fadnavis chhath pooja
Devendra Fadnavis Chhath Pooja : उत्तर भारतीय नागरिकांसाठी अत्यंत पवित्र मानला जाणाऱ्या छठ पूजे वरून राज्यभरात गेल्या काही दिवसांपासून मोठा वाद निर्माण झाला आहे. मुंबईतील महत्वाच्या रेल्वे स्थानकांवर भोजपुरी गाणी वाजवण्यावरुण सुरु झालेला हा वाद नदी प्रदूषण, मुंबईतील समुद्रात होणारी अस्वच्छता या विषयांपर्यंत येऊन पोहोचला. शिवसेना ठाकरे गट आणि मनसेने याविरोधात आक्रमक भूमिका घेतली आहे. यावरून मराठी विरुद्ध उत्तर भारतीय असा वाद पेटलेला असतानाच मुख्यमंत्री देवेंद्र फडणवीस यांनी जुहू चौपाटीवर छठ पूजेनिमित्त भेट देऊन भाविकांना शुभेच्छा दिल्या.
मुंबईत छठपूजेचा उत्साह पाहायला मिळत असून जुहू चौपाटीसह शहरातील विविध समुद्रकिनारे आणि तलाव परिसरात भाविकांनी मोठी गर्दी केली होती. उत्तर भारतीय नागरिकांसाठी अत्यंत महत्त्वाचा असलेला हा सण मोठ्या श्रद्धेने साजरा करण्यात आला.
यावेळी जुहू चौपाटीवर मुख्यमंत्री देवेंद्र फडणवीस यांनीही भेट दिली. सूर्यास्ताच्या वेळी त्यांनी छठी मैय्याचं दर्शन घेत भाविकांना शुभेच्छा दिल्या. यावेळी त्यांनी छठपूजेच्या व्यवस्थेबाबत 2014 नंतर झालेल्या बदलांचाही उल्लेख केला.
Mumbai Chhath Puja: जुहू बीचसह चौपाट्यांवर जाण्यासाठी बेस्टच्या जादा बसगाड्या; जाणून घ्या वेळापत्रक
छठपूजेनिमित्त जुहू चौपाटीवर सकाळपासूनच भाविकांची वर्दळ पाहायला मिळाली. महिला आणि पुरुषांनी पारंपरिक पद्धतीने सूर्यदेवाची पूजा करत कुटुंबाच्या सुख-समृद्धीसाठी प्रार्थना केली. महापालिका प्रशासनाकडूनही भाविकांसाठी आवश्यक सोयी-सुविधांची व्यवस्था करण्यात आली होती.
सूर्यास्ताच्या वेळी मुख्यमंत्री देवेंद्र फडणवीस यांनी चौपाटीवर उपस्थिती लावली. यावेळी बोलताना त्यांनी समोर दोन समुद्र दिसत असल्याचं म्हटलं. एक समुद्र पाण्याचा, तर दुसरा समुद्र म्हणजे श्रद्धेने जमलेल्या जनतेचा महासागर असल्याचं सांगत त्यांनी उपस्थित भाविकांचं स्वागत केलं.
मुख्यमंत्री फडणवीस यांनी आपल्या भाषणात छठपूजेच्या आयोजनाचा उल्लेख केला. ते म्हणाले की, अनेक वर्षांपासून मुंबईत छठपूजेचं आयोजन केलं जात आहे. मात्र, 2014 नंतर आपल्या आशीर्वादाने सरकार आल्यानंतर येथील व्यवस्थेत बदल करण्यात आले.
छठ उत्सव महासंघ द्वारा आयोजित ‘छठ महापर्व’ में संबोधन… (छठ उत्सव महासंघ द्वारा आयोजित ‘छठ महापर्व’ | मुंबई | 15-11-2026)
#Maharashtra #Mumbai #ChhathPuja https://t.co/yE5yqeRejH — Devendra Fadnavis (@Dev_Fadnavis) November 15, 2026
छठपूजेसाठी येणाऱ्या माता-भगिनी निर्जला व्रत करतात. त्यामुळे त्यांच्यासाठी आवश्यक सोयी-सुविधा उपलब्ध करून देणं गरजेचं होतं. ही व्यवस्था कायम करण्याचं काम सरकारने केल्याचं त्यांनी सांगितलं.
यावेळी मुख्यमंत्र्यांनी सूर्यदेवाच्या महत्त्वावरही भाष्य केलं. सूर्याच्या आशीर्वादामुळेच सृष्टीचं जीवनचक्र सुरू असल्याचं सांगत त्यांनी सूर्यदेव, छठी मैय्या आणि पवित्र जल यांचं महत्त्व अधोरेखित केलं.
देव कोणत्याही जाती, धर्म किंवा प्रांतामध्ये भेदभाव करत नाहीत. प्रत्येकाला आशीर्वाद देतात, असं म्हणत फडणवीस यांनी सर्वांच्या मुला-बाळांना सुख, समृद्धी आणि आरोग्य लाभावं, अशी प्रार्थना केली. अखेरीस छठी मैय्याचा जयघोष करत त्यांनी सर्वांना छठपूजेच्या शुभेच्छा दिल्या.
Ans: मुंबईतील जुहू चौपाटीसह विविध समुद्रकिनारे आणि तलाव परिसरात छठपूजेचा उत्सव साजरा करण्यात आला. यावेळी उत्तर भारतीय भाविक मोठ्या संख्येने उपस्थित होते.
Ans: 2014 नंतर सरकार स्थापन झाल्यावर छठपूजेसाठी येणाऱ्या माता-भगिनींना आवश्यक सोयी-सुविधा उपलब्ध करून देण्याचं काम केल्याचं मुख्यमंत्री फडणवीस यांनी सांगितलं.
Ans: छठपूजेमध्ये सूर्यदेव आणि छठी मैय्याची पूजा केली जाते. या सणात भाविक सूर्यास्ताच्या आणि सूर्योदयाच्या वेळी सूर्याला अर्घ्य देऊन कुटुंबाच्या सुख-समृद्धीसाठी प्रार्थना करतात.
.png "Videos"){kind=small}
