१६ वर्षांची कायदेशीर लढाई अखेर संपली! ‘लंडन ड्रीम्स’ प्रकरणात विपुल अमृतलाल शाह यांना मोठा दिलासा

निर्माते विपुल अमृतलाल शाह यांची 16 वर्षांची कायदेशीर लढाई अखेर संपली आहे. चेक बाऊन्सचा खटला त्यांनी जिंकला असून दोषीला शिक्षा सुनावण्यात आली आहे

• विपुल अमृतलाल यांची कायदेशीर लढाई
• १६ वर्षे जुना चेक बाऊन्सचा खटला जिंकला
• लंडन ड्रीम्स’ प्रकरणात विपुल  शाह यांना मोठा दिलासा

‘द केरळ स्टोरी’चे निर्माते विपुल अमृतलाल शाह यांनी १६ वर्षे जुना चेक बाऊन्सचा खटला जिंकला आहे. २००९ मध्ये, विपुल अमृतलाल शाह यांनी त्यांच्या ‘सनशाईन पिक्चर्स प्रायव्हेट लिमिटेड’ या कंपनीमार्फत ‘लंडन ड्रीम्स’च्या निर्मात्यांना त्यांचा चित्रपट पूर्ण करण्यासाठी कर्ज दिले होते. निर्मात्यांनी परतफेडीसाठी दिलेला चेक जमा केल्यावर बाऊन्स झाला. आता, १६ वर्षांच्या कायदेशीर प्रक्रियेनंतर, विपुल शाह जिंकले असून, आरोपी निर्मात्यांना शिक्षा सुनावण्यात आली आहे.

१६ वर्षे चाललेल्या या दीर्घ आणि कष्टदायक न्यायालयीन प्रक्रियेनंतर, अंधेरी येथील महानगर दंडाधिकारी न्यायालयाने १५ एप्रिल २०२६ रोजी दिलेल्या आदेशात निर्माते श्री. पी. जे. सिंह आणि त्यांची पत्नी श्रीमती गीता भल्ला सिंह यांना दोषी ठरवले. त्यांना Negotiable Instruments Act 1881 (नेगोशिएबल इन्स्ट्रुमेंट्स कायदा १८८१) अंतर्गत शिक्षा सुनावण्यात आली आहे.

Bigg Boss Marathi 6: ड्रामा, टास्क आणि धक्कादायक एलिमिनेशन, ‘हे’ 5 मोमेंट्स ठरले बिग बॉस मराठी सीझन 6 चे अविस्मरणीय क्षण

विपुल अमृतलाल यांची कायदेशीर लढाई

विपुल अमृतलाल शाह यांनी अखेर ‘लंडन ड्रीम्स’ या चित्रपटाच्या निर्मात्यांविरोधातील १६ वर्ष जुने धनादेश अनादर प्रकरण जिंकले आहे. सन २००९ मध्ये, त्यांनी त्यांच्या ‘सनशाइन पिक्चर्स प्रायव्हेट लिमिटेड’ या कंपनीमार्फत चित्रपट पूर्ण करण्यासाठी निर्मात्यांना कर्ज दिले होते. मात्र, निर्मात्यांनी दिलेला परतफेडीचा धनादेश बँकेत जमा केल्यानंतर अनादरित (बाउंस) झाला होता.

पास्ताच्या एका बाऊलवरून पेटलेला संघर्ष! ‘तो ती आणि फुजी’तील ‘त्या’ सीनबद्दल Lalit Prabhakar ने केला खास खुलासा

न्यायालयाने संबंधित निर्मात्यांना ९० दिवसांच्या आत रक्कम अदा करण्याचे आदेश दिले आहेत. अन्यथा, त्यांना ९ महिन्यांच्या कारावासाची शिक्षा भोगावी लागेल. त्यामुळे असे म्हणणे चुकीचे ठरणार नाही की न्याय मिळायला उशीर झाला, पण अखेर न्याय मिळालाच.

विपुल शाह यांचा ‘द केरळ स्टोरी २
विपुल अमृतलाल शाह यांचा आधीचा चित्रपट, ‘द केरळ स्टोरी २’, मोठ्या वादात सापडला होता. वाद असूनही, हा चित्रपट चित्रपटगृहांमध्ये प्रदर्शित झाला. मात्र, ‘द केरळ स्टोरी’ला मिळालेले बॉक्स ऑफिस यश त्याला मिळवता आले नाही. तसेच, समीक्षकांकडूनही त्याला संमिश्र प्रतिसाद मिळाला.