फराह खान Cloud 9 वर, बिग बींकडून खास भेट, व्हिडिओ शेअर करत म्हणाली, ‘मी मस्करीत म्हटले पण….’

फराह खानचे स्वप्न अखेर आज पूर्ण झाले आहे. चित्रपट निर्माती फराहने आज तिच्या सोशल मीडिया अकाउंटवर अमिताभ बच्चन यांचे हस्तलिखित पत्र शेअर करून तिचा आनंद आणि कृतज्ञता व्यक्त केली आहे.

बॉलीवूडची निर्माती-दिग्दर्शिका आणि प्रसिद्ध कोरिओग्राफर फराह खानने आज तिच्या सोशल मीडिया अकाउंटवर एक खास व्हिडिओ शेअर केला आहे. या व्हिडिओमध्ये फराहने अमिताभ बच्चन यांचे हस्तलिखित पत्र दाखवले आहे, जे तिच्यासाठी त्यांनी पाठवले आहे. आणि या पत्राबद्दल ती कृतज्ञता व्यक्त करताना दिसली आहे. तसेच हा व्हिडीओ आता चर्चेत आला आहे. चाहते या व्हिडीओला चांगला प्रतिसाद देत आहेत.

पत्रामध्ये अमिताभ बच्चन यांनी काय लिहिले?
फराह जेव्हा अभिनेत्री राधिका मदनच्या घरी व्हीलॉग शूट करण्यासाठी गेली तेव्हापासून हे सर्व सुरू झाले. तिथे तिला राधिकासोबत अमिताभ बच्चन यांचे एक फ्रेम केलेले हस्तलिखित पत्र दिसले, जे पाहून तिने बिग बींकडूनही असेच पत्र मिळावे अशी इच्छा व्यक्त केली. आज फराहला पत्र पाठवून बिग बींनी तिची अपूर्ण इच्छा पूर्ण केली आहे. आणि तिला खुश करून टाकले आहे.

‘छत्रपती शिवाजी महाराज हे फक्त एक नाव नाही…’, का संतापली ‘कोकण हार्टेड गर्ल’ अंकिता? Video व्हायरल

पत्राबद्दल फराहने शेअर केली पोस्ट
फराहने आज इन्स्टाग्रामवर एक व्हिडिओ शेअर केला आहे, ज्यामध्ये तिने अमिताभ बच्चन यांचे एक सुंदर हस्तलिखित पत्र मिळाल्याचे उघड केले आहे. ती आनंदाने म्हणाली, “मी ते विनोदाने म्हटले होते आणि अमितजींनी खरोखरच पत्र पाठवले होते. हे पत्र पहाटे ३:३० वाजता लिहिले गेले आहे. मी खूप आनंदी आहे” पत्रात अमिताभने फराहच्या सर्जनशील प्रतिभेचे कौतुक केले आहे. आणि हे पत्रवाचून फराहने आपला आनंद व्यक्त केला.

 

See more

पत्रात काय खास आहे
या पत्रात बिग बींनी लिहिले आहे की, “प्रिय फराह, ‘स्तुती’ हा शब्द तुमच्या प्रतिभेचे कौतुक करण्यासाठी पुरेसा नाही. तुमच्या कामाबद्दल माझे प्रेम आणि आदर.” हे पत्र वाचल्यानंतर फराहने राधिकाचेही आभार मानले, जिच्या घरी हे सर्व सुरू झाले. तिने सांगितले की ती हे पत्र फ्रेम करून तिच्या पुरस्कारांसह ठेवेल. पुढे फराह म्हणाली, “अमित जी, तुम्ही माझे वर्ष बनवले! तुमचे इंग्रजी देखील अद्भुत आहे.”

Saiyaara साठी नव्हते अहान-अनित पहिली पसंती? ‘या’ प्रसिद्ध कपलसोबत मोहित सूरी बनवणार होते चित्रपट

पत्र वाचल्यानंतर फराह आणि दिलीपने विनोद केला
या व्हिडिओमध्ये पुढे, फराहचा शेफ दिलीप म्हणाला, “मॅडम, अमितजींना माझ्यासाठीही एक पत्र लिहिण्यास सांगा.” यावर फराह हसून म्हणाली, “आधी तुमच्या पत्नीला प्रेमपत्र लिहायला सांगा.” असे म्हणून हा व्हिडीओ संपला आहे. या व्हिडीओला चाहत्यांचा चांगला प्रतिसाद मिळत आहे. फराह तिच्या मजेदार व्लॉगद्वारे चाहत्यांशी जोडत असते, आणि त्यांचं भरभरून मनोरंजन करत असते. ज्यामध्ये ती सेलिब्रिटींच्या घरी जाते आणि लोकांना दिलीपसोबतचे तिचे मजेदार संभाषण खूप आवडते.