‘Bhool Chuk Maaf’ ची ओटीटी रिलीज डेट ढकलली पुढे ? राजकुमार रावचा चित्रपट का अडकला वादात ?

राजकुमार राव आणि वामिका गब्बी यांच्या 'भूल चुक माफ' या चित्रपटाबाबत एक नवीन अपडेट समोर आली आहे, ज्यामध्ये असे म्हटले जात आहे की हा चित्रपट १६ मे रोजी ओटीटीवर प्रदर्शित होणार नाही आहे.

बॉलिवूड अभिनेता राजकुमार राव आणि वामिका गब्बी यांचा ‘भूल चुक माफ’ हा चित्रपट ओटीटी रिलीजच्या घोषणेपासून वादात सापडला आहे. यापूर्वी हा चित्रपट ९ मे रोजी थिएटरमध्ये प्रदर्शित होणार होता. त्यानंतर भारत-पाकिस्तान तणावादरम्यान, निर्मात्यांनी घोषणा केली की हा चित्रपट आता १६ मे रोजी ओटीटी प्लॅटफॉर्म प्राइम व्हिडिओवर प्रदर्शित होणार आहे. या घोषणेमुळे संतप्त झालेल्या पीव्हीआर सिनेमाने दिनेश विजनच्या प्रॉडक्शन हाऊस मॅडॉक फिल्म्सविरुद्ध ६० कोटी रुपयांचा दावा दाखल केला होता. आता एक नवीन अपडेट समोर येत आहे की निर्माते ‘भूल चुक माफ’ पुन्हा एकदा थिएटरमध्ये प्रदर्शित करणार आहेत.

भूल चुश माफ चित्रपटगृहात प्रदर्शित होणार
पिंकव्हिलाच्या अहवालानुसार, ‘भूल चुक माफ’चा ओटीटी रिलीज जवळ येत असताना कायदेशीर वादात लक्षणीय वाढ झाली आहे. हे लक्षात घेता, निर्मात्यांना थिएटर रिलीजच्या निर्णयाकडे परत वळावे लागले आहे. सूत्रांकडून मिळालेल्या माहितीनुसार, ‘मॅडॉक फिल्म्स विरुद्ध पीव्हीआर आयनॉक्स सिनेमा प्रकरणात न्यायालयाने आपला आदेश दिला आहे. राजकुमार राव आणि वामिका गब्बी यांचा भूल चुक माफ आता २३ मे २०२५ रोजी थिएटरमध्ये प्रदर्शित होणार आहे.

सत्य घटनेवर आधारित ‘शातिर The Beginning’ मराठी चित्रपटाचा जबरदस्त ट्रेलर लाँच!

चित्रपट OTT वर कधी स्ट्रीम कधी होईल?
सूत्रांनी असेही सांगितले की, थिएटरमध्ये प्रदर्शित होण्याबरोबरच, मॅडॉक फिल्म्सने १५ मे पासून त्यांची मार्केटिंग मोहीम पुन्हा सुरू करण्याची योजना सुरू केली आहे. आजपासून ॲडव्हान्स बुकिंग सुरू करण्यात येणार आहे. अहवालानुसार, सूत्रांनी सांगितले की, ‘हिंदी चित्रपटांसाठी मानक डिजिटल रिलीज विंडो थिएटरमध्ये प्रदर्शित झाल्यानंतर 8 आठवड्यांनंतर असते.’ न्यायालयाच्या निर्देशानुसार, भूल चुक माफ हा चित्रपट ६ जून २०२५ रोजी, फक्त दोन आठवड्यात, प्राइम व्हिडिओवर प्रदर्शित होणार असल्याचे सांगितले आहे.

 

See more

‘धतड तटड धिंगाणा…’,‘पी.एस. आय. अर्जुन’ चित्रपटातील ‘प्रमोशनल साँग’ प्रेक्षकांच्या भेटीला

निर्मात्यांच्या घोषणेची वाट पाहत आहे
जर मॅडॉक फिल्म्सने ‘भूल चुक माफ’ चित्रपटगृहात प्रदर्शित केला तर त्यांना पीव्हीआर सिनेमांना ६० कोटी रुपये द्यावे लागणार नाहीत. कारण ओटीटी स्ट्रीमिंग पुढे ढकलण्यात आल्याचे वृत्त समोर आले आहे. तथापि, निर्मात्यांनी अद्याप अधिकृतपणे काहीही जाहीर केलेले नाही. तसेच हा चित्रपट कधी प्रदर्शित होणार याची चाहते आतुरतेने वाट पाहत आहेत.