Jyoti Malhotra चे बांगलादेशाशी आहेत खास संबंध, प्रवास फक्त निमित्त; युट्यूबरने का साधली जवळीक?

हरियाणाची लोकप्रिय युट्यूबर ज्योती मल्होत्राचे प्रकरण अजूनही चर्चेत आहे. या प्रकरणात पोलिसांना दररोज नवीन माहिती मिळत आहे. तसेच आता युट्यूबर ज्योती मल्होत्राबद्दल आणखी एक महत्वाची बातमी समोर आली आहे.

हरियाणाची लोकप्रिय युट्यूबर ज्योती मल्होत्राच्या बाबतीत दररोज नवनवीन खुलासे होत आहेत. आता या प्रकरणात एक नवीन ट्विस्ट आला आहे. अलिकडच्या माहितीनुसार, पाकिस्तान आणि चीन व्यतिरिक्त, बांगलादेशाशीही जवळीक साधत होती. ज्योतीचे संबंध केवळ पाकिस्तान आणि चीनशीच नाहीत तर बांगलादेशीही आहेत. आता याबद्दल काय महत्वाची माहिती समोर आली आहे जाणून घेऊयात.

ज्योतीचा बांगलादेशाशी काय आहे संबंध?
अलीकडेच हरियाणा पोलिस आणि केंद्रीय तपास यंत्रणांना या प्रकरणात नवीन आणि महत्त्वाची माहिती मिळाली आहे. ज्योती मल्होत्रा ​​पाकिस्तान, चीन आणि बांगलादेशशीही जवळीक वाढवण्याचा प्रयत्न करत असल्याचे तपासात समोर आले आहे. हे खुद्द हरियाणा पोलिस आणि केंद्रीय तपास संस्थांनीच उघड केले आहे. युट्यूबर ज्योती मल्होत्रा ही जवळीक का साधत होती हे अजूनही स्पष्ट झाले नाही आहे.

हर्षवर्धन राणेंच्या नावाने चाहत्यांची फसवणूक, अभिनेत्याने दिला सावधानतेचा इशारा!

ज्योतीचा बांगलादेशशीही संबंध आहे का?
ज्योती मल्होत्रा ​​पाकिस्तानला गेल्या आहेत हे उल्लेखनीय आहे. याशिवाय ज्योती चीनलाही गेली आहे आणि आता ती बांगलादेशला जाण्याची तयारी करत होती. तपासादरम्यान पोलिसांना ही माहिती मिळाली असून महत्त्वाची कागदपत्रेही जप्त करण्यात आली आहेत. या कागदपत्रांवरून हे स्पष्ट होते की ज्योतीचा व्हिसा अर्ज फॉर्म बांगलादेश उच्चायुक्तालयात आहे.

 

See more

The Pakistan High Commission staffer involved in the Jyoti Malhotra case is Ehsan Ur Rahim, alias Danish Rahim. This video from Jyoti Malhotra’s YouTube channel shows she has extremely cordial relations with him. Danish introduced her to his wife, who she invited to her home. pic.twitter.com/zXsYm5Xu4z — Sensei Kraken Zero (@YearOfTheKraken) May 17, 2025

पहलगाम दहशतवादी हल्ल्यानंतर भरलेला फॉर्म
तथापि, या फॉर्ममध्ये ती बांगलादेश उच्चायुक्तालयात व्हिसासाठी कधी अर्ज करत होती याची तारीख नमूद केलेली नाही. या फॉर्ममध्ये ज्या प्रकारची माहिती समोर आली आहे त्यावरून तपास यंत्रणांना अंदाज आहे की तो अलीकडेच भरला गेला आहे. तसेच, पहलगाम दहशतवादी हल्ल्यानंतरच हा फॉर्म भरला गेला असण्याची शक्यता आहे.

Get Ready For War… जबरदस्त ॲक्शन अन् हृतिक- ज्युनियर एनटीआर अफलातून जुगलबंदी; ‘वॉर २’चा धमाकेदार टीझर रिलीज

प्रवास हे फक्त एक निमित्त
केंद्रीय तपास यंत्रणांमधील सूत्रांनी दिलेल्या माहितीनुसार, बांगलादेशातील सत्ता बदलानंतर ज्योतीने बांगलादेशला जाण्यासाठी केलेल्या अर्जावरून असे दिसून येते की तिच्या अनेक महत्त्वाच्या लोकांशी भेटी तिथे निश्चित झाल्या असतील, ज्यांना तिला भेटायचे आहे, परंतु वरवर पाहता असे दिसून येत आहे की ती तिथे प्रवास ब्लॉग बनवण्यासाठी गेली आहे. आता सत्य काय आहे, ते पुढील तपासात उघड होणार आहे.