CBFC ने ‘Dhurandhar 2’ मधील 21 सीन केले कट; नोटबंदीची चुकीची तारीख, हिंसक सीन्‍सवर चालवली कात्री

सेन्सॉर बोर्डाने रणवीर सिंगच्या 'धुरंधर २' या स्पाय ॲक्शन सिक्वेलमध्ये एकूण २१ कट्स आणि एडिट्स केल्याचे वृत्त आहे. चित्रपटाच्या एकूण रनटाइममधून १.३४ मिनिटांचे सीन आता कमी करण्यात आली आहेत.

• CBFC ने ‘Dhurandhar 2’ मधील 21 सीन केले कट
• नोटबंदीची चुकीची तारीख केली कट
• हिंसक सीन्‍सवर चालवली कात्री

 

रणवीर सिंग अभिनीत ‘Dhurandhar 2: The Revenge’चा प्रीमियर शो बुधवार, १८ मार्च रोजी सायंकाळी ५ वाजता सुरू होणार आहे. तर हा चित्रपट अधिकृतपणे गुरुवार, १९ मार्च २०२६ रोजी चित्रपटगृहांत प्रदर्शित होणार आहे. दमदार अ‍ॅडव्हान्स बुकिंगसह थिएटरमध्ये दाखल होणाऱ्या या चित्रपटाला सेन्सॉर बोर्डाने ‘A’ (एडल्ट) प्रमाणपत्रासह रिलीजची परवानगी दिली आहे.

भारतीय चित्रपट प्रमाणन मंडळ (CBFC)ने या चित्रपटात तब्बल २१ सीनवर कात्री चालवली आहे. यामध्ये काही हिंसक दृश्यांची लांबी कमी करण्यात आली आहे, तर काही संवाद आणि शिवीगाळ असलेले शब्द बदलण्यात आले आहेत. आदित्य धर यांच्या दिग्दर्शनाखाली बनलेल्या या चित्रपटात एकूण १ मिनिट ३४ सेकंदांचे सीन कापण्यात आले असून, सुमारे २५ सेकंदांचे काही सीन एडिट करण्यात आले आहेत. या बदलांनंतर चित्रपटाचा रनटाइम आता २२९.०६ मिनिटे म्हणजेच ३ तास ४९ मिनिटे ०६ सेकंद इतका झाला आहे.

हृतिक रोशनची नवीन सुरुवात; ईशान रोशनसोबत केली मोठी घोषणा, चाहत्यांची उत्सुकता शिगेला

आदित्य धर यांच्या दिग्दर्शनाखाली तयार झालेला ‘Dhurandhar: The Revenge’ हा गेल्या वर्षी डिसेंबरमध्ये प्रदर्शित झालेल्या ब्लॉकबस्टर ‘Dhurandhar Part 1’चा सिक्वेल आहे.

‘Dhurandhar 2’ हा चित्रपट आता भारतीय सिनेमातील चौथ्या क्रमांकाचा सर्वात जास्त रनटाईम असलेला चित्रपट ठरला आहे. या यादीत सर्वात लांब चित्रपटाचा विक्रम LOC: Kargil या चित्रपटाच्या नावावर आहे. जे. पी. दत्ता दिग्दर्शित हा चित्रपट २००३ साली प्रदर्शित झाला होता आणि त्याची लांबी ४ तास १५ मिनिटे इतकी होती. यानंतर मेरा नाम जोकर आणि संगम या चित्रपटांचा क्रम लागतो. तर या यादीत पाचव्या क्रमांकावर आमिर खान यांचा ‘लगान’ हा चित्रपट असून, त्याचा रनटाईम ३ तास ४४ मिनिटे आहे.

”मृत्यूच्या वेळी खिशात फक्त ३० रुपये…, ”, फराह खानने वडिलांच्या आर्थिक संघर्षाचा सांगितला अनुभव

Sacnilk च्या अहवालानुसार, ‘Dhurandhar: The Revenge’च्या १२,४२२ प्रीमियर शोजसाठी बुधवारी सकाळपर्यंत सुमारे ९,९०,५०० तिकीटांची विक्री झाली आहे. या तिकीट विक्रीतून चित्रपटाने ४२.७१ कोटी रुपयांची ग्रॉस कमाई केली आहे. ब्लॉक सीट्सचा समावेश केल्यास अ‍ॅडव्हान्स बुकिंगमधून एकूण ४७.९१ कोटी रुपयांचे ग्रॉस कलेक्शन झाले आहे. जवळपास सर्वच शो हाऊसफुल असल्यामुळे ऑन-साइट बुकिंगची शक्यता खूपच कमी आहे. अंदाजानुसार, रणवीर सिंगचा हा चित्रपट प्रीमियर शोजमधून देशांतर्गत सुमारे ३५ ते ४० कोटी रुपयांचे नेट कलेक्शन सहज करू शकतो.