरे यांनी त्याला अडविले. याचा राग आल्याने घाडगेने मोबाईल काढून चित्रीकरण सुरू केले. तसेच आरडाओरड करीत, ‘माझ्या गाडीवर पाच हजार रुपयांचा दंड टाका, तुम्हाला वाटेल तो गुन्हा दाखल करा,’ असे आव्हान दिल्याचे फिर्यादीत नमूद आहे.

Jalgaon News: महिलांच्या हाताला बळ, स्वप्नांना नवी भरारी; ‘उमेद’कडून १.८ कोटींचे कर्ज

घाडगेविरुद्ध गुन्हा केलाय दाखल

वाद वाढल्यानंतर घाडगेने ठाकरे यांच्या वर्दीची कॉलर पकडून त्यांना धक्का दिल्याचा आरोप आहे. हा प्रकार पाहून अन्य पोलीस कर्मचारी मदतीसाठी धावले. त्यांनी घाडगे याला ताब्यात घेऊन शहर पोलीस ठाण्यात नेले. या प्रकरणी एएसआय रवींद्र ठाकरे यांच्या फिर्यादीवरून मोहन घाडगेविरुद्ध शासकीय कामात अडथळा आणल्याचा गुन्हा दाखल करण्यात आला आहे. वाहतूक नियमांचे उल्लंघन केल्यावरून सुरू झालेल्या वादाचे रूपांतर थेट पोलिसाशी हुज्जत घालण्यापर्यंत गेल्याने संतोषी माता चौक परिसरात काही काळ खळबळ उडाली.