प्रतीक्षा संपली! बहुप्रतिक्षित 'पंचायत सीझन ४'ची रिलीज डेट जाहीर; कधी आणि कुठे पाहता येणार? जाणून घ्या…
‘पंचायत’च्या चाहत्यांसाठी एक मोठी बातमी आली आहे. प्राइम व्हिडिओच्या ‘पंचायत’ या मालिकेच्या चाहत्यांसाठी एक आनंदाची बातमी आहे. पंचायतचा पहिला सीझन प्रदर्शित होऊन पाच वर्षे झाली आहेत. आता तुम्ही विचार करत असाल की यात काय मोठी गोष्ट आहे की एखाद्याने त्याबद्दल आनंदी असावे. तर आनंदाची बातमी अशी आहे की पाच वर्षे पूर्ण झाल्याच्या निमित्ताने निर्मात्यांनी पंचायतच्या पुढील सीझनची रिलीज डेट देखील जाहीर केली आहे. ही बातमी ऐकून चाहत्यांना चांगलाच आनंद झाला आहे.
मेकर्सनी इंस्टाग्रामवर शेअर केली व्हिडिओ
२०२० मध्ये सुरू झालेल्या या आवडत्या मालिकेला आज पाच वर्षे पूर्ण झाली आहेत. या आनंदात, निर्मात्यांनी ‘पंचायत सीझन ४’ च्या प्रदर्शनाची तारीख जाहीर करून त्यांच्या चाहत्यांना एक भेट दिली आहे. पाच वर्षे पूर्ण झाल्याबद्दल निर्मात्यांनी इंस्टाग्रामवर एक मजेदार व्हिडिओ शेअर केला आहे. या व्हिडिओमध्येच, निर्मात्यांनी ‘पंचायत’ची पाच वर्षे पूर्ण झाल्याची आणि पुढील सीझनच्या रिलीजची तारीख जाहीर केली आहे. या व्हिडिओमध्ये मालिकेतील काही प्रसिद्ध संवाद आणि पात्रे देखील दिसत आहेत. यामध्ये सचिव जी, भूषण आणि विनोद देखील दिसत आहेत.
आतापर्यंत तीन सीझन झाले रिलीज
आतापर्यंत पंचायतचे तीन सीझन प्रदर्शित झाले आहेत आणि तिन्ही सीझन प्रेक्षकांना खूप आवडले आहेत. या तीनही सीझनमध्ये मालिकेची कथा पुढे नेण्यात आली आहे. मालिकेतील पात्रेही तशीच राहिली आहेत. पंचायतचा तिसरा सीझन गेल्या वर्षी २८ मे रोजी प्रदर्शित झाला. आता फक्त एका वर्षानंतर, निर्मात्यांनी मालिकेच्या पुढील सीझनची घोषणा केली आहे. त्यामुळे ‘पंचायत’चे चाहते हा सीझन पाहण्यासाठी खूप उत्साहित आहेत.
कुणाल कामराचा होणार नाही शो? शिवसेनेचे सरचिटणीस राहुल कानलने BookMyShow ला लिहिले पत्र!
जुनी स्टारकास्ट पुन्हा दिसणार
या मालिकेच्या मागील तीन सीझनमध्ये जितेंद्र कुमार, रघुबीर यादव, नीना गुप्ता, फैसल मलिक, चंदन रॉय, सान्विका, दुर्गेश कुमार, सुनीता राजवार आणि पंकज झा यांनी प्रमुख भूमिका साकारल्या आहेत. ही संपूर्ण स्टारकास्ट सीझन ४ मध्येही दिसण्याची शक्यता आहे. तसेच या मालिकेचा चौथा सीझन २ जुलै रोजा रिलीज होणार आहे.
.png "Videos"){kind=small}
