मुंबई उच्च न्यायालयाने Jolly LLB 3 वरील बंदीची मागणी फेटाळली; म्हणाले- “आमची तर थट्टा….”

चित्रपटावर न्यायाधीश आणि वकिलांची खिल्ली उडवल्याचा आरोप करण्यात आला होता. अखेर, बुधवारी (१७ सप्टेंबर) मुंबई उच्च न्यायालयाने या प्रकरणावर सुनावणी करताना चित्रपटाच्या प्रदर्शनावर बंदी घालण्याची मागणी करणारी याचिका फेटाळून

• ‘जॉली LLB 3’ ला मोठा दिलासा
• मुंबई हायकोर्टाने बंदीची याचिका फेटाळली
• याचिकेत नेमका काय होता आरोप?

Jolly LLB 3: अक्षय कुमार (Akshay Kumar) आणि अर्शद वारसी (Arshad Warsi) यांचा ‘जॉली एलएलबी ३’ हा (Jolly LLB 3) कोर्टरूम ड्रामा चित्रपट टीझर प्रदर्शित झाल्यापासून कायदेशीर अडचणीत सापडला होता. या चित्रपटावर न्यायाधीश आणि वकिलांची खिल्ली उडवल्याचा आरोप करण्यात आला होता. अखेर, बुधवारी (१७ सप्टेंबर) मुंबई उच्च न्यायालयाने या प्रकरणावर सुनावणी करताना चित्रपटाच्या प्रदर्शनावर बंदी घालण्याची मागणी करणारी याचिका फेटाळून लावली.

याचिकेत नेमका काय होता आरोप?

‘असोसिएशन फॉर एडिंग जस्टिस’ या संघटनेने वकील चंद्रकांत गायकवाड यांच्यामार्फत ही याचिका दाखल केली होती. चित्रपट आणि त्यातील “भाई वकील है” या गाण्यावर कायदेशीर व्यवसायाची खिल्ली उडवल्याचा आरोप याचिकेत करण्यात आला होता. याचिकाकर्त्यांच्या वकिलांनी असा युक्तिवाद केला की, चित्रपटात केवळ वकिलांचीच नव्हे, तर न्यायाधीशांचीही खिल्ली उडवण्यात आली आहे. एका दृश्यात न्यायाधीशांना “मामू” असे संबोधले असून, तो न्यायव्यवस्थेसाठी एक अपमानजनक शब्द असल्याचे म्हटले होते. याचिकाकर्त्यांनी चित्रपटाच्या प्रदर्शनावर स्थगिती देण्याची आणि आक्षेपार्ह गाणे काढून टाकण्याची मागणी केली होती.

See more

STORY | Don’t worry about us, says HC; dismisses plea against ‘Jolly LLB 3’ movie The Bombay High Court on Wednesday dismissed a plea against Akshay Kumar and Arshad Warsi’s courtroom drama “Jolly LLB 3” alleging mockery of judges and lawyers, noting the court was used to such… pic.twitter.com/CMQYCoCmLp — Press Trust of India (@PTI_News) September 17, 2025

Bigg Boss 19: ‘बिग बॉस’च्या घरात जॉलीची एन्ट्री; अक्षय कुमार आणि अर्शदने स्पर्धकांचा घेतला क्लास

न्यायालयाने याचिका फेटाळली

या याचिकेची सुनावणी करताना, मुख्य न्यायाधीश चंद्रशेखर आणि न्यायमूर्ती गौतम अंखड यांच्या खंडपीठाने समाधान व्यक्त केले. याचिका फेटाळताना न्यायालयाने म्हटले की, “आमची काळजी करू नका. पहिल्या दिवसापासूनच आमची चेष्ठा केली जाते. या प्रकरणी, चित्रपट निर्मात्यांनी न्यायालयाला माहिती दिली की, चित्रपटाविरुद्ध अलाहाबाद उच्च न्यायालयातही अशीच एक याचिका दाखल करण्यात आली होती, जी फेटाळण्यात आली आहे. या मोठ्या दिलासानंतर, हा चित्रपट ठरल्याप्रमाणे १९ सप्टेंबर रोजी प्रदर्शित होणार आहे.

See more

दो Jolly. Double the drama. Sirf दो din mein! Book your tickets now: https://t.co/oY5QarpGWc | https://t.co/IHRaZlLqSb #JollyLLB3 in cinemas 19th September. #JollyLLB3ThisFriday #JollyVsJolly pic.twitter.com/jge71VoyfD — Star Studios (@starstudios_) September 17, 2025

‘जॉली एलएलबी ३’ मध्ये अक्षय आणि अर्शद पुन्हा एकत्र

‘जॉली एलएलबी’ या लोकप्रिय कोर्टरूम कॉमेडी चित्रपट फ्रँचायझीच्या तिसऱ्या भागात प्रेक्षकांना एक खास गोष्ट पाहायला मिळणार आहे. या चित्रपटात, पहिल्या भागात वकील ‘जॉली’ची भूमिका साकारणारा अर्शद वारसी आणि दुसऱ्या भागात हीच भूमिका साकारणारा अक्षय कुमार हे दोन्ही कलाकार आता समोरासमोर येणार आहेत. त्यामुळे, हा चित्रपट सुरूवातीपासूनच चर्चेचा विषय ठरला आहे. टीझर प्रदर्शित झाल्यापासूनच चाहत्यांमध्ये या चित्रपटाबद्दल उत्सुकता वाढली आहे.