गुरुवार, 29 ऑक्टोबर 2026
(फोटो सौजन्य- इंस्टाग्राम)
ग्लोबल स्टार नोरा फतेही जिने आपल्या व्हायरल डान्स ट्रॅक आणि मूव्ह्सने मनोरंजन उद्योगात अनेकदा सगळ्यांची मन जिंकून घेतली आहेत आता ती आयफा स्टेज वर परफॉर्म करण्यासाठी सज्ज झाली आहे. ही अभिनेत्री सलग तिसऱ्यांदा बहुचर्चित अवॉर्ड शोमध्ये परफॉर्म करणार आहे. तिच्या डान्सची झलक चाहत्यांसह अनेक मोठ्या सेलिब्रिटींना देखील पाहायला आवडते. तसेच आता अभिनेत्री पुन्हा एकदा IIFA 2024 च्या स्टेज आग लावण्यासाठी तयार झाली आहे. तिचा परफॉर्मन्स पाहण्यासाठी चाहते आतुर झाले आहेत.
आंतरराष्ट्रीय आयकॉन IIFA वीकेंडसाठी तिचा उत्साह व्यक्त करताना नोरा म्हणाली की, “मला भव्य IIFA वीकेंडमध्ये परफॉर्म करताना खूप आनंद झाला आहे. गर्दीची निखळ ऊर्जा, मंत्रमुग्ध करणारी कामगिरी आणि भारतीय चित्रपटाचा उत्सव हे खरोखरच अविस्मरणीय असे वातावरण निर्माण करणारे आहे. अबू धाबी येथील यास आयलंड येथे आयफा स्टेजवर परतण्यासाठी आणि चाहते आणि सहकारी कलाकारांसोबत विलक्षण क्षण शेअर करण्यासाठी मी खूप उत्सुक आहे. IIFA मध्ये बॅक टू बॅक परफॉर्म करण्याची ही माझी तिसरी वेळ आहे आणि IIFA वीकेंडमध्ये याचा भाग बनणे हा माझ्यासाठी विशेष सन्मान आहे.” असे अभिनेत्रीने सांगितले.
4 दशलक्ष पेक्षा जास्त YouTube subscriber आणि जवळपास 47 दशलक्ष इंस्टाग्राम फॉलोअर्स असलेली नोरा सध्या तिच्या ‘नोरा’ या हिट ट्रॅकच्या यशात आहे. ज्याने अभिनेत्री-नर्तिका-गायिका यांना जागतिक स्टार म्हणून स्थापित केले आहे. तिने फिफा विश्वचषक स्पर्धेच्या समारोप समारंभात सादरीकरण केले आणि तसेच फिफा गीत ‘लाइट द स्काय’ गायले तेव्हा या अभिनेत्रीचे जागतिक आवाहन अधोरेखित झाले. अलीकडेच मेलबर्न 2024 च्या इंडियन फिल्म फेस्टिव्हलमध्ये भारतीय चित्रपट उद्योगातील एक महत्त्वाची परफॉर्मर म्हणून तिची ओळख सर्वत्र निर्माण झाली आहे.
हे देखील वाचा- ‘तनु वेड्स मनु 3’मध्ये पुन्हा दिसणार कंगना रणौत? आनंद एल रायने केला मोठा खुलासा!
गेल्या काही वर्षांत नोराने इंडस्ट्रीत स्वत:साठी एक वेगळे स्थान निर्माण केले आहे. तिच्या कामात फिफा विश्वचषक अँथम ‘लाइट द स्काय’, ‘नोरा’, ‘पेपेटा’ आणि बरेच काही यासारख्या चार्ट-टॉपिंग हिटचा समावेश आहे. तिने ‘दिलबर’ आणि ‘ओ साकी साकी’ यासह अनेक लोकप्रिय म्युझिक व्हिडिओंमध्ये देखील काम केले आहे. या वर्षाच्या सुरुवातीला, तिला ‘मडगाव एक्सप्रेस’ मधील तिच्या अभिनयासाठी प्रशंसा मिळाली, ज्यामध्ये ती मुख्य भूमिकेत होती. आता, ती तिच्या आगामी प्रोजेक्टसाठी तयारी करत आहे, ज्याची ती लवकरच घोषणा करणार आहे.
