(फोटो सौजन्य- इन्स्टाग्राम)
चित्रपटसृष्टीतून अत्यंत दुःखद बातमी समोर येत आहे. राजस्थानी मॉडेल-अभिनेत्री हर्षिल कालिया हिचा एका रस्ते अपघातात भीषण अपघात झाला. या अपघातात तिचा जागीच मृत्यू झाल्याची माहिती मिळत आहे.
या घटनेने सर्वांना धक्का बसला असून सर्वजण दुःखी झाले आहेत. हर्षिल कालिया यांचा कार अपघात इतका भीषण होता की, तिचा जागीच मृत्यू झाला. हर्षिल कालियाच्या आत्म्यास शांती लाभो, अशी प्रार्थना सर्वजण करत आहेत.
जयपूरमध्ये ३० वर्षीय राजस्थानी मॉडेल-अभिनेत्री हर्षिल कालिया हिच्यासोबत हा अपघात घडला. मिळालेल्या माहितीनुसार, शिप्रा पथ रोडवर मॉडेल हर्षिल कालियाच्या कारचा अपघात झाला, ज्यात तिचा मृत्यू झाला. हा अपघात इतका भीषण होता की, कारवरील नियंत्रण सुटले, ती डिव्हायडरला धडकली आणि नंतर उलटली.
मिळालेल्या माहितीनुसार, हर्षिल कालिया रात्री उशिरा कामावरून घरी परतत होती. शिप्रा पथ रोडवर अचानक तिच्या गाडीवरील नियंत्रण सुटले आणि गाडी डिव्हायडरला धडकली. ही धडक इतकी जोरदार होती की गाडी उलटली, ज्यामुळे घटनास्थळी गोंधळाचे वातावरण निर्माण झाले. दहा मिनिटांनंतर, घटनास्थळी असलेल्या लोकांनी हर्षिलची गाडी सरळ केली. जेव्हा लोकांनी हर्षिलला गाडीतून बाहेर काढले, तेव्हा ती गंभीर जखमी झाली होती. बाहेर काढल्यानंतर तिला तातडीने जवळच्या एका खाजगी रुग्णालयात नेण्यात आले, जिथे डॉक्टरांनी तिला मृत घोषित केले.
मिळालेल्या वृत्तानुसार, डोक्याला झालेल्या गंभीर दुखापतीमुळे हर्षिलचा मृत्यू झाला. हर्षिलच्या निधनामुळे चित्रपटसृष्टीत शोककळा पसरली आहे. त्याच्या आत्म्यास शांती लाभो, अशी प्रार्थना सर्वजण करत आहेत. हर्षिल यापूर्वी ‘क्राईम नेक्स्ट डोअर’ या वेब सीरिजमध्ये दिसली होती.
हर्षिल अनेक राजस्थानी संगीत व्हिडिओंमध्येही दिसली होती. हर्षिल मॉडेलिंग क्षेत्रातही सक्रिय होती आणि सोशल मीडियावर तिचा मोठा चाहतावर्ग होता, पण आता ती आपल्यात नाही. तिच्या निधनाने तिचे कुटुंब अत्यंत दुःखी झाले आहे.
.png "Videos"){kind=small}
