(फोटो सौजन्य - इन्स्टाग्राम)
दक्षिणेतील प्रसिद्ध अभिनेता मंचू विष्णूचा ड्रीम प्रोजेक्ट ‘कनप्पा’ चित्रपटाचा ट्रेलर रविवारी, १५ जून रोजी प्रदर्शित झाला आहे. हा चित्रपट बऱ्याच काळापासून चर्चेत आहे. ट्रेलरमध्ये चित्रपटाच्या कथानकाबद्दल बरेच काही उघड झाले आहे. मंचू विष्णू कनप्पाची भूमिका साकारत आहे. अक्षय कुमार महादेव शंकराच्या भूमिकेत दिसणार आहे आणि प्रभास रुद्राची भूमिका साकारत आहे. मुकेश कुमार सिंह दिग्दर्शित हा चित्रपट एका सत्य घटनेवर आधारित आहे. कनप्पा कोण होता हे आपण आता जाणून घेणार आहोत.
कनप्पा कोण होता?
दक्षिणातील परंपरेत, कनप्पा हा भगवान शिवाचा भक्त असल्याचे म्हटले जाते आणि त्याचे पूर्ण नाव कनप्पा नयनार होते. कनप्पाला शिवाच्या ६३ नयनार संतांमध्ये स्थान देण्यात आले आहे. मिळालेल्या माहितीनुसार, कनप्पाचा जन्म एका तमिळ भिल्ल कुटुंबात झाला होता. पूर्वी ते एक शिकारी होते पण नंतर त्यांना संत म्हणून ओळखले गेले. असे म्हटले जाते की ते आधी पूर्णपणे नास्तिक होते. नंतर ते भगवान शिवाचा कट्टर भक्त म्हणून प्रसिद्ध झाले.
सर्जरीनंतर दीपिका कक्करने मुलगा रुहानसोबत घालवला वेळ, कठीण काळ आठवून झाली भावुक!
शंकराला नेत्रदान केले होते
पुराणात असे म्हटले आहे की जेव्हा कनप्पा भगवान शिवाचा भक्त झाला तेव्हा त्याला त्याच्याबद्दल खूप आदर होता पण त्याला पूजेची पद्धत माहित नव्हती. शिवलिंगाला पाणी अर्पण करण्यासाठी तो स्वर्णमुखी नदीतून तोंडात भरून पाणी आणत असे. शिकार केल्यानंतर तो शिवलिंगाला मांसाचा तुकडा अर्पण करत असे. एकदा भगवान शिव कनप्पाची परीक्षा घेत असत. मंदिरात अचानक भूकंप झाला आणि शिवलिंगाच्या तिसऱ्या डोळ्यातून रक्त येऊ लागले. कनप्पाला वाटले की भूकंपामुळे शिवाचा डोळा जखमी झाला आहे. काहीही विचार न करता त्याने आपला डोळा काढून भगवान शिवाला अर्पण केला.
पोलो क्लबमधून संजय कपूर यांचा समोर आला शेवटचा फोटो, टीमने वाहिली भावनिक श्रद्धांजली
मंचू विष्णू दिसणार कनप्पाच्या भूमिकेत
‘कनप्पा’ चित्रपटात मंचू विष्णूने कनप्पाची भूमिका साकारली आहे. भगवान शिवाच्या भूमिकेत अक्षय कुमार दिसला आहे. याशिवाय प्रभासने रुद्राची भूमिका साकारली आहे. मंचू विष्णू त्याच्या आगामी चित्रपटाच्या प्रमोशनसाठी कोणतीही कसर सोडत नाहीये. २७ जून २०२५ रोजी प्रदर्शित होणाऱ्या ‘कन्नपा’ला प्रेक्षकांकडून कसा प्रतिसाद मिळतो हे पाहणे मनोरंजक ठरेल.
.png "Videos"){kind=small}
