Ujani Dam Water Stock 2026: कोण पळवू पाहतंय उजनीचं पाणी? सोलापूरची जीवनवाहिनी धोक्यात

Ujani Dam Water Stock 2026: कर्नाटकची सात टीएमसीची मागणी, रब्बीचे आवर्तन, उन्हाळ्यातील पाणीपुरवठा आणि बाधीभवनामुळे होणारी घट, अशा सर्व बाबींचा विचार करूनच उजनीच्या पाण्याचे नियोजन करावे लागणार आहे. मुख्यमंत्री फडणवीस यांनी थेट अहवाल मागविल्याने काळजी वाढली आहे.

• कर्नाटक सरकारचा ७ टीएमसीचा दावा
• उजनीच्या पाणीसाठ्यात ३५% घट
• मुख्यमंत्री ॲक्शन मोडमध्ये

Ujani Dam Water News: सोलापूर जिल्ह्याची जीवनवाहिनी असलेल्या उजनी धरणाच्या पाण्यावर आता कर्नाटकनेही दावा केला आहे. विजापूर जिल्ह्यातील भीमा नदीकाठच्या गावांच्या सरकारने पाणीपुरवठ्यासाठी कर्नाटक उजनीतून तब्बल सात टीएमसी पाणी सोडण्याची मागणी केली आहे.

दुसरीकडे सोलापूर जिल्ह्यातील पाणीटंचाई गंभीर होत असताना मुख्यमंत्री देवेंद्र फडणवीस यांनी उजनीतील उपलब्ध जलसाठा, उन्हाळ्यातील संभाव्य पाणीटंचाई, बाष्पीभवन आणि कालवा सल्लागार समितीच्या बैठकीबाबतची माहिती तातडीने मागविली आहे. त्यामुळे उजनीच्या पाण्याचे नियोजन आता राज्य सरकारच्या रडारवर आले आहे.

Ratnagiri: जमिनी दिल्या, घरे सोडली; तरीही प्रश्न प्रलंबित! कोकण रेल्वे प्रकल्पग्रस्तांनी घेतला ‘हा’ निर्णय

गतवर्षी याच कालावधीत उजनी धरण शंभर टक्के भरलेले होते. यंदा मात्र धरणातील पाणीसाठा सुमारे ६५ टक्क्यांवर आला असून, गतवर्षीच्या तुलनेत ३५ टक्क्यांची घट झाली आहे. ४ नोव्हेंबरच्या आकडेवारीनुसार धरणात ३५.३० टीएमसी उपयुक्त पाणीसाठा आहे. सोलापूर शहरासह पंढरपूर, मंगळवेढा, सांगोला आणि भीमा नदीकाठच्या अनेक गावांच्या पाणीपुरवठा योजना उजनीवर अवलंबून आहेत. आगामी उन्हाळ्यात १ नोव्हेंबर ते ३१ मे या कालावधीत बाष्पीभवनामुळे सुमारे नऊ टीएमसी पाणी कमी होण्याचा अंदाज जलसंपदा विभागाने व्यक्त केला आहे. आता पुढील निर्णयाकडे लक्ष लागले आहे.

 

रब्बीसाठी आवर्तन सोडण्याची दाट शक्यता

नोव्हेंबरअखेर किंवा डिसेंबरच्या सुरुवातीला शेतीसाठी आवर्तन सोडण्याची शक्यता आहे. मात्र, मर्यादित जलसाठा आणि आगामी उन्हाळ्यातील पिण्याच्या पाण्याची गरज पाहता आवर्तनाचा निर्णय प्रशासनासाठी कसोटीचा ठरणार आहे. पालकमंत्री जयकुमार गोरे यांच्या अध्यक्षतेखाली या आठवड्यात कालवा सल्लागार समितीची बैठक होणार आहे, या बैठकीत पाण्याच्या वापराचे प्राधान्यक्रम आणि संभाव्य आवर्तनाबाबत निर्णय होण्याची अपेक्षा आहे.

Sugar Price Hike : साखर पुन्हा महागणार का? साखरेचे दर वाढवण्यासाठी सरकारकडे मोठी मागणी; काय आहेत कारणं?

कर्नाटकाकडून सात टीएमसी पाण्याची मागणी

कर्नाटकची सात टीएमसीची मागणी, रब्बीचे आवर्तन, उन्हाळ्यातील पाणीपुरवठा आणि बाधीभवनामुळे होणारी घट, अशा सर्व बाबींचा विचार करूनच उजनीच्या पाण्याचे नियोजन करावे लागणार आहे. मुख्यमंत्री फडणवीस यांनी थेट अहवाल मागविल्याने काळजी वाढली आहे.

“मुख्यमंत्री देवेंद्र फडणवीस यांनी मंगळवारी उजनी धरणातील सध्याचा पाणीसाठा, उन्हाळ्यातील संभाव्य स्थिती, बाष्पीभवनामुळे होणारी घट, पाणीपुरवठा योजनांची गरज आणि कालवा सल्लागार समितीच्या बैठकीबाबतची माहिती तातडीने मागविली. जलसंपदा विभागाकडून उपलब्ध पाणी आणि संभाव्य वापराचा अहवाल सादर केला जाणार आहे. त्यानंतर कालवा सल्लागार समितीच्या बैठकीत पाण्याचे अंतिम नियोजन निश्चित होण्याची अपेक्षा आहे.
-एस. एस. खांडेकर, अधीक्षक अभियंता, लाभक्षेत्र विकास प्राधिकरण