अकलूज : विचारपुर्वक आणी संयमाने आम्ही पावले उचलत आहोत. आम्हाला माहिती आहे. आमच्यावर प्रेम करणाऱ्या जनतेला आमची भूमिका ऐकण्याची घाई झाली आहे. येत्या १४ तारखेला राष्ट्रवादी शरद पवार गटाचे प्रदेशाध्यक्ष जयंत पाटील यांच्या उपस्थितीत मी राष्ट्रवादीत प्रवेश करत आहे. आमच्या विरोधकाकडे खूप आमदार असतील पण मत देणारी जनताच आमच्या बाजुला असल्याने आम्ही निश्चिंत असल्याचे धैर्यशील मोहिते पाटील म्हटले आहे.
माढा मतदार संघात शरद पवार कोणाला उमेदवारी देणार याकङे अख्ख्या महाराष्ट्राचे लक्ष लागुन राहीले होते. अनेकांची नावे रोज चर्चेत येत होती. शरद पवारांनी त्यांच्या उमेदवाराची दोनदा यादी प्रसिध्द केली. पण त्यात धैर्यशील मोहीते पाटील यांंचे नाव येत नव्हते. त्यामुळे माढा मतदार संघात संभ्रम वाढला होता. धैर्यशील मोहीते पाटील यांना पवार उमेदवारी देणार, धैर्यशील मोहीते पाटील अपक्ष उभारणार किंवा भाजपा त्यांची समजुत काढणार असे अनेक प्रश्न लोकांना पडले होते. अखेर धैर्यशील यांनी आपल्या भाजपातील पदाचा राजीनामा दिला आणी आपण शरद पवार यांच्या पक्षात जाणार असल्याचे स्पष्ट केल्याने माढ्याच्या निवडणुकीला रंग भरला आहे.
रामराजेंच्या भूमिकेकडे लक्ष
पक्ष प्रवेश करण्यापुर्वीच धैर्यशील माेहिते पाटील यांनी गावभेट दाैऱ्याच्या निमित्ताने मतदारसंघ पिंजून काढला आहे. १४ तारखेपासुन खऱ्या अर्थाने बॅटींग करणार असल्याचे धैर्यशील मोहिते पाटील म्हणाल्याने माढ्याच्या मैदानात आता खऱ्या अर्थाने चुरशीचा सामना पहावयस मिळेल. मोहीते पाटील यांच्या पाठीशी भक्कमपणे उभारलेल्या रामराजे नाईक निंबाळकरांना नुकतेच सागर बंगल्यानंतर देवगिरी बंगल्यावर तातडीने बोलावून घेण्यात आले आहे. त्यामुळे रामराजेंच्या भूमिकेकडे कार्यकर्त्यांचे लक्ष लागून राहीले आहे.
सर्व शक्यतांना पूर्णविराम
मोहिते पाटील भाजपच्याविरोधात जाणार नाहीत. भाजप त्यांची समजुत काढेल या सर्व शक्यतांना धैर्यशील मोहीते पाटील यांच्या पदाच्या राजीनाम्यामुळे पुर्णविराम मिळाला आहे. मोहीते पाटील यांनी मुंबई येथे शरद पवारांची भेट घेतल्यापासुन शिवरत्न बंगल्यावर कार्यकर्त्यांची वर्दळ वाढली आहे. या सर्व धामधुमीत भाजपचे आमदार रणजितसिंह मोहीते पाटील अलिप्त असल्याचे दिसून येते आहे. आपल्या भुमिकेविषयी बोलणे त्यांनी टाळले आहे.
.png "Videos"){kind=small}
