(फोटो सौजन्य-Instagram)
‘बिग बॉस ओटीटी ३’ संपला असून हा कार्यक्रम सगळ्यांना खास आठवणी देऊन गेला आहे. बिग बॉस ओटीटी ३ च्या एपिसोडमध्ये ‘स्त्री 2’ अभिनेते राजकुमार राव आणि श्रद्धा कपूर यांनी नुकतीच हजेरी लावली असताना त्यांनी होस्ट अनिल कपूर यांची खास स्तुती केली. ज्याने रिॲलिटी शोद्वारे होस्टिंगमध्ये पदार्पण केले होते. दोघांनी कपूर यांना “सर्वात तरुण आणि योग्य होस्ट” अस म्हटल असून अनिल कपूरचा फिटनेस आणि लुक हा पुन्हा एकदा चर्चेचा विषय ठरला.
राजकुमार राव आणि श्रद्धा कपूर या दोघांचा लवकरच ‘स्त्री २’ हा चित्रपट प्रेक्षकांच्या भेटीला येणार आहे. तसेच या चित्रपटाच्या पहिल्या भागानंतर आता ‘स्त्री २’ हा प्रेक्षकांमध्ये चर्चेत आहेत. याचदरम्यान ते या चित्रपटाच्या प्रमोशनसाठी या शो मध्ये सहभागी झाले होते. बिग बीस च्या घरात या दोघांनी प्रवेश करून प्रेक्षकांना आणि घरातील सदस्यांना आनंद झालेला दिसून आला आहे. या दोघांनीही या घरात जाऊन खूप धमाल केली आणि होस्ट चे कौतुकही भरभरून केले.
तत्पूर्वी विकी कौशलने देखील अनिल कपूरच्या शोमध्ये त्यांचा फिटनेससाठी त्यांचं कौतुक केले होत. त्यांनी त्यांच्या चित्रपटातील व्हायरल गाणं ‘तौबा तौबा’ त्यांना समर्पित केले. अनिल कपूर आणि जेरेमी रेनर यांच्यासोबत दिसणारे डॉक्युमेंट-सीरीज ‘रेनरव्हेशन्स’चे निर्माते रोरी मिलिकिन यांनीही अभिनेत्याच्या फिटनेस बद्दल प्रशंसा केली होती. अभिनेता त्याच्या फिटनेस आणि अभिनयासाठी नेहमीच चर्चेत असताना दिसत असतो. त्यांनी हा शो मध्ये होस्टिंग करून या शो ची रंगत अजून वाढवली आहे.
हे देखील वाचा- गँगस्टर लुकमध्ये एपी ढिल्लन, सलमान- संजय दत्तसह ‘ओल्ड मनी’मध्ये दाखवणार अभिनयाची झलक!
‘बिग बॉस ओटीटी 3’ होस्ट म्हणून पदार्पण केलेल्या अनिल कपूरने शोमध्ये वेगळीच जादू निर्माण केली आहे. त्याचा फिटनेस आणि स्टाइल अनेकदा त्याच्या चाहत्यांमध्ये चर्चेचा विषय बनला आहे. शो होस्ट करण्याव्यतिरिक्त अनिल कपूर ‘सुभेदार’ मध्ये निर्दोष परफॉर्मन्स देण्यासाठी सज्ज आहे, जो त्याचा दिग्दर्शक सुरेश त्रिवेणीसोबतचा पहिला प्रोजेक्ट आहे. तो YRF च्या गुप्तचर विश्वाचा एक भाग असल्याचे देखील चर्चा होत आहे.
