MP Sunil Tatkare
मुंबई : राज्याच्या राजकारणात आता पुन्हा एकदा मोठा भूकंप होणार का? अश्या शक्यता निर्माण झाल्या आहेत. दोन्ही राष्ट्रवादी पुन्हा एकत्र येऊन विलीनीकरण करणार असल्याच्या चर्चा रंगू लागल्या आहेत. याबाबत गेल्या काही दिवसांपासून जोरदार चर्चा सुरु असून राज्यात राजकीय टेन्शन वाढल्याचं दिसत आहे. अश्यातच, आज (शुक्रवार, 13 नोव्हेंबर) राष्ट्रवादीचे प्रदेशाध्यक्ष सुनील तटकरे यांनी नवा बॉम्ब फोडला असून पुढील राजकीय गणिताकडे सर्वांचं लक्ष लागलं आहे.
राष्ट्रवादी काँग्रेसच्या दोन्ही गटांच्या विलिनीकरणाचा मुद्दा चर्चेत असतानाच तटकरेंनी नवा दावा केला आहे. अजित पवार हयात असते तर १२ फेब्रुवारी रोजीच दोन्ही राष्ट्रवादी काँग्रेसचे विलिनीकरण झाले असते, असा मोठा दावा सुनील तटकरेंनी केला असून नव्या चर्चा सुरु झाल्या आहेत. अजितदादांनी आपल्याला याबाबत आधीच कल्पना दिली होती, असेही त्यांनी स्पष्ट केले. तटकरेंच्या या विधानामुळे राजकीय वर्तुळात वातावरण गरम झाल्याचं पाहायला मिळत आहे.
दोन्ही राष्ट्रवादी एकत्र येण्याबाबत अजित पवार यांच्या काळात चर्चा झाली होती, असा पुनरुच्चार तटकरे यांनी केला. अजितदादांनी स्वतः आपल्याला विलिनीकरणाची तारीख आणि त्यामागील प्रक्रिया सांगितली होती. ते हयात असते तर १२ फेब्रुवारीला हा निर्णय प्रत्यक्षात आला असता, असे तटकरे म्हणाले.
NCP Merger : ‘दादा गेले, विषय संपला!’ राष्ट्रवादीच्या विलिनीकरणावर सुप्रिया सुळे स्पष्टच बोलल्या
राष्ट्रवादीचे नेते छगन भुजबळ यांनी अजित पवार आणि जयंत पाटील यांच्यात विलिनीकरणाबाबत चर्चा झाल्याचा दावा केला होता. या दाव्याला तटकरे यांनी दुजोरा दिला.
भुजबळ यांच्यावर एशियन हॉस्पिटलमध्ये शस्त्रक्रिया झाली होती. त्यावेळी आपण त्यांना भेटायला गेलो होतो. त्याआधी अजितदादा आणि जयंत पाटील यांची भेट झाली होती. भुजबळ यांनी रुग्णालयातूनच या चर्चेत सहभाग घेतला असावा. त्यामुळे त्यांनी सांगितलेली माहिती चुकीची वाटत नाही, असे तटकरे यांनी सांगितले.
अजित पवार यांच्या निधनानंतर लगेच आपण या विषयावर का बोललो नाही, असा प्रश्न उपस्थित केला जात आहे. मात्र, प्रत्येक गोष्ट बोलण्याची एक वेळ असते. कोणत्या वेळी काय बोलायचे, याची आपल्याला जाणीव आहे. या विषयावर योग्यवेळी आणखी माहिती देणार असल्याचेही तटकरे यांनी स्पष्ट केले.
दरम्यान, शिंदे गटाचे नेते उदय सामंत यांनी केलेल्या टीकेवरही तटकरे यांनी प्रतिक्रिया दिली. मी काय बोलावे आणि काय बोलू नये, हे सांगण्याची गरज नाही. आमचे पक्ष वेगळे आहेत, त्यामुळे आमच्या पक्षाच्या विषयात इतरांनी हस्तक्षेप करू नये, असे ते म्हणाले. उदय सामंत यांना मंत्री करण्यात राष्ट्रवादीचा थोडाफार वाटा होता, असा टोलाही तटकरे यांनी लगावला.
एकीकडे विलिनीकरणाच्या जुन्या चर्चांवर नवे दावे समोर येत आहेत, तर दुसरीकडे तटकरे यांनी सध्या विलिनीकरणाचा विषय संपल्याचेही स्पष्ट केले आहे. त्यामुळे दोन्ही राष्ट्रवादींच्या भविष्यातील राजकीय भूमिकेकडे सर्वांचे लक्ष लागले आहे.
Ans: अजित पवार हयात असते तर १२ फेब्रुवारी २०२६ रोजी दोन्ही राष्ट्रवादी काँग्रेस पक्षांचे विलिनीकरण झाले असते. अजितदादांनी आपल्याला याबाबत आधीच कल्पना दिली होती, असा दावा सुनील तटकरे यांनी केला.
Ans: अजित पवार आणि जयंत पाटील यांच्यात दोन्ही राष्ट्रवादींच्या विलिनीकरणाबाबत चर्चा आणि बैठक झाल्याचा दावा छगन भुजबळ यांनी केला होता. सुनील तटकरे यांनीही या दाव्याला दुजोरा दिला.
Ans: आपण काय बोलावे आणि काय बोलू नये, हे सांगण्याची गरज उदय सामंत यांना नाही, असे तटकरे म्हणाले. तसेच सामंत यांना मंत्री करण्यात राष्ट्रवादीचा वाटा असल्याचा टोलाही त्यांनी लगावला.
.png "Videos"){kind=small}
