(फोटो सौजन्य - इन्स्टाग्राम)
आदित्य धरचा ‘धुरंधर २’ हा चित्रपट देश-विदेशात चर्चेत आहे. चित्रपट प्रदर्शित होऊन तीन दिवस झाले असले तरी, त्याची क्रेझ अजूनही शिगेला पोहोचली आहे. या तिन्ही दिवसांत चित्रपटाच्या कमाईने वेग घेतला असून, हा चित्रपट सगळ्या चित्रपटांचे रेकॉर्ड मोडत आहेत. रणवीर सिंग आणि इतर कलाकारांच्या अभिनयाने, तसेच आदित्य धरच्या दिग्दर्शनाने, ‘धुरंधर २’ ला तीन दिवसांत ३०० कोटींच्या क्लबमध्ये पोहोचवले आहे. तसेच या चित्रपटाने अवघ्या तीन दिवसात किती कमाई केली हे आपण आता जाणून घेणार आहोत.
बॉलिवूडमध्ये ८ तासांच्या शिफ्टवरून वाद सुरूच, मोहित सूरींचं मोठं वक्तव्य; सोशल मीडियावर रंगली चर्चा
तिसऱ्या दिवशी, ‘धुरंधर २’ ने २०,९१७ शोजमधून ₹११३.०० कोटींची कमाई केली आहे. यामुळे, चित्रपटाचे भारतातील एकूण ग्रॉस कलेक्शन ₹४०४.५४ कोटी आणि एकूण नेट कलेक्शन ₹३३९.२७ कोटींवर पोहोचले आहे. तसेच परदेशात, चित्रपटाने ₹९६.५० कोटींची एकूण कमाई केली असून, त्यामुळे त्याचे जगभरातील एकूण ग्रॉस कलेक्शन ₹५०१.०४ कोटींवर पोहोचले आहे. सिनेमागृहात हा चित्रपट धुमाकूळ घालताना दिसत आहे.
काल, संपूर्ण जगाने ईदचा सण साजरा केला, ज्यामुळे ‘धुरंधर २’ ला प्रचंड फायदा झाला आणि त्याच्या कमाईत मोठी वाढ झालेली दिसून आली आहे. पहिल्या दिवशी ४३ कोटी, तर दुसऱ्या दिवशी १०२.५५ कोटी आणि ८०.७२ कोटींची कमाई केली. ‘धुरंधर २’ ने आपल्या कमाईने केवळ एकाच नव्हे, तर ७ चित्रपटांचा विक्रमही मोडला, ज्यामध्ये पुष्पा २, केजीएफ २, दंगल, जवान, बाहुबली २ आणि इतर चित्रपटांचा समावेश आहे.
तसेच आता आज रविवारी ‘धुरंधर २’ किती कोटींची कमाई करतो हे पाहणे उत्सुकतेचे ठरणार आहे. अल्लू अर्जुन, विजय देवराकोंडा आणि रवी तेजा यांच्यासह अनेक बॉलीवूड आणि दाक्षिणात्य कलाकारांनी चित्रपटाचे कौतुक केले आहे. इतकेच नाही तर, अनेक सेलिब्रिटी आणि जनतेचा असा विश्वास आहे की ‘धुरंधर २’ हा भाजपच्या बाजूने केलेला एक प्रचारपट आहे. तसेच या चित्रपट कथा तगडी अजून, ‘धुरंधर’ नंतर चाहते आता ‘धुरंधर २’ साठी वेडे झाले आहेत.
.png "Videos"){kind=small}
