गोंदिया : वर्धा येथील मेडिकलच्या विद्यार्थ्यांच्या कार अपघाताच्या चौकशीचे आदेश केंद्रीय मंत्री नितीन गडकरी ( Nitin Gadkari) यांनी दिले आहे. हा अपघात नेमका कशामुळे झाला? याचे नेमके कारण काय हे शोधण्याचे निर्देश देण्यात आले आहे. गोंदिया जिल्ह्यातील आमदार विजय रहांगडाले (MLA Vijay Rahangdale) यांच्या मुलाचाही या कार अपघातात मृत्यू झाला. त्यांच्या घरी सांत्वन देण्यासाठी नितीन गडकरी आले होते. यावेळी ते बोलत होते.
असा झाला होता अपघात
देवळी येथून वर्धेला येत असताना सेलसुरा जवळ मेडिकल विद्यार्थ्यांच्या कारचा २५ जानेवारीला अपघात झाला. वाहनावरून नियंत्रण सुटल्याने नदीच्या पुलावरून कार थेट खाली कोसळली. तब्बल 40 फूट उंचीवरुन विद्यार्थ्यांची कार खाली पडल्याने सात विद्यार्थ्यांचा जागीच मृत्यू झाला. मध्यरात्री दीडच्या सुमारास ही दुर्घटना घडली होती. या अपघातात तिरोड्याचे आमदार विजय रहांगडाले यांच्या मुलाचाही समावेश होता.
सर्व मेडिकलचे विद्यार्थी असून ते एमबीबीएसचं शिक्षण घेत होते. या विद्यार्थ्यांची कार नदीच्या पुलावरुन चाळीस फूट खोल दरीस कार कोसळून अपघात झाला होता होता. या अपघाताची दखल थेट पंतप्रधान मोदींनी (Narendra Modi) घेतली होती. तसेच, यात मृत्यू झालेल्या सातही मृतांच्या नातेवाईकांना पंतप्रधान मोदींनी पीएमएनआरएफ मधून प्रत्येकी दोन लाखांची मदत दिली आहे. तर, जखमींना ५० हजार रुपयांची मदत घोषित करण्यात आली.
[read_also content=”मुंबईत ‘राज’ गर्जना! BMC निवडणुकीत भाजपा-मनसे युती होणार? राज ठाकरे पदाधिकाऱ्यांच्या बैठकीत निर्णय घेणार https://www.navarashtra.com/mumbai/kokan/mumbai/bjp-mns-alliance-to-be-formed-in-bmc-elections-raj-thackeray-will-take-a-decision-in-the-meeting-of-office-bearers-nrvk-229730.html”]
.png "Videos"){kind=small}
