‘लोकांना वाटतं चालतंय ते चालू देत…,’ दीपिका पदुकोणने बॉलीवूडच्या वर्क कॅल्चरचे उघड केले सत्य

दीपिका पदुकोण गेल्या काही काळापासून ८ तासांच्या कामाच्या दिवसाबद्दल आवाज उठवत आहे. अलिकडेच, अभिनेत्रीने पुन्हा एकदा या मुद्द्यावर भाष्य केले आणि बॉलीवूडच्या कार्यसंस्कृतीवरही टीका केली आहे.

• दीपिकाने बॉलीवूडच्या वर्क कॅल्चरचे सत्य सांगितले
• दीपिका मानसिक आरोग्याबद्दल पसरवते जागरूकता
• दीपिकाचे आगामी चित्रपट?

संदीप रेड्डी वांगा यांच्या “स्पिरिट” या चित्रपटात दीपिका पदुकोणने दिवसाला आठ तास काम करण्याची अट घातली होती. तिला तिच्या मुलीच्या संगोपनासाठी अधिक वेळ द्यायचा होता. यामुळे तिला चित्रपटातून काढून टाकण्यात आले. परंतु, दीपिका या विषयावर बोलत राहते. अलिकडच्याच एका मुलाखतीत तिने तिच्या आठ तासांच्या कामाच्या वेळापत्रकाचे समर्थन केले आणि बॉलीवूडच्या वर्क कॅल्चरबद्दलही प्रश्न उपस्थित केले.

‘कंतारा चॅप्टर १’ चा बॉक्स ऑफिसवर सुरु आहे धबधबा, चित्रपट लवकरच ५०० कोटींच्या क्लबमध्ये होणार सामील

“अतिशय अव्यवस्थित इंडस्ट्री आहे” – दीपिका
CNBC TV18 ला दिलेल्या मुलाखतीत दीपिका पदुकोण म्हणाली, “भारतीय चित्रपट उद्योगात बदल घडवून आणण्याबाबत मी नेहमीच आवाज उठवत आहे कारण इंडस्ट्री खूप अव्यवस्थित आहे. आपल्याला सतत असं वाटतं चालंय तर चालू देत. पण मी अशा लोकांपैकी एक आहे ज्यांना गोष्टी सुधारायला आवडतात. जर आपण स्वतःला एक इंडस्ट्री मानतो पण आपण त्याप्रमाणे काम करत नाही, तर आपण एक अतिशय अव्यवस्थित इंडस्ट्री आहोत. आता एक व्यवस्था आणि चांगली कार्य संस्कृती निर्माण करण्याची वेळ आली आहे.”

दीपिकाने पुरुष कलाकारांच्या कामाच्या वेळेबद्दलही सांगितले
त्याच मुलाखतीत दीपिका पदुकोण म्हणाली की तिला कोणाचेही नाव घेऊन वाद निर्माण करायचा नाही. परंतु, बॉलीवूडमध्ये असे अनेक पुरुष कलाकार आहेत जे वर्षानुवर्षे फक्त आठ तास काम करत आहेत आणि आठवड्याच्या शेवटीही काम करत नाहीत. हे मुद्दे उपस्थित करून, दीपिका चित्रपट उद्योगात महिला कलाकारांसाठी एक चांगली कार्य संस्कृती निर्माण करू इच्छिते हे स्पष्ट होत आहे.

रश्मी देसाईच्या Ex पतीचा दुसऱ्यांदा साखरपुडा; दोन वर्षातच तुटलं पाहिलं नातं, आता लवकरच अडकणार लग्नबंधनात

दीपिका मानसिक आरोग्याबद्दल जागरूकता पसरवते
अभिनेत्री दीपिका पदुकोण जागतिक मानसिक आरोग्य दिनासाठी मध्य प्रदेशला गेली होती. तिथे तिने तिच्या फाउंडेशन, लिव्ह लव्ह लाफचा १० वा वर्धापन दिन साजरा केला. अभिनेत्रीचा हा फाउंडेशन देशभरात मानसिक आरोग्याबद्दल जागरूकता पसरवण्यात महत्त्वाची भूमिका बजावत आहे. मानसिक आरोग्यासाठी गेल्या अनेक वर्षांपासून प्रभावीपणे आवाज उठवत असलेल्या दीपिकाने या कार्यक्रमात स्वतःच्या प्रवासावर आणि संस्थेच्या प्रभावावर चिंतन केलं. दीपिकाच्या आगामी चित्रपटाबद्दल, ती शाहरुख खानच्या “किंग” चित्रपटात काम करत आहे. शाहरुख खानची मुलगी सुहाना खान देखील या ॲक्शन चित्रपटात काम करत आहे.