Sunita Ahuja: ‘वो जिसके साथ..’; गोविंदांच्या अफेअरच्या चर्चांवर अखेर सुनीता आहूजांनी सोडलं मौन, ‘त्या’ पोस्टनंतर बदलला सूर?

Sunita Ahuja: गोविंदा आणि कोमल राणी स्वर्णकार यांच्या नात्याच्या चर्चांवर सुनीता आहूजांनी प्रतिक्रिया दिली. ‘तो जिथे आणि ज्याच्यासोबत आनंदी आहे, तिथे राहू दे’ असं म्हणत त्यांनी स्वतःच्या कामावर लक्ष केंद्रित करण्याचं सांगितलं.

Sunita Ahuja:  बॉलिवूड अभिनेता गोविंदा आणि सुनीता आहूजा गेल्या काही दिवसांपासून त्यांच्या वैयक्तिक आयुष्यामुळे चर्चेत आहेत. गोविंदा आणि त्यांची ‘रुपा’ चित्रपटातील सहकलाकार कोमल राणी स्वर्णकार यांच्यात अफेअर असल्याच्या चर्चा सुरू आहेत. काही दिवसांपूर्वी दोघेही मुंबईतील लालबागच्या राजाच्या दर्शनासाठी एकत्र पोहोचले होते. त्यानंतर त्यांच्या नात्याबाबतच्या चर्चांना पुन्हा उधाण आलं.

दरम्यान, गोविंदाने या चर्चांवर स्पष्टीकरण देताना कोमलसोबत लालबागच्या राजाच्या दर्शनाला आगामी ‘रुपा’ चित्रपटासाठी आशीर्वाद घेण्यासाठी गेल्याचं सांगितलं आहे. दोघांचं नातं व्यावसायिक असल्याचंही त्याने स्पष्ट केलं आहे.

गोविंदा-कोमलच्या नात्यावर सुनीता आहूजा काय म्हणाल्या?

आता सुनीता आहूजांनी गोविंदा आणि कोमल राणी यांच्या नात्याबाबतच्या प्रश्नावर प्रतिक्रिया दिली आहे. एका मुलाखतीत त्यांना गोविंदा कोमलसोबत बाप्पाच्या दर्शनासाठी गेल्याबाबत विचारण्यात आलं.

यावर सुनीता यांनी गोविंदा किंवा त्याच्या सहकलाकाराबद्दल अधिक भाष्य करण्यास नकार दिला. गोविंदा जिथे आणि ज्याच्यासोबत आनंदी आहे, तिथे त्याने आनंदी राहावं, असं त्या म्हणाल्या. त्यांनी आता स्वतःच्या आयुष्यावर आणि कामावर लक्ष केंद्रित करण्याचंही स्पष्ट केलं.

सुनीता म्हणाल्या की, आता त्यांना या सगळ्या गोष्टींकडे लक्ष द्यायचं नाही. गोविंदा कुठेही असो आणि कोणासोबतही असो, तो आनंदी राहावा, अशीच प्रार्थना असल्याचं त्यांनी सांगितलं. पुन्हा पुन्हा वादात अडकण्यापेक्षा स्वतःवर लक्ष केंद्रित करणं योग्य असल्याचंही त्या म्हणाल्या.

Onkar Bhojane: ‘महाराष्ट्राची हास्यजत्रा’ अचानक का सोडली? ओंकार भोजनेने केला मोठा खुलासा, म्हणाला- ‘माझ्यामुळे त्यांना…’

आधी म्हणाल्या होत्या, ‘माणसं धोकेबाज असतात…’

विशेष म्हणजे, गोविंदा आणि कोमल राणी लालबागच्या राजाच्या दर्शनासाठी एकत्र गेल्यानंतर सुनीता आहूजांचं आणखी एक वक्तव्य चर्चेत आलं होतं. पापाराझींशी संवाद साधताना त्यांनी ‘माणसं धोकेबाज असतात’ असं म्हटलं होतं. मात्र, या वक्तव्यात त्यांनी गोविंदा किंवा कोमल यांचं थेट नाव घेतलं नव्हतं.

यानंतर आता गोविंदा कुठेही आणि कोणासोबतही आनंदी राहावा, अशी प्रतिक्रिया सुनीतांनी दिल्याने त्यांच्या वक्तव्याची चर्चा होत आहे.

कोमल राणीच्या ‘त्या’ पोस्टमध्ये काय होतं?

दरम्यान, कोमल राणी स्वर्णकारने सोशल मीडियावर केलेल्या काही पोस्टमुळेही हा वाद आणखी चर्चेत आला. कोमलने आपलं नाव गोविंदा आणि सुनीता यांच्या वैवाहिक आयुष्यातील वादाशी जोडण्याला आक्षेप घेतला असून, त्यांचं घर आपण तोडलं नसल्याचा दावा केला आहे. तिच्या म्हणण्यानुसार, आधीच तणाव असलेल्या नात्याची जबाबदारी आपल्यावर टाकणं योग्य नाही.

कोमलने सुनीता आहूजांवर गंभीर आरोपही केले आहेत. मात्र, हे कोमलचे दावे आहेत आणि त्यांची स्वतंत्र पुष्टी झालेली नाही. सुनीता यांनी या आरोपांवर अद्याप थेट प्रतिक्रिया दिलेली नसल्याचं वृत्त आहे.

दरम्यान, गोविंदा आणि कोमल राणी यांच्या नात्याबाबत सुरू असलेल्या चर्चांमुळे सुनीता आहूजांच्या या नव्या वक्तव्याकडे सर्वांचं लक्ष लागलं आहे.

Drishyam 3: २ ऑक्टोबरला ‘दृश्यम 3’ पाहा अन् फ्रीमध्ये पावभाजी खा; जाणून घ्या ‘या’ ऑफरसाठी नेमकं काय करावं लागणार?