Bigg Boss 19: ‘माझ्यासोबत पंगा घेऊन तर बघ…,’ तान्यावर भडकला अमाल; दोघांच्या मैत्रीत दुरावा

'बिग बॉस १९' मध्ये तान्या मित्तल आणि नीलम गिरी यांच्यात दुरावा निर्माण झालेला दिसून आला आहे. दरम्यान, अमाल आणि तान्या यांच्यात देखील जोरदार वाद होताना दिसला आहे. नुकत्याच 'बिग बॉस'चा नवा प्रोमो समोर आला आहे.

• ‘बिग बॉस’च्या घरात सुरु झाला नवा ड्रामा
• तान्यावर आणि अमालने झाले वाद
• तान्या-नीलमच्या मैत्रीत तडा

सलमान खानच्या “बिग बॉस १९” या रिॲलिटी शोमध्ये दररोज नाट्यमय घडामोडी पाहायला मिळत आहेत. अलिकडेच जवळच्या मित्रांमध्येही दुरावा निर्माण झालेला दिसून आला आहे. तान्या मित्तल आणि नीलम गिरी या दोघींमध्ये जोरदार भांडण दिसून आले. त्यानंतर त्यांची मैत्री पूर्वीसारखी राहिली नाही. अमाल मलिकने या स्पर्धेत प्रवेश केला आणि तान्या मित्तलचा खेळ उघडकीस आणला आहे. यामुळे अमाल आणि तान्या यांच्यातील वादही वाढलेला दिसला. निर्मात्यांनी एक नवीन प्रोमो रिलीज केला आहे ज्यामध्ये अमाल तान्याशी वाद घालताना दिसत आहे, “जर तुला माझ्याशी पंगा घेयायचा असेल तर घेऊन तर बघ.” असं अमाल तान्याला बोलताना दिसत आहे. आणि अमालच्या भांडणाचा व्हिडिओ सोशल मीडियावर व्हायरल होत आहे.

BO Collection: ‘एक दीवाने की दिवानीयत’ साठी प्रेक्षक वेडे, तिसऱ्या दिवशीही चित्रपटाची जबरदस्त कमाई

अमाल आणि तान्यामध्ये वाद का झाला?
प्रोमोमध्ये, तान्या आणि नीलम त्यांचा वाद सोडवण्याचा प्रयत्न करताना दिसत आहेत. अमाल मधेच बोलण्यास सुरुवात करतो. तान्या म्हणते, “उगाच मध्ये बावळू नकोस. मी तुझ्याशी बोलत नाही आहे.” संतापलेला अमाल म्हणतो, “मी तिथे येईन, मला थांबव. तुला माझ्याशी भांडायचे आहे. चल, माझ्याशी भांड.” अमाल आणि तान्यामधील हा वाद पाहून कुटुंबातील इतर सदस्यांना धक्का बसला आहे. काही जण तर अमालशी सहमत असल्याचेही दिसून येत आहे.

 

See more

Tomorrow Episode Promo – Tanya vs Amaal. And Pranit More Show returns! #BiggBoss19 pic.twitter.com/6cbC7thi66 — BBTak (@BiggBoss_Tak) October 23, 2025

अमालने काय म्हटले?
तान्या सोबत भांडत अमाल पुढे म्हणाला, “ती आनंदी आहे की संपूर्ण वीकेंड का वार आता तिच्याबद्दल असणार आहे. सलमान सर आता वीकेंडला तिच्याबद्दल बोलतील. तिला वाटते की घराची संपूर्ण कहाणी तिच्याभोवती फिरते, तिच्यामुळे घर चालते.” अमालचे हे शब्द ऐकून तान्या भांडण थांबवून निघून जाते. यावरून हे सिद्ध होते की अमाल आणि तान्या यांच्यातील मैत्री आगामी एपिसोडमध्ये कधीही दिसणार नाही. आता त्यांच्यात भांडण सुरू झाले आहे. आणि हे कधी मिटणार नाही.

‘जे लोक तुम्हाला ओळखतात…’, युजवेंद्र चहलच्या बहिणीने धनश्री वर्मावर केली टीका, शेअर केली पोस्ट

तान्या-नीलमच्या मैत्रीत तडा
नवीन भागात, तान्या आणि नीलमच्या मैत्रीत दरारा निर्माण झालेला दिसून आला आहे. तान्याला फरहानाशी बोलताना पाहून, नीलम संतापली आणि तिने तान्याला ढोंगी म्हटले. नीलमचा राग तिथेच थांबला नाही, कारण तिने पुढे सांगितले की फरहानाने तिला या घरात सर्वात जास्त रडवले आहे आणि तान्या सतत तिच्याशी बोलत असते. यामुळे संपूर्ण कुटुंबाला राग येतो, ते तान्या मित्तलवर हल्ला करतात आणि तिच्याशी कठोरपणे वागतात. येणाऱ्या भागात तान्या कोणाशी मैत्री करेल हे पाहणे मनोरंजक ठरणार आहे.