‘या’ कारणामुळे Ameesha Patel चे झाले नाही लग्न, ‘अर्ध्या वयाची मुलं आता मला…’ व्यक्त केली खंत

म्हणूनच अमिषा पटेल स्थिरावली नाही

रणवीर इलाहाबादियाच्या पॉडकास्टमध्ये, अमिषाने उघड केले की तिची पहिली प्राथमिकता नेहमीच तिचे करिअर राहिले आहे. तिला कोणाची पत्नी होण्यापूर्वी स्वतःला सेटल करायचे होते. अभिनेत्रीच्या म्हणण्यानुसार, “मी शाळेत कधीही मुलांचा पाठलाग केला नाही. तेच असे करायचे. त्यानंतर, मला खूप प्रस्ताव आले आणि अजूनही लग्नासाठी येत आहेत, पण ज्या मुलांना मी भेटले त्यांना लग्नानंतर मी घरी राहावे असे वाटत होते आणि मी काम करू नये असंही त्यांना वाटत होते आणि मला ते आवडले नाही. मला सुरुवातीला ‘अमिषा पटेल’ व्हायचे होते कारण मी माझ्या आयुष्याचा बराचसा भाग कोणाची तरी मुलगी म्हणून घालवला होता आणि मला माझे प्रौढ आयुष्य फक्त कोणाची तरी पत्नी म्हणून घालवायचे नव्हते.”

यामुळेच पूर्वीचे नाते संपले

गदर अभिनेत्रीने खुलासा केला की चित्रपटांमध्ये प्रवेश करण्यापूर्वी तिचे एक गंभीर नाते होते, परंतु ते एका कारणामुळे संपले. ती म्हणाली, “जे लोक तुम्हाला प्रेम करतात ते तुमचे करिअर यशस्वी होऊ देतील. मी माझ्या करिअरसाठी आणि प्रेमासाठी खूप काही गमावले आहे. मी माझ्या करिअरसाठी दुसऱ्या गोष्टीचा त्याग केला आणि मला वाटते की मी दोन्ही गोष्टींमधून केवळ शिकलेच आहे.”

अभिनेत्रीने पुढे स्पष्ट केले की, “तो माझ्यासारखाच दक्षिण मुंबईतील एका प्रतिष्ठित औद्योगिक कुटुंबातून आला होता. आमची पार्श्वभूमी आणि शिक्षण समान होते आणि कुटुंबातील वातावरणही सारखेच होते. सर्व काही ठीक होते, पण जेव्हा मी चित्रपटसृष्टीत प्रवेश करण्याचा निर्णय घेतला तेव्हा माझ्या जोडीदाराला लोकांच्या नजरेत राहणे आवडत नव्हते आणि म्हणून मी प्रेमापेक्षा करिअरला प्राधान्य दिले आणि त्या नात्यातून बाहेर पडले”

सारंगची अटक आणि सावलीची झुंज! ‘सावळ्याची जणू सावली’ एका नव्या वळणावर

तरूण मुलांचा प्रस्ताव 

अमिषा पटेल म्हणते की आज तिच्या अर्ध्या वयाचे पुरुष तिला लग्नासाठी प्रस्ताव देतात आणि तिला डेटवर येण्याची विनंती करतात. ती वयाने लहान असणाऱ्या पुरुषाशी लग्न करण्यासही तयार आहे. ती म्हणते, “जर मला योग्य व्यक्ती सापडली तर मी लग्नासाठी तयार आहे. म्हणतात ना ‘जिथे इच्छा असते, तिथे मार्ग असतो’, म्हणून असा व्यक्ती मला ज्यावेळी सापडेल, तेव्हा ती संधी मी सोडणार नाही; तो माझा जीवनसाथी असेल. मला अजूनही अनेक श्रीमंत कुटुंबांकडून लग्नाचे प्रस्ताव येतात. माझ्या अर्ध्या वयाचे पुरुषही मला डेट करू इच्छितात आणि मी त्यासाठी तयारही आहे. पण पुरूष मानसिकदृष्ट्या प्रौढ असावा हीच माझी अपेक्षा आहे. मी माझ्यापेक्षा मोठ्या अनेक पुरुषांना भेटले आहे, परंतु त्यांचे मेंदू माशीइतकाही मोठा नाहीये.” अमिषा सध्या वेगवेगळ्या गोष्टी करत असून नुकताच आलेला गदर २ देखील प्रचंड चांगला प्रतिसाद मिळाला.

अमिषाचा व्हिडिओ

संबंधित बातम्या