कश्मिरा शाह वाद विसरून पोहोचली गोविंदाला भेटायला; दिसला नाही कृष्णा अभिषेक? चाहत्यांना पडले प्रश्न

बॉलीवूड अभिनेता गोविंदा रुग्णालयात दाखल असून, त्याची सून कश्मिरा शाह त्यांना भेटण्यासाठी हॉस्पिटला पोहचली आहे. कश्मिरा आणि गोविंदाच्या कुटुंबात बरेच वाद झाले आहेत. तरी हे सगळे वाद विसरून कश्मीरा शाह मामा गोविंदाला भेटायला गेली आहे. परंतु याचदरम्यान गोविंदाचा भाचा कृष्णा अभिषेक पत्नी कश्मीरासोबत दिसला नाही यावर चाहत्यांना आता अनेक प्रश्न पडले आहेत.

बॉलिवूड अभिनेता गोविंद यांना रुग्णालयात दाखल करण्यात आले आहे. गोविंदाच्या पायाला गोळी लागली आहे. अभिनेता त्याचे परवाना असलेले रिव्हॉल्व्हर साफ करत असताना हा अपघात झाला. यादरम्यान गोविदाला गोळी लागल्याने त्याच्या पायाला गोळी लागली, त्यानंतर त्याला तातडीने मुंबईतील क्रिटी केअर रुग्णालयात दाखल करण्यात आले. या अभिनेत्यावर येथे उपचार सुरू आहेत. गोविंदाच्या जवळचे लोक आता त्याला भेटण्यासाठी हॉस्पिटलमध्ये पोहोचले आहेत. अभिनेत्याची प्रकृती आता बरी आहे. तसेच, अभिनेत्याची सून कश्मीरा शाहही गोविंदाला भेटण्यासाठी रुग्णालयात पोहोचली होती. यासंबंधीचा तिचा व्हिडिओ मोठ्या प्रमाणात व्हायरल होत आहे, ज्यामध्ये ती उदास दिसत होती, परंतु लोक हा व्हिडीओ पाहून प्रश्न उपस्थित करत आहेत.

गोविंदाची भेट घेण्यासाठी कश्मिरा शाह हॉस्पिटलमध्ये पोहोचली
गोविंदावर गोळी लागल्याची बातमी कश्मिरा शाहला मिळताच तिने तातडीने हॉस्पिटल गाठले. यावेळी अभिनेत्री हॉस्पिटलबाहेर दिसली. पापाराझींनी काश्मिराला पाहताच तिला घेरले. तिच्याशी बोलण्याचा प्रयत्न करण्यात आला, मात्र यावेळी कश्मिरा काहीच बोलली नाही. उदास चेहऱ्याने कश्मिरा थेट हॉस्पिटलमध्ये गेली. गोविंदा आणि कृष्णा अभिषेक यांच्या कुटुंबात गेल्या काही दिवसांपासून मतभेद सुरू होते, हे त्याच्या चेहऱ्यावर स्पष्ट दिसत होते.

 

See more

गोविंदाची पत्नी या मुद्द्यावर अनेकदा बोलली असून तिने कृष्णा आणि अभिषेकसोबत जमत नसल्याचे स्पष्ट केले आहे, मात्र सर्व वाद विसरून गोविंदा आपली भाची आरतीच्या लग्नाला पोहोचला होता. कश्मिराही सर्व काही बाजूला ठेवून कठीण काळात गोविंदा यांच्या कुटुंबासोबत उभी राहिली आहे.

हे देखील वाचा- लाडकी बहीण योजना बंद पाडण्यासाठी काँग्रेस कोर्टात का गेली? उदय सामंतांचा थेट सवाल

कृष्णा अभिषेक का दिसला नाही?
मात्र, गोविंदाचा भाचा असलेला कृष्णा अभिषेक कश्मिरा शाहसोबत दिसला नाही. कश्मिरा एकटीच हॉस्पिटलमध्ये पोहोचली आहे आणि यामुळे लोक प्रश्न उपस्थित करू लागले आहेत. सोशल मीडियावर कश्मिराचे अनेक व्हिडिओ आहेत, ज्यामध्ये ती हॉस्पिटलच्या बाहेर दिसत आहे. लोक या व्हिडिओंवर कमेंट करत आहेत आणि कृष्णा अभिषेकबद्दल विचारत आहेत. हिंदुस्तान टाइम्सच्या वृत्तानुसार, कृष्णा अभिषेक सध्या ऑस्ट्रेलियात आहे आणि त्याने पत्नी कश्मिराकडून आपल्या मामाची हाल चाल विचारली आहे.