(फोटो सौजन्य - इन्स्टाग्राम)
टीव्ही अभिनेता विवियन डिसेना आपले वैयक्तिक आयुष्य खाजगी ठेवण्यासाठी ओळखला जातो. त्याची पत्नी, नूरान अली, फक्त ‘बिग बॉस’मध्ये दिसली होती. अभिनेत्या पहिल्यापासूनच आपल्या पत्नीला प्रसिद्धीपासून दूर ठेवतो. विवियनची पत्नी, नूरान, गरोदर आहे हे फार कमी लोकांना माहीत होते आणि आता या जोडप्याने अखेर चाहत्यांना आनंदाची बातमी दिली आहे. विवियन डिसेना दुसऱ्यांदा वडील झाला असल्याचे समोर आले आहे. विवियन आणि नूरनने यापूर्वी एका मुलीचे त्यांच्या आयुष्यात स्वागत केले होते आणि आता त्यांना मुलगा झाला आहे. ही आनंदाची बातमी विवियन डिसेनाने स्वतः त्याच्या अधिकृत इन्स्टाग्राम अकाउंटवर शेअर केली आहे.
बंगाली अभिनेता राहुल अरुणोदय यांचा धक्कादायक मृत्य; वयाच्या 43 व्या वर्षी घेतला अखेरचा श्वास
वडील झाल्यानंतर विवियन डिसेनाने शेअर केली पोस्ट
वडील झाल्यानंतर विवियन डिसेनाने एक पोस्ट शेअर केली, ज्यामध्ये त्याने चाहत्यांना मुलगा झाल्याची आनंदाची बातमी दिली. या पोस्टमध्ये विवियनने काही शब्दांत लिहिले, “मी काही काळासाठी प्रसिद्धीपासून दूर गेलो होतो… आणि त्यामागे एक कारण होते. काही गोष्टी जाहीर केल्या जात नाहीत, त्या आधी जगल्या जातात. त्या शांततेनेच सर्व काही सांगतो आहे… साम्राज्य आणखी मोठे झाले आहे… आणि या वेळी एक राजकुमार आहे.” या पोस्टसोबत ‘बेबी बॉय’ आणि ‘न्यू बिगिनिंग’ हे हॅशटॅग वापरण्यात आले होते. सेलिब्रिटी आणि चाहते दोघेही विवियनच्या पोस्टवर अभिनंदनाचा वर्षाव करत आहेत. रुबिना दिलैक आणि भारती सिंग यांच्यासह अनेक सेलिब्रिटींनी त्याचे अभिनंदन केले आहे. चाहत्यांनीही कमेंट्सचा वर्षाव केला आहे.
विवियन डिसेनाचे लग्न कधी झाले?
हे लक्षात घेण्यासारखे आहे की, विवियन डिसेनाने नूरान अलीसोबत एका अत्यंत गुप्त समारंभात लग्न केले. या जोडप्याने भारतातील कोणालाही लग्नाबद्दल सांगितले नाही. नंतर, विवियनने स्वतःच खुलासा केला की, त्याने बहरीनमध्ये लग्न केले होते आणि तो तिथे त्याची पत्नी नूरान अलीसोबत राहत होता. या लग्नासाठी त्याने इस्लाम धर्म स्वीकारला. विवियनने नूरनच्या पहिल्या लग्नातील दोन मुलींनाही दत्तक घेतले. त्यांच्या लग्नानंतर विवियन आणि नूरनला एक मुलगीही झाली. आज विवियन आणि नूरान चार मुलांचे आता पालक झाले आहेत.
.png "Videos"){kind=small}
