(फोटो सौजन्य - इन्स्टाग्राम)
बॉलीवूड स्टार रणबीर कपूरचा ‘रामायण’ हा चित्रपट सध्या चर्चेत आहे. नुकताच या चित्रपटाचा टीझर प्रदर्शित झाला आणि तो पाहून लोक खूप उत्सुक झाले आहेत. यामध्ये रणबीर कपूर प्रभू रामाच्या अवतारात दिसत आहे. अनेकांना रणबीर कपूरचा हा लूक आवडला असला तरी, काहींनी त्याच्या दिसण्यावर टीका केली आहे. काहींनी चित्रपटाच्या व्हीएफएक्सवरही प्रश्नचिन्ह उपस्थित केले आहे. दरम्यान, हृतिक रोशनने ‘रामायण’च्या व्हीएफएक्सवर प्रतिक्रिया दिली आहे.
‘रामायण’ मध्ये बिग बींच्या जावयाची एन्ट्री; ‘रावण’ यशसोबत होणार महायुद्ध, नक्की कोण आहे हा अभिनेता?
हृतिक रोशनने शेअर केली पोस्ट
‘रामायण’ चित्रपटाचा टीझर प्रदर्शित झाल्यापासून इंटरनेटवर त्याची जोरदार चर्चा सुरू आहे. रणबीर कपूरच्या प्रभू रामाच्या लूकचे सर्वत्र कौतुक होत आहे, परंतु व्हीएफएक्सला संमिश्र प्रतिक्रिया मिळत आहेत. दरम्यान, हृतिक रोशनने व्हीएफएक्सबद्दल प्रेक्षकांच्या धारणांविषयी सोशल मीडियावर एक पोस्ट लिहिली. हृतिकने लिहिले, “हो, काही वाईट व्हीएफएक्स असतात जे पाहताना खूप वेदना होतात. विशेषतः माझ्यासाठी. पण काही चित्रपट निर्माते असे आहेत जे अकल्पनीय गोष्टींची स्वप्ने पाहण्याचे धाडस करतात. ‘कल्की २८९८ एडी’, ‘बाहुबली’, ‘रामायण’ आणि माझ्या वडिलांचे चित्रपट ‘कोई मिल गया’ आणि ‘क्रिश’ यांचे निर्माते माझे हिरो आहेत.”
व्हीएफएक्सबद्दल हृतिक रोशन म्हणाला, “हे लोक वर्षानुवर्षे कठोर परिश्रम करतात आणि लाखो रुपयांची जोखीम पत्करतात, जेणेकरून ‘बॅक टू द फ्युचर’ पाहताना मला जो जादुई अनुभव आला, तोच अनुभव दुसऱ्या एका ११ वर्षांच्या मुलालाही घेता यावा. त्यांचा हा हेतूच कौतुकास्पद आहे.” हृतिकने प्रेक्षकांना आवाहन केले की, व्हीएफएक्सवर टीका करताना ते केवळ खरे दिसते की नाही यावरच नव्हे, तर ते कथेला साजेसे आहे का आणि त्यातून चित्रपट निर्मात्याचा हेतू साध्य होतो का, याचाही विचार करावा. तो पुढे म्हणाला, “कधीकधी आपण त्याला वाईट व्हीएफएक्स म्हणतो, पण कदाचित ती एक वेगळी शैली असू शकते, ज्याची आपण अपेक्षा केलेली नसते.”
रामायण चित्रपटातील कलाकार
रामायण या चित्रपटाचे दिग्दर्शन नितेश तिवारी यांनी केले आहे. रणबीर कपूरने प्रभू राम, यशने रावण, साई पल्लवीने सीता, रवी दुबेने लक्ष्मण आणि सनी देओलने हनुमान यांची भूमिका साकारली आहे. लोक हा चित्रपट पाहण्यासाठी उत्सुक आहेत. तसेच हा चित्रपट पाहण्यासाठी चाहते खूप उत्सुक आहेत.
.png "Videos"){kind=small}
