साऊथ सुपरस्टार अजित कुमार पद्मभूषण पुरस्काराने सन्मानित; कुटुंबासह दिल्लीला रवाना झाला अभिनेता!

अलिकडेच अजित कुमार त्याच्या 'गुड बॅड अग्ली' चित्रपटामुळे चर्चेत आहे. हा चित्रपट थिएटरमध्ये चांगली कमाई करत आहे. आज सोमवारी, अभिनेत्याला पुरस्काराने सन्मानित करण्यात येणार आहे.

दाक्षिणात्य सुपरस्टार अजित कुमार यांना त्यांच्या शानदार अभिनय कारकिर्दीसाठी सोमवारी पद्म पुरस्काराने सन्मानित केले जाणार आहे. आज सोमवारी, अभिनेता त्याच्या कुटुंबासह विमानतळावर दिसला आहे. अभिनेता नुकताच त्याच्या ‘गुड बॅड अग्ली’ चित्रपटामुळे चर्चेत आहे. दाक्षिणात्य सुपरस्टार अजित कुमारने अनेक सुपरहिट चित्रपट देऊन प्रेक्षकांच्या मनात वेगळे स्थान निर्माण केले आहे.

अजित कुमार कुटुंबासह दिसले
अलीकडेच सोशल मीडियावर एक व्हिडिओ व्हायरल होत आहे, ज्यामध्ये अजित कुमार त्याची पत्नी शालिनी, मुलगी अनुष्का आणि मुलगा अद्विकसोबत दिसत आहे. अभिनेता त्याच्या कुटुंबासह चेन्नई विमानतळावर दिसला, जिथून तो दिल्लीला रवाना होणार होता. विमानतळावर हा अभिनेता काळ्या आणि पांढऱ्या रंगाचा ब्लेझर घातलेला दिसला आहे.

‘मंगलाष्टका रिटर्न्स’मधून उलगडणार सुलट प्रेमाची उलट गोष्ट, दमदार स्टारकास्टसह चित्रपटाचं पोस्टर लाँच!

अजित कुमार यांना पद्म पुरस्काराने सन्मानित केले जाणार
अभिनेते अजित कुमार यांना आज सोमवारी दिल्लीतील राष्ट्रपती भवनात भारताच्या राष्ट्रपती द्रौपदी मुर्मू यांच्या हस्ते पद्म पुरस्कार प्रदान करण्यात येणार आहे. या कारणास्तव, अभिनेता आज चेन्नईहून दिल्लीला रवाना झाला आहे. अभिनेता त्याच्या कुटुंबासह विमानतळावर स्पॉट झाला. अजित कुमारला पद्म पुरस्कार मिळणार या बातमीने त्याचे चाहते आनंदी झाले आहेत. अभिनेत्याची संपूर्ण कारकीर्द पाहता तो नक्कीच या पुरस्काराचा मानकरी आहे.

आयपीएलचा आनंद घेण्यासाठी अभिनेता पोहोचला होता
अलिकडेच, अजित कुमार आयपीएलचा आनंद घेण्यासाठी चेपॉक स्टेडियमवर पोहोचला होता. तिथे, अभिनेता चेन्नई सुपर किंग्ज आणि सनरायझर्स हैदराबाद यांच्यातील सामन्याचा आनंद घेताना दिसला, ज्याचे फोटो सोशल मीडियावर व्हायरल झाले. आणि आता अभिनेत्याचे पद्मभूषण पुरस्कारासह फोटो पाहण्यासाठी चाहते उत्सुक आहेत. तसेच अभिनेता त्याचे लवकरच नवनवीन चित्रपट घेऊन येणार आहे.

पहलगाम हल्ल्यानंतर सलमान खानने युके दौरा ढकलला पुढे, चाहत्यांनी दिल्या प्रतिक्रिया!

अजित कुमारची कारकीर्द
अजित कुमारबद्दल सांगायचे झाले तर तो सध्या त्याच्या ‘गुड बॅड अग्ली’ चित्रपटामुळे चर्चेत आहे. हा चित्रपट थिएटरमध्ये सुरू आहे आणि बॉक्स ऑफिसवर चांगली कमाई करत असल्याचे दिसून येत आहे. आतापर्यंत या चित्रपटाने १५० कोटींपेक्षा जास्त कमाई केली आहे. अधिक रविचंद्रन दिग्दर्शित या चित्रपटात अजित कुमार, त्रिशा, प्रसन्ना आणि सुनील मुख्य भूमिकेत दिसत आहेत.