विनीत कुमार सिंगच्या ‘सुपरबॉयज ऑफ मालेगाव’ ला TIFF मध्ये स्टँडिंग ओव्हेशन!

बॉलीवूड अभिनेता विनीत कुमार सिंग हा हिंदी इंडस्ट्रीमधील अत्यंत आघाडीचा अभिनेता आहे. त्याने अनेक चित्रपटामध्ये आणि वेब सिरीजमध्ये काम करून आपल्या कामाचा दर्जा मिळवला आहे. तसेच या अभिनेत्याचा नुकताच प्रदर्शित झालेला चित्रपट 'सुपरबॉयज ऑफ मालेगाव' ला TIFF मध्ये स्टँडिंग ओव्हेशन मिळाले आहे. याचीच झलक अभिनेत्याने सोशल मीडियावर शेअर केली आहे.

टोरंटो इंटरनॅशनल फिल्म फेस्टिव्हल (TIFF) च्या 49 व्या आवृत्तीत विनीत कुमार सिंग स्टारर ‘सुपरबॉय ऑफ मालेगाव’ हा चित्रपट धुमाकूळ घालत आहे.या चित्रपटाने चित्रपट महोत्सवात धमाकेदार पदार्पण केले आणि प्रेक्षकांकडून दाद मिळवली आहे. याला प्रेक्षकांचा उत्स्फूर्त प्रतिसाद आणि टाळ्याही मिळाल्या आहेत. चित्रपटाच्या प्रीमियरला उपस्थित असलेले विनीत कुमार सिंग, हृदयस्पर्शी प्रतिसादाने भारावून गेले.

 

See more

वर्ल्ड प्रीमियर हा एक स्टार-स्टड इव्हेंट होता ज्यामध्ये चित्रपटाचे कलाकार आणि क्रू, आदर्श गौरव, शशांक अरोरा आणि विनीत कुमार सिंग, निर्माते झोया अख्तर, रीमा कागती आणि रितेश सिधवानी यांच्यासह कलाकार उपस्थित होते. TIFF मधील प्रीमियरच्या पलीकडे, ‘Superboys of Malegaon’ आता 10 ऑक्टोबर 2024 रोजी प्रतिष्ठित BFI लंडन फिल्म फेस्टिव्हलमध्ये त्याच्या पुढच्या प्रीमियरसाठी तयारी करत आहे. ‘सुपरबॉय ऑफ मालेगाव’ हा चित्रपट जानेवारी २०२५ मध्ये भारतीय चित्रपटगृहात प्रदर्शित होणार आहे.

हे देखील वाचा- अभिषेक बच्चननंतर आता ऐश्वर्याच्या हातात दिसली नाही लग्नाची अंगठी? घटस्फोटाच्या बातम्या झाल्या गडद!

सध्या विनीत कुमार सिंगवर ‘घुसपैठिया’ चित्रपटासाठी कौतुकाचा वर्षाव होत आहे. तो पुढे ‘आधार’ मध्ये दिसणार आहे जे अद्याप रिलीज झालेला नाही. MAMI मुंबई फिल्म फेस्टिव्हलमधील स्पेशल स्क्रिनिंगमध्ये प्रेक्षकांनी जे पाहिले त्यावर आधारित विनीत सिंहला या चित्रपटातील त्याच्या भूमिकेसाठी कौतुकाचा वर्षाव केला आहे. तसेच, तो त्याच्या आगामी ‘सुपरबॉयज ऑफ मालेगाव’, ‘रंगीन’ आणि ‘छावा’ या प्रोजेक्ट्सची तयारी करत आहे.