‘मला बेपत्ता व्हायचे आहे…’ असे का म्हणाला अभिषेक बच्चन? भावनिक पोस्टमागील कारण झाले उघड

अभिषेक बच्चनने नुकतीच एक क्रिप्टिक पोस्ट शेअर केली होती ज्यामाघील कारण समोर आले आहे. अभिनेता बेपत्ता होण्याबद्दल का म्हणाला याचे कारण नवीन पोस्टमध्ये हे उघड झाले आहे. जाणून घेऊया संपूर्ण प्रकरण ?

बॉलीवूड अभिनेता अभिषेक बच्चनने नुकतीच एक गूढ पोस्ट शेअर करून सर्वांचे लक्ष वेधून घेतले आहे. ज्युनियर बच्चनने सोशल मीडियावर असे काही शेअर केले की लोक विविध अंदाज बांधू लागले. अनेकदा लोक स्वतःला शोधण्याबद्दल बोलतात, पण अभिषेक बच्चन सोशल मीडियावर त्याच्या बेपत्ता होण्याबद्दल बोलताना दिसला. अशा परिस्थितीत, सर्वजण गोंधळले की हे प्रकरण काय आहे? सर्वप्रथम, अभिषेक बच्चनने काय पोस्ट केले होते आणि ते का पोस्ट केले होते हे जाणून घेऊयात.

दिग्दर्शकाने रेखाच्या डोळ्यात अमिताभसाठी पाहिले प्रेम, बिग बींना लग्नासाठी दिला सल्ला; काय म्हणाले?

अभिषेक बच्चनच्या गूढ पोस्टचे सत्य उघड झाले
१८ जून रोजी अभिषेक बच्चनने त्याच्या इंस्टाग्रामवरून एक पोस्ट शेअर केली आणि लिहिले, ‘मला एकदा गायब व्हायचे आहे, मला पुन्हा गर्दीत स्वतःला शोधायचे आहे. माझ्याकडे जे काही होते ते मी माझ्या प्रियजनांना दिले आहे. आता मला फक्त स्वतःसाठी थोडा वेळ हवा आहे.’ अशी पोस्ट पाहिल्यावर चाहतेही घाबरले. त्याच वेळी, आता अभिषेक बच्चनने एक नवीन पोस्ट शेअर केली आहे आणि चाहत्यांना सांगितले आहे की तो अचानक गायब होण्याबद्दल का बोलत होता? अभिनेत्याने सर्व अफवांना पूर्णविराम दिला आहे. काळजी करण्यासारखे काही नाही, अभिषेक बच्चन फक्त त्याच्या चित्रपटाचे प्रमोशन करत होता. अभिनेत्याने ही पोस्ट का केली याचे कारण आता समजले आहे.

 

See more

अभिषेकने ‘कालिधर लापता’ चित्रपटाची घोषणा केली
खरं तर, अभिषेक बच्चनचा ‘कालिधर’ हा नवीन चित्रपट प्रदर्शित होणार आहे. अभिनेता फक्त चाहत्यांचे लक्ष त्याकडे वेधण्याचा प्रयत्न करत होता. आता अभिषेक बच्चनने त्याच्या आगामी ‘कालिधर लापता’ चित्रपटाचे पहिले पोस्टर देखील शेअर केले. या पोस्टरमध्ये तो एका मुलासह झाडावर बसलेला दिसतो आहे. तो अगदी साध्या लूकमध्ये आहे. जणू तो चित्रपटात एका गावातील माणसाची साधी भूमिका साकारत आहे. आता हे पोस्टर शेअर करताना अभिनेत्याने लिहिले आहे की, ‘चर्चेवर आता पूर्णविराम! कधीकधी, खरी कहाणी गायब होण्यापासून सुरू होते. स्वप्ने, रहस्य आणि ते सार्थक करणाऱ्या लोकांनी भरलेली.’ असे लिहून अभिनेत्याने ही पोस्ट शेअर केली आहे. आणि अनोखी कथा अभिनेत्याने प्रेक्षकांसाठी आणली आहे.

‘Meesho ची दीपिका…’, अनन्याचा ग्लॅमरस लूक पाहून चाहत्यांचा संताप; कार्तिक आर्यनलाही केले ट्रोल

अभिषेकचा ‘कालिधर लापता’ हा चित्रपट कधी प्रदर्शित होणार?
अभिषेक बच्चनचा हा नवीन चित्रपट ZEE5 वर येणार आहे. त्याच्या प्रीमियरची तारीखही जाहीर करण्यात आली आहे. ‘कालिधर लापता’ हा चित्रपट ४ जुलै रोजी ZEE5 वर प्रदर्शित होणार आहे. आता ही पोस्ट पाहिल्यानंतर चाहते सुटकेचा नि:श्वास सोडत आहेत. अभिषेक बच्चनच्या या गूढ पोस्टमुळे सोशल मीडियावर अफवांना उधाण आले होते. अभिषेक बच्चनला काय झाले याबद्दल चाहते खूप चिंतेत होते? तसेच, आता अभिनेत्याच्या घोषणेनंतर अफवांना पूर्णविराम मिळाला आहे. आणि चाहते हा चित्रपट पाहण्यासाठी आता उत्सुक आहेत.