चोपड्यात देशातील पहिल्या डिजिटल जनगणनेची तालीम, जळगावातील पंकज शाळेत प्रशिक्षण

पेन आणि कागद नाहीच

देशभरात २०२६-२७ मध्ये होणाऱ्या जनगणनेच्या पूर्वतयारीसाठी केंद्र सरकारने काही राज्यांमधील निवडक तालुके डिजिटल जनगणनेसाठी निवडले आहेत. या पायलट प्रकल्पात चोपडा तालुक्यातील २६ गावांचा समावेश करण्यात आला आहे. इतिहासात प्रथमच जनगणना डिजिटल माध्यमातून पार पडणार असून यामध्ये मोबाईल, टेंब आणि लॅपटॉपच्या सहाय्याने माहिती संकलन केले जाईल. यापूर्वीच्या सर्व जनगणनांमध्ये पेंड, पेन आणि कागदाचा वापर करण्यात येत होता.

नकाशा अंतिम करण्याचे काम सुरू

चोपडा तालुक्यातील आदिवासी, डोंगराळ तसेच मोठ्या गावांचा समावेश या योजनेत करण्यात आला आहे. पहिल्या टप्प्यात नकाशा अंतिम करण्याचे काम सुरू असून त्यानंतर घरांची यादी तयार करण्यात येणार आहे. प्रत्येक प्रगणन क्षेत्रात साधारण १५० ते २०० घरे आणि सुमारे ७०० ते ८०० लोकांचा समावेश असेल.

Jalgaon Crime : लग्नाचे अमिश देऊन लैंगिक शोषण! अखेर जळगावमधील वादग्रस्त पोलीस निरीक्षक निलंबित

या गावांमध्ये होणार प्रगणना

अडावद, खाऱ्यापाडाव वैजापूर, मुळयावतार, शेनपाणी, कर्जाणे, मेलाणे, देव्हारी, देवझिरी, बोरमळी, मालापूर, विरवाडे, विष्णापूर, वडती, अंबाडे, खरग, नारोद, बोरखेडा, वर्डी, रूखणखेडा प्र.चो., मालचे, तावसे खु., मंगरूळ, लोणी, पंचक, रूखणखेडा प्र.अ. 

जनगणना अधिकारी जेव्हा आपल्या घरी माहिती विचारतील, तेव्हा त्यांनी अचूक माहिती देऊन प्रशासनास सहकार्य करावे – भाऊसाहेब थोरात, तहसीलदार

संबंधित बातम्या