Punjab Flood: पूरग्रस्तांना मदत करण्यासाठी सोनू सूदची पंजाबमध्ये हजेरी, चाहते म्हणाले ‘खरा हिरो…’

अभिनेता सोनू सूदने पंजाबमधील पूरग्रस्त भागांचा आढावा घेतला आहे. अभिनेत्याने लोकांना मदत करण्याबद्दल सांगितले होते. तसेच आता स्वतः सोनू सूद तिथे पोहचला आहे. ज्याचा व्हिडीओ सोशल मीडियावर व्हायरल झाला आहे.

• सोनू सूदची पंजाबमध्ये हजेरी
• पूरग्रस्तांना मदत करण्यासाठी पोहचला अभिनेता
• सोशल मीडियावर चाहत्यांनी केले कौतुक

पंजाबमध्ये सध्या पुराचा मोठा फटका बसला आहे. पंजाबमधील पूरग्रस्तांना मदत करण्यासाठी अनेक बॉलीवूड सेलिब्रिटी पुढे येत आहेत. या भागात अभिनेता सोनू सूदने पूरग्रस्त भागाला भेट दिली आहे. त्याने या भेटीचे फोटो सोशल मीडियावर पोस्ट देखील केले आहेत आणि लोकांना मदत करण्याचे आवाहन दिले आहे. तसेच आता अभिनेता स्वतः पंजाबमध्ये लोकांना मदत करण्यासाठी पोहचला आहे.

सोनू सूदने पुराचा आढावा घेतला
सोनू सूदने इन्स्टाग्रामवर शेअर केलेल्या फोटोमध्ये तो एका बोटीवर बसलेला दिसतो आहे. तो पूरग्रस्त भागाला भेट देत आहे. तो सामान्य लोकांना भेटत आहे आणि त्यांच्याशी बोलताना देखील दिसत आहे. फोटो शेअर करून अभिनेत्याने कॅप्शनमध्ये लिहिले आहे की, ‘सदैव पंजाबसोबत. आम्ही जमिनीवर होतो. आम्ही नुकसानाचे दुःख पाहिले, हृदयद्रावक क्षण पाहिले. आम्ही ती ताकद देखील पाहिली जी कमी झाली नाही. गावे पाण्यात बुडाली आहेत, जीव नष्ट झाले आहेत, पण आशा अजूनही कायम आहे. पंजाबला जे काही हवे आहे त्यासाठी आम्ही मदत करण्यास तयार आहोत. पुनर्बांधणी करण्यास तयार आहोत. एकत्र जखमा भरण्यास तयार आहोत. आम्ही पंजाबसोबत कायमचे आहोत.’ असे लिहून अभिनेत्याने ही पोस्ट शेअर केली आहे.

‘सलमान खान गुंड आहे आणि…’, भाईजानबद्दल ‘दबंग’ दिग्दर्शकाचा मोठा खुलासा, नेमकं काय आहे प्रकरण?

किडनीच्या आजाराने ग्रस्त असलेल्या मुलांना दिली भेट
रविवारी, सोनू सूदने पंजाबमधील एका लहान मुलीला भेट दिली जो किडनीच्या आजाराने ग्रस्त होता. अभिनेत्याने सांगितले की तो त्याला बरे होण्यासाठी शक्य ते सर्व प्रयत्न करेल. त्याने X वर रुग्णालयातील फोटो शेअर केले, ज्यामध्ये तो मुलाला आणि त्याच्या कुटुंबाला भेटताना दिसत आहे. तसेच अभिनेत्याचे हे सगळे फोटो पाहून चाहते त्यांचं कौतुक करत आहेत.

 

See more

पुरामुळे उपचारांवर परिणाम होणार नाही
सोनू सूदने लिहिले, ‘आज पंजाबमध्ये लहान मुलगा अविजोतला भेटलो. त्याच्यासमोर एक मोठी लढाई आहे. आम्ही त्याला बरे होण्यासाठी शक्य ते सर्व प्रयत्न करू. या लहान देवदूताला लवकर बरे होण्यासाठी शुभेच्छा. तो एकटा नाही.’ ५ सप्टेंबर रोजी सूद म्हणाले की त्यांनी मुलाच्या कुटुंबाशी संवाद साधला आहे आणि त्यांना आश्वासन दिले आहे की पुरामुळे ‘त्याच्या उपचारात अडथळा येणार नाही’.

पंजाबमधील पूरग्रस्तांसाठी सलमान खानने दाखवली उदारता, मदतीसाठी उचलले मोठे पाऊल

सोनूने लोकांना मदत करण्याचे दिले आवाहन
एएनआयशी बोलताना सोनू सूद म्हणाला, ‘मी बागपूर, सुलतानपूर लोधी, फिरोजपूर, फाजिल्का, अजनाला येथे जात आहे आणि मी तिथे जाऊन परिस्थिती जाणून घेण्याचा प्रयत्न करेन. पंजाबमध्ये अजूनही पाऊस पडत आहे, अनेक घरे उद्ध्वस्त झाली आहेत, लोकांचे जीवनमान उद्ध्वस्त झाले आहे, म्हणून मी शक्य तितकी मदत करण्याचा प्रयत्न करेन. मी स्थानिक प्रशासनाकडून त्यांच्या गरजांची यादी घेईन.’