Aditi Rao Hydari Birthday: ‘बिब्बोजान’आधी अदिती रावच्या या पात्रांनी जिंकले होते चाहत्यांचे मन, मिळाली प्रसिद्धी!

बॉलिवूड अभिनेत्री आदिती राव हैदरी हिने तिच्या करिअरमध्ये अनेक प्रकारच्या भूमिका केल्या आहेत. तिने साऊथ सिनेमातही आपले अभिनय कौशल्य दाखवले आहे. अभिनयासोबतच तिची स्टाइलही चाहत्यांना आवडते आहे.

हिंदी चित्रपटसृष्टीत, अदिती राव हैदरी ही अभिनेत्री तसेच हैदराबादच्या राजघराण्यात जन्मलेली राजकुमारी म्हणून ओळखली जाते. आपल्या स्टाईलने सगळ्यांना खिळवून ठेवणारी अदिती राजघराण्यातील आहे. राजघराण्यातील असूनही तिने स्वबळावर चित्रपटसृष्टीत आपला ठसा उमटवला आहे. आज तिच्या अभिनयासोबतच तिच्या शैलीनेही चाहते प्रभावित झाले आहेत. 28 ऑक्टोबर 1978 रोजी हैदराबाद, तेलंगणा येथे जन्माला आलेल्या आदितीचा आज 38 वा वाढदिवस आहे. ती अकबर हैदरी यांची नात आहे. ती आसामचे माजी राज्यपाल मोहम्मद सालेह अकबर हैदरी यांची भाची आहे. अदितीचे आजोबा अकबर हैदरी हे 1869 ते 1941 पर्यंत हैदराबादचे पंतप्रधान होते. याशिवाय मोहम्मद सालेह अकबर हैदरी हा अदितीचा मामा आहे. ते आसामचे माजी राज्यपाल राहिले आहेत.

अभिनेत्रीने 2007 मध्ये फिल्मी करिअरला केली सुरुवात
आदितीने 2007 मध्ये तिच्या फिल्मी करिअरला सुरुवात केली. ‘श्रंगाराम’ या साऊथ सिनेमातून तिने करिअरला सुरुवात केली होती. दोन वर्षांनी ती बॉलिवूडमध्ये आली. अदितीने ‘दिल्ली-6’ मधून हिंदी चित्रपटसृष्टीत पदार्पण केले. अभिनेत्रीच्या वाढदिवशी आपण तिच्या बॉलिवूडमधील सर्वोत्कृष्ट अभिनय असणाऱ्या चित्रपटांबद्दल जाणून घेणार आहोत.

हे देखील वाचा – सिद्धार्थ मल्होत्रा ​​या अभिनेत्रीसह ‘परम सुंदरी’मध्ये करणार रोमान्स, चित्रपटाची प्रेमकहाणी असणार खास!

पद्मावत
संजय लीला भन्साळी दिग्दर्शित ‘पद्मावत’मध्ये रणवीर सिंग आणि दीपिका पदुकोण हे मुख्य कलाकार असले तरी अदितीनेही तिच्या उपस्थितीने प्रेक्षकांच्या मनावर छाप सोडली. तिने रणवीर सिंगची पहिली पत्नी मेहरुन्निसा ही भूमिका साकारली होती. चाहत्यांना तिची ही भूमिका देखील खूप आवडली.

ताज: डिव्हाइड बाय ब्लड
‘पद्मावत’ नंतर अदितीला इतिहासाशी निगडीत पात्र साकारण्याच्या ऑफर मिळू लागल्या. तिला राजकुमारीच्या भूमिकेत खूप आवडले होते. 2023 मध्ये अदितीने ‘ताज: डिव्हाइड बाय ब्लड’मध्ये अनारकलीची भूमिका साकारून सर्वांना आश्चर्यचकित केले.

हे देखील वाचा – Surbhi Jyoti Wedding: सुरभी-सुमित अडकले विवाहबंधनात, वधू-वरांच्या फोटोंवर चाहत्यांचे वेधले लक्ष!

हिरामंडी
हीरामंडी हा अदिती राव हैदरीचा असा चित्रपट आहे ज्यात तिने एका गणिकेची भूमिका केली होती. लाहोरच्या हिरामंडीची कथा दाखवणाऱ्या या मालिकेत तिने ‘बिब्बोजान’ ही व्यक्तिरेखा साकारली होती. या व्यक्तिरेखेसाठी तिच्या चेहऱ्यावरील हावभावच नाही तर मुजरा करणाऱ्या महिलेची चालण्याची नाजूक शैलीही चाहत्यांना खूप आवडली. आणि ती खूप प्रसिद्ध देखील झाली.

जुबली
आदिती राव हैदरीची ही मालिका ‘हिरामंडी’च्या आधी 2023 मध्ये रिलीज झाली होती. यामध्ये अभिनेत्रीने सावित्री नावाची व्यक्तिरेखा साकारली होती. पुन्हा एकदा त्याने आपल्या अभिनयाने प्रेक्षकांच्या मनावर छाप सोडली. तसेच तिचा रेट्रो स्टाइलमधील लूकदेखील चाहत्यांना खूप अडवला.