Bigg Boss 19: अशनूरच्या बॉडीशेमिंगवर कमेंट केल्याबद्दल भडकले टीव्ही स्टार्स; तान्या, कुनिका आणि नीलमला दिले चोख उत्तर

'बिग बॉस १९' मध्ये तान्या मित्तल, कुनिका सदामंद आणि नीलम गिरी यांनी अशनूर कौरला बॉडीशेमिंगवर कंमेंट केली आहे. यानंतर, अनेक सेलिब्रिटी अशनूरच्या समर्थनार्थ पुढे आले आहेत.

• अशनूरच्या बॉडीशेमिंगवर केल्या कंमेंट
• टीव्ही स्टार्स अशनूरच्या समर्थनार्थ आले पुढे
• अवेज दरबारनेही अशनूरला दिला पाठिंबा

सलमान खानचा लोकप्रिय रिॲलिटी शो ‘बिग बॉस’ नेहमीच कोणत्या ना कोणत्या कारणाने चर्चेत राहतो. पण ‘बिग बॉस १९’ च्या अलिकडच्या भागात घडलेल्या घटनेने मोठा गोंधळ उडाला आहे. अलिकडच्या भागात तान्या मित्तल, नीलम गिरी आणि कुनिका सदानंद अशनूर कौरची बॉडीशेमिंग करताना दिसल्या आहेत. शिवाय, इतर स्पर्धक, अमाल मलिक आणि शाहबाज यांनीही अशनूरची खिल्ली उडवली. आता, अभिनेत्रीला पाठिंबा देण्यासाठी अनेक सेलिब्रिटी पुढे आले आहेत आणि यावर आपले मत मांडले आहे.

रोहन मेहरा, जन्नत जुबैर आणि सुंबुल तौकीर यांच्यासह अनेक सेलिब्रिटींनी तान्या मित्तल, नीलम गिरी आणि कुनिका सदानंद यांना चोख प्रत्युत्तर दिले आहे. या सेलिब्रिटींनी अशनूर कौरला उघडपणे पाठिंबा दिला आहे. या सगळ्या टीव्ही कलाकारांनी सोशल मीडियावर पोस्ट शेअर केली आहे, आणि ते नक्की काय म्हणाले जाणून घेऊयात.

Kantara Chapter 1 Collection: दिवाळीत बॉक्स ऑफिसवर कांताराने मारली बाजी! ₹852 कोटींची जागतिक कमाई…

रोहन मेहरा ऑन-स्क्रीन बहिणीच्या समर्थनार्थ पुढे आला
अशनूर कौरचा ऑन-स्क्रीन भाऊ रोहन मेहरा याने संपूर्ण घटनेवर आपली प्रतिक्रिया शेअर करत आपला राग व्यक्त केला आहे. अभिनेत्याने त्याच्या एक्स-हँडलवर एक पोस्ट शेअर केली, ज्यामध्ये लिहिले आहे की, “कोणत्याही परिस्थितीत बॉडी शेमिंग अस्वीकार्य आहे. आज अशनूरसोबत जे घडले ते पूर्णपणे चुकीचे होते. मानवता आणि आदर ही किमान गोष्ट आहे.” अभिनेत्याच्या ट्विटनंतर, अनेक सेलिब्रिटींनी अशनूरच्या घटनेविरुद्ध आवाज उठवला आहे.

 

See more

Body shaming is unacceptable. What happened to @ashnoorkaur03 today was wrong and needs to be called out. Respect and kindness should be the bare minimum. Shame on you @Kunickaa Neelam and Tanya 👎. https://t.co/b5FzvO5mCr — Rohan Mehra (@rohan4747) October 27, 2025

“एखाद्या व्यक्तीचे शरीर हा विनोद नाही…” – जन्नत जुबैर
जन्नत जुबैर ही लोकप्रिय अभिनेत्री अशनूर कौरची जवळची मैत्रीण आहे. तिने तिच्या इन्स्टाग्राम हँडलच्या स्टोरीवर अशनूर कौरच्या समर्थनार्थ एक पोस्ट शेअर केली. “एखाद्या व्यक्तीचे शरीर हा विनोद नाही किंवा मतांसाठी सार्वजनिक मालमत्ता नाही. हे २०२५ आहे आणि लोकांची मानसिकता अद्याप प्रगती केलेली नाही. अशनूर कौर तिच्या कठोर परिश्रम आणि क्षमतेमुळे आज या पदावर पोहोचली आहे,” असे तिने लिहिले. तिने अशनूरच्या खेळाबद्दल अभिमान व्यक्त केला आणि तिला प्रोत्साहन दिले.

‘जीव माझा गुंतला’ फेम योगिता चव्हाण-सौरभ चौघुलेच्या नात्यात दुरावा? लग्नाचे फोटो डिलिट केले अन्…

अवेज दरबारने देखील अशनूरला पाठिंबा दिला
“बिग बॉस १९” चा एक्स स्पर्धक अवेज दरबार देखील अशनूर कौरला पाठिंबा देताना दिसत आहे. सोशल मीडिया एक्स हँडलवर त्याने तिच्या समर्थनार्थ एक खास पोस्ट शेअर केली. त्याने लिहिले, “नेहमीप्रमाणे, त्यांच्या वाईट कमेंट्स. पण मला पूर्ण विश्वास आहे की अशनूर खंबीर राहील आणि या सर्व अडचणींना तोंड देईल.” असे लिहून त्याने ही पोस्ट शेअर केली आहे.

सुंबुल तौकीरनेही दिला पाठींबा
लोकप्रिय टीव्ही अभिनेत्री सुंबुल तौकीर अशनूर कौरला पाठिंबा दिल्याशिवाय राहू शकली नाही. तिने लिहिले, “या लोकांसाठी करुणा खूप महागात पडते. अशनूर, खंबीर राहा.” अभिनेत्रीची पोस्ट सोशल मीडियावर वेगाने व्हायरल होत आहे आणि नेटिझन्स देखील तिला पाठिंबा देत आहेत. “बिग बॉस १९” च्या नवीनतम भागात खूप नाट्यमयता पाहायला मिळाली. अशनूरबद्दल केलेल्या अश्लील कमेंट्सवर सोशल मीडियावर सर्वांनी टीका केली आहे. कुनिका, तान्या मित्तल आणि नीलम गिरी यांच्यासोबतच लोक अमाल मलिक आणि शाहबाज यांच्यावरही टीका करत आहेत.