BO Collection: Dhurandhar 2 ने अवघ्या पाच दिवसात गाठला ५०० कोटींचा टप्पा; जाणून घ्या एकूण कलेक्शन

बॉलीवूडचे प्रसिद्ध अभिनेते संजय दत्त आणि रणवीर सिंग यांच्या 'धुरंधर २' या चित्रपटाच्या प्रदर्शनाला पाच दिवस झाले आहेत. पाचव्या दिवशी 'धुरंधर २' ने बॉक्स ऑफिसवर इतक्या कोटी रुपयांची कमाई केली आहे.

• Dhurandhar 2 ने गाठला ५०० कोटींचा टप्पा
• जाणून घ्या चित्रपटाचे एकूण कलेक्शन
• चित्रपटाचे बजेट किती?

बॉलीवूड स्टार रणवीर सिंगचा नुकताच प्रदर्शित झालेला ‘धुरंधर २’ हा चित्रपट सध्या चर्चेत आहे. रणवीर सिंगच्या ‘धुरंधर २’ चित्रपटाला प्रदर्शित होऊन पाच दिवस झाले असून, नवीन आकडेवारी समोर येत आहे. ‘धुरंधर २’ पाचव्या दिवशीही बॉक्स ऑफिसवर धुमाकूळ घालत आहे. तसेच हा चित्रपट प्रेक्षकांच्या चांगलाच पसंतीस उतरला आहे. अशातच या चित्रपटाची एकूण कमाई आता आपण जाणून घेणार आहोत.

एंटरटेनमेंटचा ओव्हरडोज! OTT वर ‘या’ आठवड्यात रिलीज होणार ‘या’ दमदार चित्रपट आणि वेब सीरिज; पाहा संपूर्ण लिस्ट

ओलांडला ५०० कोटींचा टप्पा

अभिनेता रणवीर सिंगचा ‘धुरंधर २’ हा चित्रपट पुन्हा एकदा त्याच्या कमाईमुळे चर्चेत आहे. या चित्रपटाने पाचव्या दिवशी बॉक्स ऑफिसवर एक नवीन विक्रम प्रस्थापित केला आहे. सॅकनिल्कच्या (Sacnilk) एका अहवालानुसार, रणवीर सिंगच्या ‘धुरंधर २’ चित्रपटाने पाचव्या दिवशी बॉक्स ऑफिसवर ६५ कोटी रुपये जमा केले आहेत. यामुळे चित्रपटाची भारतातील एकूण कमाई ५१९.१२ कोटी रुपयांवर पोहोचली आहे. चाहते आणि निर्माते दोघेही या कमाईमुळे खूप आनंदी आहेत. परंतु, हे आकडे अंदाजित आहेत, वास्तविक आकडेवारी बदलू शकते.

‘धुरंधर २’ ची जगभरातील कमाई

आता आपण ‘धुरंधर २’ या चित्रपटाच्या परदेशातील कमाई आणि जगभरातील कलेक्शनबद्दल जाणून घेणार आहोत. या चित्रपटाने आतापर्यंत परदेशात एकूण अंदाजे ₹१४९.३२ कोटींची कमाई केली आहे. जगभरातील आकडेवारी पाहता, चित्रपटाने अंदाजे ₹६९१.३२ कोटींची (ग्रॉस) कमाई केली आहे. याचा अर्थ, हा चित्रपट ₹७०० कोटींची कमाई करण्यापासून फक्त काही कोटी दूर आहे.

‘कुमारी गंगूबाई’ ते ‘अगं अगं सुनबाई! निर्मिती सावंत यांच्या ‘या’ 5 आयकॉनिक भूमिका तुम्ही पाहिल्या आहेत का?

चित्रपटाचे बजेट किती?

आदित्य धर दिग्दर्शित ‘धुरंधर २’ च्या निर्मात्यांनी अंदाजे ३०० कोटी रुपये खर्च केले आहेत. चित्रपटाने पहिल्या तीन दिवसांतच आपला खर्च वसूल केला. रणवीर सिंगसोबत ‘धुरंधर’ चित्रपटात संजय दत्त, आर. माधवन, अर्जुन रामपाल, सारा अर्जुन, राकेश बेदी आणि दानिश इक्बाल हे कलाकारही आहेत. ‘धुरंधर २’ आता पुढे किती कमाई करतो हे पाहणे उत्सुकतेचे ठरणार आहे.