(फोटो सौजन्य - इन्स्टाग्राम)
बॉलीवूड अभिनेता रणवीर सिंगचा ‘धुरंधर: द रिव्हेंज’ हा चित्रपट सध्या चर्चेत आहे. या चित्रपटाने बॉक्स ऑफिसवर धुमाकूळ घातला आहे. या चित्रपटाने नुकताच बॉक्स ऑफिसवर ५०० कोटी रुपयांचा टप्पा ओलांडला आहे. चित्रपटाच्या कमाईसोबतच त्याच्या कथेचीही चर्चा होत आहे. सोशल मीडियावर लोक चित्रपटाचे खूप कौतुक करत आहेत. सामान्य लोकांसोबतच, कलाकारही ‘धुरंधर २’ या चित्रपटाचे चाहते झाले आहेत. आता चित्रपटाला मिळालेल्या कौतुकाच्या यादीत रजनीकांत यांच्या नावाचीही भर पडली आहे. चित्रपट पाहिल्यानंतर सुपरस्टार रजनीकांत यांनी दिग्दर्शक आदित्य धर यांचे खूप कौतुक केले होते. आता दिग्दर्शकाने रजनीकांत यांच्या या पोस्टवर आदित्य धर भावुक होताना दिसला आहे.
आदित्य धरने भावुक होऊन दिले प्रत्युत्तर
सुपरस्टार रजनीकांत यांनी इन्स्टाग्रामवर एक पोस्ट शेअर करत आदित्य धर यांच्या ‘धुरंधर २’ या चित्रपटाचे कौतुक केले आहे. त्यांनी या चित्रपटाला “प्रत्येक भारतीयाने पाहिलाच पाहिजे” असे म्हटले आहे. रजनीकांत यांनी लिहिले, “काय चित्रपट आहे, आदित्य धर, बॉक्स ऑफिसचे जनक! रणवीर आणि संपूर्ण टीमचे खूप खूप अभिनंदन. प्रत्येक भारतीयाने पाहिलाच पाहिजे असा चित्रपट. जय हिंद.”
तसेच रजनीकांत यांच्या कौतुकाला उत्तर देताना आदित्यने लिहिले, “सर, आम्ही सर्वजण ‘मनोरंजन’ एकाच मापदंडाने मोजत मोठे झालो ते म्हणजे तुम्ही. अनेक दशकांपासून, तुम्ही आम्हाला शिट्टी वाजवायला, हसायला, रडायला लावले आहे आणि आमच्यापेक्षा मोठे असल्याची जाणीव करून दिली आहे, आणि आजही तुम्ही त्याच दिमाखात हे करत आहात. हीच तर जादू आहे. तुम्ही ‘धुरंधर २’ ला ‘पाहिलाच पाहिजे’ असे म्हणणे हा माझ्या आयुष्यातील सर्वात मोठा ‘सुपरस्टार’ क्षण आहे. ज्या माणसाने आम्हाला नेहमी मोठी स्वप्ने पाहायला शिकवले, त्यांच्याकडून मिळालेला हा आशीर्वादच वाटतो. शब्दातीत आभारी आहे, सर. जय हिंद.” आदित्य धरची पोस्ट व्हायरल होत आहे.
BO Collection: Dhurandhar 2 ने अवघ्या पाच दिवसात गाठला ५०० कोटींचा टप्पा; जाणून घ्या एकूण कलेक्शन
चित्रपटाची संपूर्ण स्टारकास्ट
आदित्य धर दिग्दर्शित ‘धुरंधर २’ च्या निर्मात्यांनी अंदाजे ३०० कोटी रुपये खर्च केले आहेत. चित्रपटाने पहिल्या तीन दिवसांतच आपला खर्च वसूल केला. रणवीर सिंगसोबत ‘धुरंधर’ चित्रपटात संजय दत्त, आर. माधवन, अर्जुन रामपाल, सारा अर्जुन, राकेश बेदी आणि दानिश इक्बाल हे कलाकारही आहेत. ‘धुरंधर २’ आता पुढे किती कमाई करतो हे पाहणे उत्सुकतेचे ठरणार आहे.
.png "Videos"){kind=small}
