(फोटो सौजन्य - एक्स अकाउंट)
‘सलार’ नंतर, प्रेक्षक प्रभासच्या पुढच्या चित्रपटाची आतुरतेने वाट पाहत आहेत. या चित्रपटाचे नाव ‘द राजा साहेब’ आहे. हा एक हॉरर-कॉमेडी ड्रामा आहे. हा चित्रपट प्रसिद्ध दिग्दर्शक मारुती यांनी दिग्दर्शित केला आहे. या चित्रपटात प्रभास मुख्य भूमिकेत आहे. त्याचबरोबर निधी अग्रवाल, मालविका मोहनन आणि रिद्धी कुमार सारखे कलाकार महत्त्वाच्या भूमिका साकारताना दिसणार आहेत. तसेच या चित्रपटाबाबत एक मोठे अपडेट समोर आले आहे. हा चित्रपट आता प्रेक्षकांना लवकरच मोठ्या पडद्यावर पाहायला मिळणार आहे.
AR Rahman: ए.आर. रहमान चेन्नईच्या रुग्णालयात दाखल, गायकाची बिघडली तब्येत!
रिलीजच्या तारखेत झाले बद्दल?
‘द राजा साहेब’ सुरुवातीला १० एप्रिल २०२५ रोजी प्रदर्शित होण्याची योजना होती. आता जर मीडिया रिपोर्ट्सवर विश्वास ठेवायचा झाला तर, निर्माते या चित्रपटाची रिलीज तारीख पुढे ढकलण्याचा विचार करत आहेत. रिपोर्ट्सनुसार, ऑगस्ट २०२५ च्या मध्यात ‘द राजा साब’ प्रदर्शित करण्याची तयारी सुरू आहे. विशेष म्हणजे हा चित्रपट जास्तीत जास्त प्रेक्षकांपर्यंत पोहोचावा म्हणून अनेक भाषांमध्ये प्रदर्शित केला जाणार आहे. त्याची अधिकृत घोषणा लवकरच करण्यात येणार आहे.
या चित्रपटात संजय दत्तही आहे.
या चित्रपटात ज्येष्ठ बॉलिवूड अभिनेते संजय दत्त देखील एका महत्त्वाच्या भूमिकेत दिसणार आहेत. त्याच्या उपस्थितीमुळे चित्रपट अधिक रोमांचक झाला आहे. ‘द राजा साहेब’ ची निर्मिती टीजी विश्व प्रसाद यांनी पीपल मीडिया फॅक्टरी बॅनरखाली केली आहे. चित्रपटाचे संगीत प्रसिद्ध संगीतकार थमन यांनी दिले आहे. तसेच हा चित्रपट पाहण्यासाठी आणि चित्रपटाची कथा जाणून घेण्यासाठी चाहते उत्सुक आहेत.
अभिनेता प्रभासचे आगामी चित्रपट
कामाच्या बाबतीत बोलायचे झाले तर, प्रभास लवकरच ‘कन्नप्पा’ चित्रपटात दिसणार आहे. या चित्रपटात त्याची एक खास भूमिका आहे. त्याच वेळी, त्याच्याकडे प्रशांत नीलचा ‘सलार २’ हा चित्रपट देखील आहे. याशिवाय तो संदीप रेड्डी वांगा यांच्या ‘स्पिरिट’ या चित्रपटातही काम करत आहे. या चित्रपटात तो एका पोलिस अधिकाऱ्याच्या भूमिकेत दिसणार आहे. अभिनेत्याचे नवनवीन चित्रपट प्रेक्षकांच्या भेटीस येणार आहे. त्याची चाहत्यांना आतुरता आहे.
.png "Videos"){kind=small}
