‘विरोधकांना उत्तर द्यायला सह्याद्रीचे वाघ आहेत’; माजी मंत्री बाळासाहेब पाटील यांचे विधान

काहींनी तर अरेरावीची भाषा केली. मात्र, आमची ती संस्कृती नाही. केवळ राजकारण म्हणून कारखान्याकडे बघता. कारखाना वाचला पाहिजे, टिकला पाहिजे असे म्हणता त्यासाठी आम्ही सर्व सभासद शेतकरी ऊस उत्पादक समर्थ आहोत.

मसूर : सह्याद्री कारखानाच्या सर्वसाधारण सभेला चांगली परंपरा आहे. वार्षिक सभा बरोबर दोन वाजता सुरू करण्यात झाली होती. माजी उपमुख्यमंत्री अजित पवारांच्या श्रद्धांजलीचा ठराव सुरू असताना विरोधकांनी गोंधळास सुरुवात केली. सभेत प्रश्न असतात. खुलासे आपण करतो. या स्थितीत विरोधकांनी बाजार मांडला. या गोंधळात सह्याद्रीच्या सभासदांनी संयम ठेवला. विरोधकांना त्यांच्या प्रश्नांची उत्तरेच ऐकायची नव्हती तर केवळ नावाप्रमाणेच उत्तुंग चाललेल्या सह्याद्री कारखान्यावर फक्त टीका करायची होती. प्रतिसभा घेऊन प्रक्षोभीत भाषणे करता, अनेक वल्गना करता. त्याला योग्य वेळी उत्तर देऊच.

काहींनी तर अरेरावीची भाषा केली. मात्र, आमची ती संस्कृती नाही. केवळ राजकारण म्हणून कारखान्याकडे बघता. कारखाना वाचला पाहिजे, टिकला पाहिजे असे म्हणता त्यासाठी आम्ही सर्व सभासद शेतकरी ऊस उत्पादक समर्थ आहोत. चांगल्या आदर्शवत चाललेल्या सह्याद्रीकडे कोणी वाकड्या नजरेने बघू नका. उत्तर द्यायला सह्याद्रीचे पण वाघ आहेत, असा खणखणीत इशारा माजी सहकार मंत्री व सह्याद्री कारखान्याचे चेअरमन बाळासाहेब पाटील यांनी सह्याद्री कारखान्याच्या 53 व्या गळीत हंगामाचा बॉयलर अग्नी प्रदीपन समारंभ कारखान्याचे संचालक राजेंद्र भगवानराव पाटील व त्यांच्या पत्नी मनीषा राजेंद्र पाटील यांच्या शुभहस्ते करण्यात आला. या कार्यक्रम प्रसंगी बोलताना विरोधकांना दिला.

सह्याद्रीच्या सभेत घोषणाच घोषणा; 15 मिनिटांत सभा गुंडाळली; ठरावावेळी घोरपडे-कदम समर्थकांची घोषणाबाजी

बाळासाहेब पाटील म्हणाले, साखर कारखाना आहे म्हणून सर्व गोष्टी अहवालात समोर येतात. मात्र, इतर कारखान्यांचे कर्ज बघा, त्यांचा उत्पादन खर्च बघा, यावर्षी गतवर्षीपेक्षा उत्पादन खर्च कमी केला आहे. घरच्या कारभाऱ्याला तुम्ही सर्व सभासदांनी सहकार्य करणे आवश्यक आहे. राज्य सरकारने घेतलेल्या काही निर्णयांचे अभिनंदन करत एमएसपी दरवाढ व इथेनॉल दरवाढीसह कारखानदारांच्या इतर प्रश्नाकडे शासनाने लक्ष द्यावे. मोठ्या कामासाठी कर्ज काढावे लागते. विस्तार वाढीसाठी कर्ज काढले आहे. त्यापैकी 83 कोटी कर्जाची परतफेड केली आहे.

वारसनोंदी संदर्भात बोलताना ते म्हणाले, सुमारे 2200 प्रकरणापैकी 1300 वारसनोंदी पूर्ण झाले आहेत. मात्र, काही कौटुंबिक तक्रारींमुळे उर्वरित वारस नोंदी झालेले नाहीत. स्व. यशवंतराव चव्हाण साहेबांच्या विचाराने उभारलेला हा सह्याद्री कारखाना त्यांच्या विचारापासून दूर जाणार नाही. शासनाचा 15 ऑक्टोबरला कारखाने सुरू करण्याचा निर्णय चुकीचा आहे. साधारणपणे 15 नोव्हेंबर ते 15 मार्च यादरम्यान साखर परिपक्व होते. त्या अगोदर ऊस तोडला गेला तर सभासदांच्या बरोबरच राष्ट्राचे नुकसान होते.

माझ्यावर राजकीय वैयक्तिक टीका

सर्वसामान्य शेतकरी केंद्रबिंदू मानून काम करत असताना माझ्यावर राजकीय वैयक्तिक टीका केली जात आहे. त्याला त्या-त्या त्यावेळी उत्तर देऊ. स्व. यशवंतराव चव्हाण साहेबांचे, स्व. पी. डी. पाटील साहेबांच्या विचाराने मी घडलो आहे. त्यामुळे त्यामुळे सभासद हिताचेच काम करू, असा विश्वास व्यक्त करत यावर्षी अकरा लाख मेट्रिक टन उसाचे गाळप करण्याचा निर्धार त्यांनी व्यक्त केला.