(फोटो सौजन्य - इन्स्टाग्राम)
ज्येष्ठ अभिनेते परेश रावल त्यांच्या स्पष्टवक्तेपणासाठी ओळखले जातात. नुकत्याच दिलेल्या एका मुलाखतीत त्यांनी सोशल मीडियावर वाढणाऱ्या नकारात्मकतेवर भाष्य केले आणि लोकांना ऑनलाइन काय पोस्ट करायचे आहे याबद्दल सावधगिरी बाळगण्याचे आवाहन केले. त्यांनी सोशल मीडियाची तुलना ‘उलटीच्या पॉटशी’ केली आणि त्यांच्या मते नेटकरी अनेकदा विचार न करता कठोर मते कशी व्यक्त करतात हे स्पष्ट केले.
आपले मत मांडताना त्यांनी सोशल मीडियाची तुलना ‘उलटीचा पॉट’ म्हणत केली. आणि सांगितले की, अनेक युजर्स विचार न करता कठोर मत व्यक्त करतात. पीटीआयशी बोलताना त्यांनी म्हटलं, “मी स्वतःला सुधारण्याचा प्रयत्न करत आहे. माझ्या मते, सोशल मीडिया हा उलटी करण्याच्या भांड्यासारखा आहे. तिथे काहीही बोलले जाते. असं होऊ नये. नकारात्मकता पसरू नये. कोणाबद्दलही काहीही बोलण्याचा अधिकार तुम्हाला नाही.” असे त्यांनी म्हटले आहे.
‘Dhurandhar 2’ चा 19 व्या दिवशीही ऐतिहासिक विक्रम; ₹1000 कोटींची कमाई करणारा ठरला पहिला चित्रपट
सोशल मीडियावर बोलताना परेश रावल यांनी पुढे सांगितले की, ऑनलाईन पसरत असलेली द्वेषपूर्ण प्रतिक्रिया कधी-कधी त्यांच्यावर परिणाम करते, पण तरीही ते स्वतःवर नियंत्रण ठेवण्याचा प्रयत्न करतात. त्यांनी म्हटलं, “कधी कधी मला खूप राग येतो, पण तरीही मी एक मर्यादा पाळतो. मी कधीही शिवीगाळ करत नाही. सोशल मीडिया हा सकारात्मकता पसरवण्यासाठी उत्तम माध्यम आहे. जर नकारात्मकता असेल, तर त्यापासून दूर राहा.”
‘धुरंधर’वरील टीकेनंतर अडकले वादात
अलीकडेच ‘धुरंधर’ चित्रपटावर टीका करणाऱ्या एका पोस्टवर प्रतिक्रिया दिल्यानंतर परेश रावल ऑनलाईन वादात सापडले होते. एका रेडिओ जॉकीने X (ट्विटर) वर एक रील शेअर केली होती, ज्यात दोन जण चित्रपटावर विनोदी पद्धतीने कमेंट करत होते. त्या क्लिपला “हाहाहा… ‘धुरंधर’ची सर्वोत्तम समीक्षा!” असे कॅप्शन देण्यात आले होते.
ही पोस्ट लवकरच चर्चेत आली, त्यानंतर परेश रावल यांनी तीव्र प्रतिक्रिया देत म्हटलं, “मूर्ख रिपोर्टर म्हणून तुझी नोकरी पक्की आहे. कुणालाही हे नको आहे.” त्यांच्या या कमेंटवर आरजेने लगेचच उत्तर देत त्यांना दुरुस्त केलं आणि पलटवार करत म्हटलं, “तुमचे तथ्य आधी बरोबर करा. मी रिपोर्टर नाही. तुम्ही फक्त एक अभिनेता आहात, खऱ्या आयुष्यात आपल्या कलेपासून खूप दूर.”
‘हास्यजत्रा’ फेम Gaurav More ने केलं गुपचूप लग्न; नवीन घरासोबत चाहत्यांना दिली डबल गुडन्यूज
‘धुरंधर’च्या कौतुकातही व्यक्त केले मत
दरम्यान, अभिनेते परेश रावल यांनी ‘धुरंधर’ चित्रपटाबद्दलही आपलं मत मांडलं. एका मुलाखतीत त्यांनी सांगितलं, “मी ‘धुरंधर’ने खूप प्रभावित झालो आहे. मला हा चित्रपट खूप आवडला. अजूनही मी त्यातून बाहेर आलो नाही. मी पहिला ‘धुरंधर’ दोन वेळा आणि ‘धुरंधर 2’ही दोन वेळा पाहिला आहे. पुन्हा एकदा पाहावंसं वाटतंय.” असे त्यांनी म्हटले आहे.
.png "Videos"){kind=small}
