शेख हसिना यांची भूमिका साकारणाऱ्या अभिनेत्रीला पोलिसांकडून अटक, नेमकं प्रकरण काय ?

बांग्लादेशच्या पंतप्रधानाच्या भूमिकेमुळे प्रकाशझोतात आलेली अभिनेत्री सध्या सोशल मीडियावर चर्चेत आली आहे. अभिनेत्री नुसरत फारिया हिला रविवारी सकाळी ढाका विमानतळावरुन अटक करण्यात आली आहे.

प्रसिद्ध बांगलादेशी अभिनेत्री नुसरत फारिया सध्या कमालीची संकटात अडकली आहे. बांगलादेशचे निर्माते शेख मुजीबुर रहमान यांच्या ‘मुजीबः द मेकिंग ऑफ अ नेशन’ या बायोपिकमध्ये अभिनेत्री नुसरत फारियाने बांग्लादेशच्या माजी पंतप्रधान शेख हासिना यांची भूमिका साकारली होती. बांग्लादेशच्या पंतप्रधानाच्या भूमिकेमुळे प्रकाशझोतात आलेली अभिनेत्री सध्या सोशल मीडियावर चर्चेत आली आहे. अभिनेत्री नुसरत फारिया हिला रविवारी सकाळी ढाका विमानतळावरुन अटक करण्यात आली आहे.

‘बिग बॉस १८’ फेम अभिनेत्रीची अचानक बिघडली तब्येत, अवॉर्ड फंक्शन सोडून थेट गाठलं हॉस्पिटल

जुलै २०२४ मध्ये बांग्लादेशामध्ये शेख हसीना यांच्याविरोधात छेडलेल्या जनआंदोलनादरम्यान हत्येचा प्रयत्न केल्याचा आरोप अभिनेत्रीवर करण्यात आला होता. यावेळी हत्येच्या प्रयत्नासंबंधित एका प्रकरणात नुसरत फारियाला अटक करण्यात आली आहे. ३१ वर्षीय अभिनेत्री नुसरत फारिया आज सकाळी थायलंडला जाण्यासाठी ढाकामधील शाहजहाल आंतरराष्ट्रीय विमानतळावर पोहोचली असताच तिला पोलिसांकडून अटक करण्यात आल्याचे वृत्त स्थानिक वृत्तपत्राने दिले आहे.

‘स्वदेस’च्या सेटवर शुटिंग दरम्यान शाहरुख खानचा झालेला अपघात, चित्रपटातील अभिनेत्याने सांगितला किस्सा; म्हणाला “आशुतोष चिडला पण…”

बड्डा झोनचे सहाय्यक पोलिस आयुक्त शफीकुल इस्लाम यांनी स्थानिक वृत्तपत्राला दिलेल्या मुलाखतीत अभिनेत्रीच्या अटकेची पुष्टी केली. विमानतळावरील इमिग्रेशन विभागातील सुत्रांनी दिलेल्या माहितीनुसार, अभिनेत्रीला अटक वॉरंटही जारी करण्यात आला आहे. अभिनेत्री नुसरत फारियाला अटक झाल्यानंतर ढाकामधील वातारा पोलीस ठाण्यात आणण्यात आले. त्यानंतर तिची रवानगी ढाका मेट्रोपॉलिटन पोलिसांच्या गुप्तहेर शाखेच्या कार्यालयात करण्यात येईल, असे वृत्त प्रथम आलो वृत्तपत्राने दिले आहे.

विराट कोहलीने अनब्लॉक करताच राहुल वैद्यचे सूर बदलले, ‘जोकर’ म्हटल्यानंतर आता कोहलीवर कौतुकाचा वर्षाव

२०२३ मध्ये आलेल्या ‘मुजिब: द मेकिंग ऑफ अ नेशन’ या चित्रपटात शेख हसीनाच्या भूमिकेच्या माध्यमातून अभिनेत्री नुसरत फारियाला मोठ्या प्रमाणावर प्रसिद्धी मिळाली. हा चित्रपट बांगलादेश आणि भारताच्या संयुक्त प्रयत्नातून बनवण्यात आला होता. चित्रपटाचे दिग्दर्शन भारताचे प्रसिद्ध दिग्दर्शक श्याम बेनेगल यांनी केला होता. अभिनयात करिअर करण्यापूर्वी नुसरतने रेडिओ जॉकी आणि प्रेझेंटर म्हणून काम केले. तिने २०१५ मध्ये बांगलादेश-भारत सहयोग ‘आशिकी: ट्रू लव्ह’ या चित्रपटातून पदार्पण केले. त्यानंतर त्यांनी अनेक बांगलादेशी आणि भारतीय चित्रपटांमध्ये काम केले आहे. ती बहुतेक बंगाली चित्रपटांमध्ये दिसली. ती टेलिव्हिजन होस्टिंग आणि मॉडेलिंगमध्ये देखील सक्रिय आहे.