‘तारक मेहता का उल्टा चश्मा’ किती दिवस चालणार? निर्माते असित मोदींचे वक्तव्य चर्चेत, म्हणाले , ”लोकांना ही मालिका…”

तारक मेहता का उल्टा चश्मा ही मालिका अनेक वर्षांपासून प्रेक्षकांचे मनोरंजन करत आहे. अजून हा मालिका किती दिवस चालेल याबद्दल निर्मात्यांनी भाष्य केले आहे.

मनोरंजन क्षेत्रातील लोकप्रिय मालिका तारक मेहता का उल्टा चश्मा ही अनेक वर्षांपासून प्रेक्षकांचे मनोरंजन करत आहे. 2008 पासून ही मालिका अविरतपणे प्रेक्षकांना खळखळून हसवत आहे. गेल्या काही वर्षात या मालिकेतील अनेक कलाकारांनी ही मालिका सोडली. तरीही या मालिकेची लोकप्रियता कमी झालेली नाही. ही मालिका अजूनही प्रेक्षक तेवढ्याच उत्साहाने पाहत आहेत. ही मालिका कधी कधीपर्यंत सुरू असणार आहे याबद्दल निर्माते असित मोदींनी वक्तव्य केले आहे.

इंडियन टेलिव्हिजन अकादमी (ITA) च्या २५ व्या वर्धापन दिनानिमित्त आयोजित पुरस्कार सोहळ्यात अनेक टेलिव्हिजन कलाकार उपस्थित होते. लोकप्रिय “तारक मेहता का उल्टा चष्मा” चे दिग्दर्शक असित मोदी यांनी टेलिव्हिजन आणि OTT प्लॅटफॉर्ममधील संबंधांवर भाष्य केले. ते म्हणाले की भारतीय टेलिव्हिजन कलाकार आणि तंत्रज्ञांच्या कठोर परिश्रमांना मान्यता देण्यासाठी हा पुरस्कार सोहळा तयार करण्यात आला आहे.

टीव्ही आणि ओटीटी बद्दलच्या प्रश्नाला उत्तर देताना ते म्हणाले, “तंत्रज्ञानामुळे फरक पडतो. लोक म्हणतात की टीव्ही कमी पाहिला जात आहे, पण जर आपण चांगला कंटेंट दाखवला तर प्रेक्षक नक्कीच येतील असा माझा विश्वास आहे. टीव्ही कुटुंबाला एकत्र आणण्याचे काम करतो. संपूर्ण कुटुंब ते एकत्र पाहते. टीव्हीला नेहमीच एक स्थान असेल.”

सोशल मीडिया आणि ओटीटी बद्दल ते म्हणाले, “आज प्रत्येक प्लॅटफॉर्म चांगला कंटेंट देत आहे. ओटीटी असो, टीव्ही असो किंवा सोशल मीडिया असो, असे दिसते की प्रेक्षकांसाठी ऑफरिंगचा एक मोठा संग्रह आहे. आवडते शो अॅप्सवर देखील उपलब्ध आहेत. जर तुम्हाला ते आवडत नसतील तर तुम्ही चॅनेल किंवा अॅप बदलू शकता.”

Bigg Boss 19 Winner Name: Wikipediaवर ग्रँड फिनालेपूर्वीच लीक झालं Bigg Boss 19 चा विजेत्याचं नाव, वोटिंग आधीच ठरला विजेता?

असित यांना ‘तारक मेहता का उल्टा चष्मा’ या मालिकेचा अभिमान आहे, ते म्हणाले, “हा शो अजूनही चालू आहे आणि जोपर्यंत शक्य आहे तोपर्यंत आम्ही तो करत राहू. मला दिसते की लोकांना अजूनही तो आवडतो आणि ‘तारक मेहता का उल्टा चष्मा’ हा एकमेव शो आहे जो हास्य आणि आनंद देतो. मला आनंद आहे की लोक तो मोठ्या आवडीने पाहतात. हा फक्त एक शो नाही तर एक ब्रँड आहे, ज्याला अजूनही प्रेक्षकांकडून प्रचंड प्रेम मिळत आहे. मी तो खूप मेहनतीने बनवला आहे आणि माझी टीम देखील खूप मेहनत घेते.”तारक मेहता का उल्टा चष्मा २००८ मध्ये सुरू झाला. तेव्हापासून हा शो चाहत्यांचे मनोरंजन करत आहे.

‘लग्नानंतर होईलच प्रेम’मध्ये होणार मोठा खुलासा, नंदिनी जीवासमोर प्रेम व्यक्त करणार, काव्या पार्थला भूतकाळ सांगणार अन् रम्या…