Sunreta Pawar: मोठी बातमी! सुनेत्रा पवार यांचा राज्यसभा खासदारकीचा राजीनामा; बारामतीतील ऐतिहासिक विजयानंतर विधानसभेवर स्वारी!

बारामती पोटनिवडणुकीत विक्रमी विजय मिळवल्यानंतर उपमुख्यमंत्री सुनेत्रा पवार यांनी राज्यसभा खासदारकीचा राजीनामा दिला आहे. अजित पवारांचा विक्रम मोडीत काढत त्यांनी राज्याच्या राजकारणात नवे पर्व सुरू केले आहे.

• मोठी बातमी!
• सुनेत्रा पवार यांचा राज्यसभा खासदारकीचा राजीनामा
• बारामतीतील ऐतिहासिक विजयानंतर विधानसभेवर स्वारी

Sunetra Pawar Resign Rajyasabha: राज्याच्या उपमुख्यमंत्री सुनेत्रा पवार (Sunreta Pawar) यांनी आपल्या राज्यसभा खासदारकीचा राजीनामा दिला आहे. बारामती विधानसभा पोटनिवडणुकीत मिळालेल्या ऐतिहासिक विजयानंतर सुनेत्रा पवार आता विधानसभेच्या सदस्य बनल्या आहेत, परिणामी त्यांनी दिल्लीतील पद सोडण्याचा निर्णय घेतला आहे. नियमानुसार दोन्ही सभागृहात निवडून आलेल्या व्यक्तीला १४ दिवसांच्या आत कुठल्याही एका सभागृहाचा राजीनामा देणं बंधनकारक असतं

बारामती पोटनिवडणुकीत विक्रमी विजय

माजी उपमुख्यमंत्री अजित पवार यांच्या निधनानंतर रिक्त झालेल्या बारामती विधानसभा मतदारसंघासाठी पोटनिवडणूक पार पडली होती. या निवडणुकीत सुनेत्रा पवार यांनी केवळ विजयच मिळवला नाही, तर मताधिक्याचा नवा विक्रम प्रस्थापित केला. बारामतीच्या जनतेने सुनेत्रा वहिनींच्या नेतृत्वावर विश्वास दाखवत त्यांना १,१८,९३० मतांच्या प्रचंड फरकाने निवडून दिले आहे. पोटनिवडणुकीच्या इतिहासात इतक्या मोठ्या मताधिक्याने निवडून येणाऱ्या त्या पहिल्या महिला उमेदवार ठरण्याची शक्यता वर्तवण्यात येत आहे.