Shilpa Shetty Birthday: सौंदर्यावर संपूर्ण ‘यूपी-बिहार’ फिदा; उत्कृष्ट अभिनेत्रीसह एक यशस्वी उद्योजिका पर्यंत जाणून घ्या प्रवास!

आपल्या स्टाईल आणि अभिनयाने उत्तर प्रदेश आणि बिहारचे मन जिंकणारी अभिनेत्री शिल्पा शेट्टीचे बॉलीवूडमध्ये एक मोठे नाव आहे. अभिनेत्रीचे आजपर्यंतचे सगळे चित्रपट सुपरहिट आहेत.

९० च्या दशकातील लोकप्रिय अभिनेत्री शिल्पा शेट्टी आज तिचा ५० वा वाढदिवस साजरा करत आहे. तिचा जन्म ८ जून १९७५ रोजी कर्नाटकातील मंगलोर येथे झाला. अभिनेत्री सुनंदा शेट्टी आणि सुरेंद्र शेट्टी यांची मुलगी आहे. ती तिच्या चित्रपटांसोबतच तिच्या सौंदर्य आणि फिटनेसमुळेही चर्चेत आहे. आज तिला केवळ एक अभिनेत्री म्हणूनच नाही तर एक यशस्वी व्यावसायिक महिला म्हणूनही पाहिले जाते. शिल्पा शेट्टीच्या चित्रपट कारकिर्दीची सुरुवात १९९३ मध्ये ‘बाजीगर’ चित्रपटातून झाली ज्यामध्ये तिने काजोलच्या धाकट्या बहिणीची भूमिका केली होती. तथापि, शिल्पाचा बॉलीवूडमधील प्रवास चढ-उतारांनी भरलेला होता. तिने २००९ मध्ये व्यावसायिक राज कुंद्राशी लग्न केले. त्यांना वियान आणि समीशा ही दोन मुले आहेत.

“फोन करून माझी बायको मला म्हणते…”, प्रसिद्ध अभिनेत्याची परदेशात असलेल्या पत्नीसाठी भावूक पोस्ट

वयाच्या १६ व्या वर्षी अभिनयात पदार्पण
मॉडेलिंगने आपल्या कारकिर्दीची सुरुवात करणाऱ्या शिल्पा शेट्टीने १९९१ मध्ये वयाच्या अवघ्या १६ व्या वर्षी पहिली जाहिरात केली. तिला लिम्काची जाहिरात मिळाली ज्यामध्ये तिने काम केले. त्यानंतर वयाच्या १७ व्या वर्षी तिला शाहरुख खानचा ‘बाजीगर’ चित्रपट मिळाला, ज्याद्वारे तिने बॉलीवूडमध्ये पदार्पण केले. या चित्रपटातील शिल्पाचे काम इतके आवडले की तिला सर्वोत्कृष्ट सहाय्यक अभिनेत्रीसाठी फिल्मफेअर पुरस्कारासाठी नामांकन मिळाले. परंतु, अभिनेत्रीला पुरस्कार मिळाला नाही.

सुमारे ४० चित्रपटांमध्ये केले काम
अभिनेत्री शिल्पा शेट्टीने हिंदी, तमिळ, तेलगू आणि कन्नड भाषांमधील सुमारे ४२ चित्रपटांमध्ये काम केले आहे. ‘बाजीगर’ चित्रपटातून बॉलीवूडमध्ये पदार्पण केल्यानंतर, ती पहिल्यांदा ‘आग’ (१९९४) चित्रपटात मुख्य भूमिकेत दिसली. ‘शूल’, ‘धडकन’, ‘कर्ज’, ‘जानवर’, ‘मैं खिलाडी तू अनाडी’, ‘खुशी’, ‘इंसाफ’, ‘आओ प्यार करेन’, ‘इंडियन’, ‘शादी करके फस गया यार’, ‘रिश्ते’, ‘फरेब’ आणि ‘दास’ या चित्रपटांमधील तिचे काम खूप पसंत केले गेले. शिल्पा शेवटची ‘इंडियन पोलिस फोर्स’ या वेब सिरीजमध्ये दिसली होती, त्याआधी ती ‘सुखी’ चित्रपटात एका मजबूत महिलेच्या भूमिकेत दिसली.

फिटनेस फ्रिक शिल्पा शेट्टीला ‘या’ गोष्टीची वाटते प्रचंड भिती, कारण वाचून व्हाल थक्क

शिल्पा शेट्टीची एकूण संपत्ती
कमाईच्या बाबतीत शिल्पा शेट्टीकडे खूप संपत्ती आहे. मीडिया रिपोर्ट्सनुसार, तिची एकूण एकूण संपत्ती १५० कोटी रुपये आहे. चित्रपटांव्यतिरिक्त, शिल्पा जाहिरातींमधूनही पैसे कमवते. असे म्हटले जाते की ती जाहिरातींसाठी १ कोटी रुपये शुल्क आकारते. शिल्पा २०१९ पासून मुंबईतील बास्टियन रेस्टॉरंटची मालकीण देखील आहे. तिचा त्यात ५० टक्के हिस्सा आहे. अभिनेत्री चित्रपटानंतर आता व्यवसाय क्षेत्रात जास्त कमाई करताना दिसत आहे.