(फोटो सौजन्य- इन्स्टाग्राम)
फॅशन वीकमध्ये पैठणी साडी आणि बिकिनी ब्लाउज परिधान केल्यामुळे वादात सापडलेल्या आकांक्षा पुरीने ट्रोलर्सना प्रत्युत्तर दिले आहे. हा बोल्ड लूक डिझायनरची संकल्पना होती, असे स्पष्टीकरण अभिनेत्रीने दिले. हा संपूर्ण प्रकार बॉम्बे टाइम्स फॅशन वीकशी संबंधित आहे. आकांक्षा पुरीने प्रसिद्ध डिझायनर रोहित वर्मा यांच्या एका शोमध्ये पाहुणी म्हणून हजेरी लावली होती. या कार्यक्रमासाठी आकांक्षाने पारंपरिक महाराष्ट्रीयन पैठणी साडी परिधान केली होती, पण तिच्या ब्लाउजने सर्वांचे लक्ष वेधून घेतले. आकांक्षाने या पारंपरिक साडीसोबत एक बोल्ड बिकिनी ब्लाउज परिधान केला होता.
आकांक्षा पुरीचे फोटो सोशल मीडियावर येताच खळबळ उडाली. तिच्या चाहत्यांनी तिचे आणि आत्मविश्वासाचे कौतुक केले, तर दुसरीकडे ट्रोलर्सनी याला संस्कृतीचा अपमान म्हणत तिच्यावर टीका केली. पैठणीसारख्या पारंपरिक साडीसोबत असा धाडसी प्रयोग करणे अनुचित असल्याचे लोकांनी म्हटले
आपल्या ‘सारी फरमाईश’ या नवीन म्युझिक व्हिडिओच्या प्रमोशनदरम्यान आकांक्षाने या वादावर उघडपणे भाष्य केले. तिने शांतपणे उत्तर दिले, “या लूकबद्दल मला ट्रोलिंगपेक्षा जास्त कौतुक मिळाले आहे. माझा विश्वास आहे की, जेव्हा तुम्ही काहीतरी वेगळे करता आणि लोक त्याचे कौतुक करतात, तेव्हा काही लोक त्यावर टीकाही करतात. मी नकारात्मक गोष्टींपेक्षा सकारात्मक गोष्टींवर लक्ष केंद्रित करणे पसंत करते.”
आकांक्षा पुरीने हे देखील स्पष्ट केले की, हा लूक केवळ तिची निवड नसून, डिझायनरने केलेली एक खास रचना होती. ती म्हणाली, “ती साडी आणि ब्लाउज रोहित वर्माने खास माझ्यासाठी डिझाइन केले होते. मला रोहितच्या प्रतिभेवर आणि त्याच्या कलेवर पूर्ण विश्वास आहे. एक कलाकार म्हणून, डिझायनरची संकल्पना पूर्ण तीव्रतेने सादर करणे हे माझे काम आहे. जर त्याने ती डिझाइन तयार केली असेल, तर मी ती पूर्ण आत्मविश्वासाने परिधान केली.”
आकांक्षा केवळ तिच्या वादांमुळेच नाही, तर तिच्या कामामुळेही चर्चेत असते. अश्मित पटेलसोबतचे तिचे ‘सारी फरमाईश’ हे गाणे प्रदर्शित झाले असून त्याला चांगला प्रतिसाद मिळत आहे. इतकेच नाही, तर ती लवकरच भोजपुरी सुपरस्टार खेसारीलाल यादवसोबत पडद्यावर रोमान्स करताना दिसणार आहे.
अल्लू अर्जुनच्या वाढदिवशी चाहत्यांना मिळाले मोठे सरप्राईज; ॲटलीसोबत भव्य अॅक्शन चित्रपटाची घोषणा
.png "Videos"){kind=small}
