फोटो सौजन्य - Jio Cinema
बिग बॉस 18 विकेंडचा वॉर : बिग बॉस १८ चा शनिवार आणि रविवार या दिनी होणार हा शेवटचा विकेंडचा वॉर आहे. कारण पुढील आठवड्यामध्ये बिग बॉस १८ च्या फिनाले असणार आहे. फिनालेच्या एक आठवड्याआधी सलमान खानने घरातल्या काही मोजक्याच सदस्यांवर निशाणा साधला आहे. या आठवड्यामध्ये तिकीट टू फिनालेचा टास्क आयोजित करण्यात आला होता. यामध्ये विवियन डिसेना आणि चुम दारंग हे दोघे फिनाले तिकिटाचे उमेदवार होते. यावरून विवियन डिसेना खेळताना हिंसक पाहायला मिळाला आहे. यावरून सलमान खानने विवियन डिसेनाला न बोलता करणवीर मेहरावर आरोप केले आहेत.
बिग बॉस १८ वीकेंडच्या वॉरमध्ये शनिवारी सलमान खानने करणवीर मेहराला फटकारले . या आठवड्यात, तिकीट टू फिनाले टास्क घरात पार पडला. टास्क दरम्यान चुम जखमी झाली, त्यानंतर शिल्पा शिरोडकर, करणवीर मेहरा आणि श्रुतिका विवियनच्या विरोधात गेले. चुमच्या दुखापतीमुळे विवियनने त्याच तिकीटही सोडलं होतं. या संपूर्ण टास्कबद्दल बोलताना सलमान खानने करणवीर मेहराला तिखट प्रश्न विचारले आणि त्याच्यावर निशाणा साधला. करणवीरला सलमानने फटकारल्यामुळे सोशल मीडिया यूजर्स चांगलेच संतापले आहेत. दरम्यान, काम्या पंजाबीने करणवीर मेहराच्या समर्थनार्थ ट्विट केले आहे.
करणवीर-विवियनच्या आधी, बिग बॉसच्या या माजी स्पर्धकांनीही फिनालेच्या तिकीटांचा केला होता त्याग
सलमान खानने करणवीर मेहराला विचारले की, तो कोणासाठी महान होत आहे? त्याचवेळी सलमान खानने असेही सांगितले की, चुम जिंकण्यासाठी करणवीर आणि त्याच्या मित्रांनी वूमन कार्ड खेळले होते. मात्र, मी कोणतेही पत्ते खेळत नसल्याचे करणवीर मेहराने सांगितले. करणवीर मेहराने सलमान खानसमोर एक-एक करून आपले मुद्दे मांडले. सलमान खान जेव्हा करणवीरला टोमणे मारत होता, तेव्हा अविनाश आणि ईशा सतत हसत होते.
वीकेंडच्या वारमध्ये करणवीर मेहराला ज्या प्रकारे फटकारले होते त्यामुळे सोशल मीडिया यूजर्स प्रचंड संतापले आहेत. दरम्यान, काम्या पंजाबीने करणवीर मेहराच्या समर्थनार्थ ट्विट केले आहे. काम्याने लिहिले- करणवीर, तुझ्या भूमिकेवर ठाम राहिल्याबद्दल तुझा अभिमान वाटतो. काम्याच्या या ट्विटवर लोकांनी करणवीरला पाठिंबा दर्शवला आहे.
Proud of you #Karanveer for sticking strong on ur stands.#BiggBoss18 @ColorsTV — Kamya Shalabh Dang (@iamkamyapunjabi) January 11, 2025
काम्याच्या या ट्विटवर एका यूजरने लिहिले की, जे योग्य आहे त्यासाठी आवाज उठवल्याबद्दल काम्या धन्यवाद, करणवीर जिंकण्यासाठी पात्र आहे. त्याच वेळी, दुसऱ्या वापरकर्त्याने लिहिले की हा एक अतिशय निराशाजनक भाग होता. विनाकारण करणवीर मेहराला का फटकारले? त्या घरात सरळ कोणी नाही. आज माझे हृदय तुटले आहे. त्याचवेळी एका यूजरने लिहिले की, मला असे वाटते की संपूर्ण कथा सलमान खान बनवत आहे. असे यजमान मिळणे खूप दुःखदायक आहे. दुसऱ्या यूजरने लिहिले की, ईशा आणि अविनाशसाठी सलमान खान होस्ट करत आहे.
.png "Videos"){kind=small}
