शिवरायांच्या पुतळ्याची राहुरीत विटंबना; अहिल्यानगर-मनमाड रस्त्यावर मांडले ठाण

घटनेनंतर घोषणाबाजी करत रास्ता रोको आंदोलन करण्यात आले. आरोपीला तत्काळ अटक करण्याची मागणी आंदोलकांनी केली. काहींनी रस्त्यावर टायर जाळल्याने वातावरण तणावपूर्ण झाले.

शिवरायांच्या पुतळ्याची राहुरीत विटंबना (संग्रहित फोटो)

Follow Us:

Follow Us:

राहुरी : राहुरी शहरातील बुवासिंध बाबा तालमीमध्ये छत्रपती शिवाजी महाराजांच्या अर्धाकृती पुतळ्याची विटंबना केल्याचा प्रकार समोर आला. त्यामुळे राहुरी शहरात तणाव निर्माण झाला आहे. संतप्त शिवप्रेमींनी यातील आरोपीला अटक करण्याच्या मागणीसाठी नगर-मनमाड रस्त्यावर ठाण मांडून रास्ता रोको केला.

शहरातील बुवासिंध बाबा तालमीमध्ये असलेल्या छत्रपती शिवाजी महाराजांच्या अर्ध्याकृती पुतळ्याच्या चेहऱ्याला अज्ञात समाजकंटकांने काळे फासल्याचे समोर आले. तसेच जिरे टोपाची देखील तोडफोड करण्यात आली. ही घटना दुपारी एकच्या सुमारास उघडकीस आली आहे. घटनेची माहिती पोलिसांना समजताच घटनास्थळी श्रीरामपूर उपविभागीय अधिकारी डॉ. बसवराज शिवपुजे, पोलिस निरीक्षक संजय ठेंगे यांच्यासह राहुरी पोलिस पथक दाखल झाले. घटनास्थळी मोठ्या प्रमाणात शिवभक्त जमा झाले होते. यावेळी जोरदार घोषणाबाजी करण्यात आली आहे. या घटनेमुळे शिवप्रेमींतून मोठा संताप व्यक्त होत आहे.

तणावपूर्ण वातावरण

घटनेनंतर घोषणाबाजी करत रास्ता रोको आंदोलन करण्यात आले. आरोपीला तत्काळ अटक करण्याची मागणी आंदोलकांनी केली. काहींनी रस्त्यावर टायर जाळल्याने वातावरण तणावपूर्ण झाले. सायंकाळी उशीरापर्यंत रास्ता रोको आंदोलन सुरू होते. आ. शिवाजी कर्डिले, बाजार समितीचे सभापती अरूण तनपुरे यांनी जमावाला सामोरे जात शांतता ठेवण्याचे आवाहन केले.

Web Title: Violence in rahuri due to desecration of shivaji maharaj statue nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com